السلام عليكم ورحمة الله وبركاته
اخواتي بنات عالم حواء بما انه مالي غيركم فحابة اخذ رايكم ومشورتكم
انا مكياجي حلو وستايل على الموضه وكل من شاف مكياجي قالي وين مكيجتي اقوله انا اللي مسويته ويترجوني اني امكيجهم لكني مااعرف امكيج غيري فوحدة اصرت الا امكيجها في عرس اخوها قتلها حبيبتي تعاليلي في الحنة سويت لها وطلع حلو وبما اني ماعرف حق غيري قررت اني اخذ دورات ولله الحمد خذيت دورات مكياج وماشيه اوكية بس العلة انه ماعندي حد امكيجة كتدريب
وبصراحة ماودي ابدى اشتغل الا وانا واثقة من نفسي فشنو رايكم؟؟؟
انصحوني اني امكيج خصوصا اني حاطة سعر رخيص 150 للعادي200للسبيشل فمادري شنو رايكم هل استقبل زباين والا شنو انا محتارة ارجوكم لاتبخلون علي
:angry:
&&أم أحمد&& @ampampam_ahmdampamp
عضوة نشيطة
يلزم عليك تسجيل الدخول أولًا لكتابة تعليق.
تاتش لوف
•
ممكن تتدربين على معارفك بالبدايه او تشتغلين في مشغل متطوعه او مساعده بكذا تتدرب يدك مع كثر
الشغل لين تصيري متمرسه وانشاء الله يوفقك ونشوفك اشهر كوفيره في قطر
الشغل لين تصيري متمرسه وانشاء الله يوفقك ونشوفك اشهر كوفيره في قطر
الصفحة الأخيرة
الممارسه مهمه لمعرفة اللون والتدرب عليه ويلزمك عده وهنا العله جمعها موبالأمر السهل لأنك لوبتشترين ادواتك يبي لك مبلغ مو هين ...لكن ان جمعتي على مده معينه بترتاحين
طبعا ليه اقولك الممارسه لأنك لو وقفتي فتره من الوقت بتتجمدين وبتحتارين ومن وين بتبتدين وكمان عامل السرعه مهم احيان زبونتك تحتاجك خلال 20 دقيقه وأقل
حاولي تجربين على يدك بتلاقين متعه وانتي تدربين وطبعاً مومثل لمايكون تشتغلين بوجه حقيقي
وبغيت اقولك الخبره البصريه مهمه حاولي تطلعين كثير على الرسمات وشوفي شغل غيرك ولاتحاولين تقلدين احد افرضي ستايلك الخاص ومايمنع رفع شعار الزبون عاوز كيده طالما انك تشتغلين بحرفيه وهوايه
لا تبخلين على ادواتك وعدة شغلك ولاتستخسرين فيها الفلوس لأنها هي اللي بتساعدك وترفع مستوى شغلك
اطلعي على كل جديد بعالم المكياج
دوري الماركات اللي يستخدمونها المسرحيين مثل بن ناي وستيج
جربي وحاولي ولاتشترين الا وانتي دابله كبد اللي بيبيعك
اطلبي من ربعك تسوين لهم وكل مالقيتي نفسك فاضيه تدربي
ابقولك على سر بسيط انا اسويه ولا زلت
لما كنت طالبه بالجامعه كنت ارسم ايدين وعيون ورجول زميلاتي في المحاضرات ولا اترك فرصه لظل او ضوء الا اغتنمها الين مكنت نفسي من الفرشه واللون ولله الحمد
ولم اقتحمت عالم المكياج ماكنت انام قبل ما اسوي بروفه لأي احد حتى لو الشغاله كنت اغذي نفسي وروحي بالرسم مكياج اوغيره ان كنتي فنانه بس غذي روحك وكل شي بيصير تمام..
والسر هو ان شنطة مكياجي وقلم رصاص دايم بشنطتي وباليت صغير للألوان وفي كل مكان تلاقيني ادهر بس ابشرك طبت من هاالداء ولاعاد انبش عفشي عل الناس
هذرت واجد بس اتمنى لك كل التوفيق وأن شاء الله تكوني اشهر من نار على علم