مكياج حفل التخرج

حبيبتي حفل التخرج حلو لها المكياج الناعم..يعني ما يصير ثقيل كانك رايحه عرس..
حطي مكياج كامل بس عند العين لا تحطين شدو غامق كحلي عينك وحطي شدو بني فاتح او بيج بس عشان يكسر لون الاساس والبودره انه ما يبين كانك حاطه مكياج واضاءه بسيطه تحت الحاجب وروج فاتح وجلوس بتطلعين الاحلى والارقى والانعم..هذا في نظري والله يوفقك حبيبتي..


اختك..
سبائك العسجد..

جزاك الله خير يا سبائك بس حبيت اسألك ابغى الجلوس يكون ثابت يعني يستمر لفترة طويلةلاني شريت من بودي شوب بس ما يثبت و من لانكوم بس مرة ثقيل بس الله يعافيك لا تقولين ماك لانه مو موجود عندنا
وين بقيت الاخوات و مشرفتنا؟؟؟؟؟!!!!!!!

وعليكم السلام ورحمة الله وبركاته..


هلاااااااا بك ختِ همس الأيام..

وانا اقولك المكياج الناعم احلى وأنعم ..

طبعا حطي اساس وتقدرين تلبسين عدسات وتستخدمين كحل سائل وماسكارا وممكن تحطين شدو وممكن من غير شدو ومع روج ناعم مثل وردي اواي لون يناسبك بس مايكون غامق يعني البساطة مافي احلى منها .

وعندك الجلوس من ريفلون مايروح بسرعة وإذا تبينه يثبت لفتره اطول حطي شويه عليها من كريم الأساس وبعدها ارسمي شفايفك كلها بالمحدد وبعدها حطي جلوس ..

وألف مبروك التخرج ياعيوني وعقبال الوظيفة يارب..


:24: :26:

الله يجزاكم كل خير على المساعدة

السلام عليكم بنات
همس القوافي عل بركة ان شاء الله وبالتوفيق
وعقبال الوظيفة ان شاء الله

مثل ما نصحتك شكولاته وسبائك العسجد المكياج الناعم هو احسن شي

حطي المكياج بشكل عادي من كريم اساس وبودرة وما إلى ذلك بس الظل استخدمي له الوان طبيعية مثل البيج والوردي و الالوان الترابية بدرجاتهم المختلفة بس بشكل بسيط وناعم

لكن ركزي على العين من خلال الآتي :
*رسم الحواجب بالقلم والظل وبعدها استخدمي الماسكارا الشفافة
* تكثيف الماسكارا من الجذور للاطراف بس بشكل مائل علشان يعطي شكل ان الرموش طويلة
*استخدمي العاقصة الخاصة بالرموش بعد لانها تعطي اثر اكبر للعيون
*واهم شي الكحل ارسمي بالآيلاينر الاسود العين من فوق . أما من تحت ارسمي باللون البني او الاسود لكن اذا حبيتي مظهر مميز ملفت استخدمي كحل ازرق او اخضر او موف او اي لون تفضلينه للكحل داخل العين وممكن ترسمي من تحت العين لمسه بسيطة من الضل بنفس لون القلم اللي استخدمتية للعين وارسمي بالاسود ممكن اعلمك طريقتي المفضلة بس لازم تنتبهي بالرسم

استخدم كحل سائل وارسمه من تحت على ثلث العين السفلي الخارجي او الثلثين حسب ما يناسبك ، بعدها استخدمي فرشاة دقيقة وناعمة ورفيعة مع لون من الظل اللي تبينه بس خليه كثيف ارسمي على الكحل السائل بشويش وبحذر علشان ما يتلخبط اللمكياج كله الحركة ذي يبي لها تدريب اكثر من مررة لانها متعبة بس تراها حلوةةةةة مررررة تطلع العين نظرتها عميقة جذابة واللون مندمج بالاسود استخدمي الالوان الباردة مثل الاخضر والازرق و البنفسجي او الكحلي بس بيطلع قوي الكحلي ، عل عموم هو المكياج راح يطلع كله ناعم ودرجاته بسيطة وحلوة بس اللون الوحيد اللي يبرز المكياج هو لون القلم داخل العين والظل اللي من برة
اذا طلع عندك شي زيادة او مو مرتب استخدمي كريم الاساس باسفنجة صغيرة ناعمة وبحذر امسحي الزيادة وشوية بودرة بس لا تكثري علشان ما يطلع كتل مرعبة
ترا مو كل الدرجات تناسب مع المكياج جربي وسوي بروفات وشوفي اللي يناسبك
* على فكرة انا احب كل شي بسيط وناعم وشي واحد بس هو اللي يلفت الانظار ويجذبها
فعلشان كذا نصحتك بمكياج طبيعي وناعم يبرزه مكياح العيون خصوصا اللون المحايد

ومع شي بسيط من البلاشر البيج الغامق او الفاتح او الوردي على الوجنتين
واختمي برسم الشفايف بقلم لونه طبيعي على بيج مثلا وروج خفيف استخدميه بالفرشاة لانه الرسم للشفايف بالفرشاة يدوم فترة اطول واستخدمي الغلوس وكثفيه بالذات على الشفة السفلية بالمنتصف
وعلشان ما يسيح استخدمي البودرة قبل رسم الشفايف.
وعلشان يدوم معك المكياج استخدمي البخاخ المثبت للمكياج
ولا تنسي عدة للطوارئ معك احتياطا

وبالتوفيق همس الايام