ماشاء الله شغلك نظيف
والجاي احسن ان شاء الله

صراحه ححبيبتي يعطيج الف عافية على المكياج الحلو
صراحة انا ركزت على الصورة الاولى فترة لقيتها اتجنننننن خاصة الالوان والزواية الداخلية والخط الجدامي معطيج ظرة روعه بس يمكن الخط الاخير اللي في النهاية (زاوية العين الخارجية ) يبيله رفاع شوي بس بصراحة وايد حلو
ويا ليت خواتنا في المتنى يراعون مشاعر غيرهم وعبرون عن رايهم من غير ما يجرحون غيرهم

السلام عليكم
حبياباتي صدقوني على الطبيعه مره حلوه واللي حاطه صورتها مو انا وحواجبها مو منتوفه
مشقره بس مع التصوير وشوية تعديل فوتو شوب ما صارت واضحه
ويا بنات صدقوني الاوان مو واضحه مره والحركه دارجه عندنا في الدمام بشكل مو طبيعي ما اروح زواج الا وفلانه مسويتها وعلانه مسويتها انا مجرد غيرت بدل ماهي الوان ثقيله وزحمه سويتها ناعمه
انا فاهمه قصدكم لما تقولوا ارفعيها بصير ما سويت الجديد واللي دارج عمرما اتمنى القادم يعجبكم وتسلمون على تفاعلكم وردودكم
ملاحظه:
يالخنساء اختي العزيزه صدقيني توقعت انك بروفيشنال
وردك كان بصراحه مو على خبرتك
وعن الحواجب اول شي مو انا اللي بالصور ثاني شي مو حافه البنت
واتمنى انه في المرات القادمه استفيد اكثر من خبرتك
لكي مني كل التقدير

السلام عليكم
::
اخواتي بالنسبه لللي استخدمته في رسم الحواجب فلم للحواجب بصراحه مو ماركه اخذته بالصدفه من كشك ورهيب بس انا احط اخر لمسه ظل بني
واحط فوقه مسكره شفافه يطلع حركه بجد حتى اللي اللي ما تحف تطلع مره حلوه ومرتبه
وبالنسبه للشعر المشقر لغخفائه دريماكول خطير من جد استخدميه بعود القطن للمكياح حددي وامسحي حول الحاجب لاخفاء الشعر الاشقر مع التصوير ما يطلع له اثر بالذات لما تحطي الاضاءه خاصه اذا كانت لانكوم اضاءة لانكون خطيره ورائعه
انا بالنسبه لي احب احط مثل الصوره تدرجات الوان نوصل لين تحت الحاجب اصفر احط فوقه الاضاءه يطلع جميل ورايق
ولكم مني كل التقدير بنات واسعدني تفاعلكم وتواجدكم

شفيكم يابنات صدق انكم قديمين مع أحتراماتي الشديدة لكم جميعا
فعلا الحركة هذي دارجة هالسنة في المنطقة الشرقية ماأدري عن المناطق الثانية يمكن مابعد توصلهم يمكن لو شايفينها على الطبيعة كان فهمتوا
وأنا كنت نازلة السعودية من شهرين وشفتها كثير في المناسبات والزواجات وماكانت عاجبتني كنت أحسها دفشه بس بالعكس طالعة رسمة الأخت ناعمة مرة وذوق عجل لوشفتوا الرسمة أكبر من كذا وش بتقولون وصحيح مثل ماقالت الأخت اذا علت رسمة زاوية العين الخارجية مارح تكون سوت شي جديد
أختي شبية الريم شغلك مرة ناعم ومرتب ونظيف وهذا أساس الفن في المكياج أستمري الى الأمام وأنا بنتظار جديدك