صباح الورد حبيباتي
النوم معاندني قلت احط لكم درس رسمته جريئه شوي
بي اذا طبقتوها الكل بيقولكم واااااو
اختي عيونها صغيره سويت لها هالرسمة الكل انهبل عليها
طلع شكلها تبارك الله يجنن بس ( البايخه ) مارضت اصورها
قلت ارسمها حق خواتي الغاليات في حواء
بسم الله ننطلق
.
.
الادوات المستخدمه :-
الشدو الابيض من غيرلان
الشدو الذهبي من شارمل الباليت الدائري
الشدو الاخضر الفاتح جدا من شارمل الباليت المربع
الشدو الاخضر الفاتح من شارمل الباليت الدائري
الشدو الاخضر المائي من كريولاين
الشدو الاخضر الغامق من شارمل الباليت الدائري
الشدو الاصفر من شارمل الباليت الدائري
الشدو الاسود من غيرلان
الايلاينر من لانكوم
الكحل الابيض من ماك
الكحل الاصفر من شارمل
الماسكرا من لانكوم
طريقه التطبيق :-
بعد مانجهز الوجه كالعاده للمكياج ونحط الكونسيلر حول العين
نرسم الحاجب بطريقه ناعمه بدون الاكثار من اللون
وزعت اللون الابيض على كامل الجفن واماكن الرسمه المفتوحه مثل الدرس السابق
بعدها وزعت اللون الذهبي تحت عضمة الحاجب
تحت اللون الذهبي من منتصف العين وصولا للأنف وزعت اللون الاصفر
وبعدين من بدايه الجفن المتحرك لمنتصف الجفن وزعت الاخضر الفاتح جدا ورفعته شوي على الجفن الثابت
وما ننسى الدمج طبعا انا دمجت مع اللون الذهبي والاخضر الفاتح اللون الاصفر
بعدها وزعت على النصف الباقي اللون الاخضر المائي من كريولاين ( لاحظي الرسمه في الصوره )
وحطيت فوقه الاخضر الغامق من شارمل وبعدين دمجت الخط الفاصل بين اللونين باللون الاخضر الفاتح من الباليت الدائري
رسمت الايلاينر من فوق العين وتحتها مثل الصوره ومثل ماشرحت لكم بالدرس السابق مع اختلاف الرسمه
( لاحظي الصوره )
نوصل النقط بالايلاينر وبعدين نضبطها بالريشه المبلوله مع الشدو الاسود ( مثل الدرس السابق )
ونوزعه صعودا للحاجب وندمجه مع الاخضر ونزيد الالوان بالقدر المناسب
تحت العين رسمت بالاخضر المائي تحت الايلاينر ودمجت شوي بعدها الاخضر الفاتح من الباليت الدائري ودمجت شوي وبعدها خط خفيف من الاصفر
اخيرا نحط داخل العين الكحل الابيض وفوقه الكحل الاصفر طبعا بتقولون ليش مانحط الاصفر على طول بقولكم لأنه يمكن مايطلع واضح
ونعبي الفتحات في مقدمة العين ونهايتها باللون الاصفر ونوزع الماسكرا بشكل مكثف
وهذي النتيجه يارب تعجبكم
