مشغل جديد .. او مب شرط جديد .. بس اول مره تروحين له ..
وودج تحطين مكياج لمناسبه عندكم
تجازفين وتحطين وانتي ماتعرفين شلون شغلهم ومو شايفته على احد ؟
بصراحه انا اجازف والله احط يدي على قلبي
مب بكيفي بس يكون المشغل اللي دايما اروح له واعرف شغلهم مزحوم مثلا
فاضطر اروح لمشغل سمعت انه مكياجه زين وحلو
والحمدلله لحد الحين الامور ماشيه تمام
لاني دايما اقولهم عشان مااجازف انهم يرسمون لي رسمة العين سموكي
لانه هذي الرسمه حلوه علي ومافيها مجازفه
وبعد العيد عندنا مناسبتين .. مناسبه مهمه وايد .. ومناسبه مب مهمه وايد
وفي المناسبه اللي مب مهمه وايد بجرب مكياج مشغل جديد :)
هالمشغل قريب من بيتي عشان جذي ابي اجرب مكياجهم .. وطبعا اذا طلع مكياجهم مب حلو
بكل بساطه بغسل ويهي هههههه لانه المناسبه مب مهمه وايد
واذا طلع اوكي وحلو بروح لهم مره ثانيه في المناسبه المهمه :)
بس مره وانا عروس كنت معزومه عند ناس اهلنا وجبت وحده تمكيجني لانه كانت فترة صيف
وابد ابد ماحصلت مشغل فاضي او وحده فاضيه تجيني
وجبت هذي من الجريده :o
والله انه مكياجها استغفر الله .. كان شين بالمره .. كنه مكياج الخمسينات او يمكن قبل الميلاد .. مادري والله وانا عروس تحطمت .. بس تجرأت ورحت بهالمكياج شاسوي ايامها ماكنت اعرف احط حلو ومااعرف احد ينقذني .. بس الحمدلله العزيمه كانت صغيره والله ستر :)
يالله خواتي شاركوني بتجاربكم
لحظة وفا @lhth_ofa
محررة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️