فعلا ألاء دشتي خطيــــــــــــــــــــــــــــــــــــرة..

الميك اب : فن وشطاره واللي مكيجتهم اتقنت الدور بغض النظر عن المسلسل والمبالغه اللي فيهم من ناحيه ان كل مشهد لبس يعني بالحلقه الوحده يلبسون 5 إلى 6 جلابيات أو فساتين
يعني اذا تبون الجد المسلسل عرض ازياء بشكل كبير ومبالغ فيه يعني نايمين ماكلين شاربين وهم على سنقه عشره .
الذوق : من جد رائع الإكسسوارات وتنسيقها مع اللبس والصنادل والشنط مره ذوق
عبير احمد : هذي من عرفتها وهي حلوه والمكياج طلعها زي ماهي حلوه وطبيعيه وشعرها بالمسلسل مره عاجبني نعومته انسيابيته ولون الشعر نفسه يجنن .
الأم : جلابيتها مسكته واللي مستشور شعرها مضبطه لها بالمره يعني صاير كثير مودرن .
البنت الصغيرونه : واي عليها شيك مره وربطاتها تهبل واكسسوارتها على عمرها الله يحفظها
رانيا : هذي لحاله حفله يعني بعض الفساتين اللي تلبسها أنا البسها بزواجات كثير شغل فيها ومره تعبانه على حالها وزي ماقلوا البنات بشرتها تفتح النفس بيضاء وصافيه وقشطه لو تحط بس قلوس بيطلح حلو ولو ان جمالها مايعجبني كملامح يعني بس بدعت في المسلسل .
بدريه احمد : هذي عاد عمة الحسن كله من جد خيال وهذا احسن مسلسل لها بغض النظر عن دورها التافه إلا إن لبسها كان مره مسكت وفاجاءت الجمهور بتحررها الغير معتاد .

وسلامتك
<== الناقده هاله سرحان
خخخخخخخخخخخخخخخخخخخ

بصراحه كلا م البنات كله عدل المسلسل نشوفه بس عشان اللبس
والمكياج بس صدق كله ذووووووووووق
:) :)

مكياجهم رووووعه... ولبسهم حلو وكشخه لكن مب دوم ساعات احسهم يلخبطون وااايد..

والاكسسوارات تهبل..

لكن بصراحه احسهم كلهم على بعضهم مهرجان الوان... احيانا اتضايق وانا اشوفهم .. من كثر الالوان الموجوده على الشاشه..

ماشالله على بشرة مشاعل الزنكوي روووووووعه.. وريولها تهببببببل واااااااي ياليت بشرتي جذي.. :(
وعبير احمد طالعه قمرررررر... صج جميله .. وبدريه احمد عليها شعر مافي مثله... ولبسها حلو لكن الله يغفر لها الذنوب الي تكودت عليها من التفصخ واحنا في رمضان.. لاحول ولا قوة الا بالله..

أنا شفت تقريبا نفس الاكسسوارات مالهم في المعرض....معرض رمضان والعيد....حتى مره لبست حلق والكل قال لي مال عديل الروح من وين يبتيه..