مكيــاج .. The Body Shop ...

سواء اساس.. الاساس مالهم كان زين بس صار اخرطي الحين اول لما كان بالقزاز كان رهيب
اكو نوع اسطواني زين بس ما يخفي العيوب عدل و الحين طلعوا نوع جديد صاير على بودرة ما حبيبته كلش
باودر.. عادي الكومباكت باودر احسن من اللوس باودر
ظلال .. الآي شدو احب الأضاءة مالته رهيبة بس باقي الالوان صايرة خفيفة وميزتها انه فيها لمعة
بلاشر.. عندهم البلشر الكريمي يمدحونه بس انا ما احب الوانه
فرش ميك اب والله فرشهم ماشي حالها بس ماكو مجال للمقارنة مع ميك اب فور ايفر اهوا التوب بالفرش
تخطيط الشفاه
عندهم اللون البني و اللحمي حلو حيل ما اذكر رقمه من زمان ما جربته
قلم العيون
هذا من صج رهييييييييييييييييييييييييييب خصوصا اللون الاسود لا يعلى عليه و ثابت و ما يسيح و رهيب
الآي لاينر
رهيب رهيب رهيب و اسود فاحم
الماسكرا
حكي فاضي مالها علاقة بالماسكرا أبدا
ما احب مكياجه كثر ما احب مجموعة العناية بالجسم :

مجموعة وايت ماسك رهيبة :(لونها بنفسجي )
العطر و البودرة والصابونة و عطر الجسم و اللوشن و الشور جل
و عندهم بودرة بلمعة لا تطوفكم

مجموعة مون فلاور اموت فيها خفيفة و ناعمة
مجموعة الفواكه : مثل فراولة و برتقال و انانيا و اوشن وفانيلا ومانجو ما حبيتهم كلش
اكو عطر توباكو رهيب
عندهم كفوف سنفرة خيال
و سنفرة القدمين بعد خييييييييال تبرد و تنعش
وليف الجسم و الشور جيل رهيب
ما احب مجموعة الشاي للعناية بالويه يعني مو ذاك الزود
عندهم فرشاية الجسم الكبيرة رهيبة
ادوات العناية بالأظافر ما تشتريها غير من عندهم
ممممممم
و شنو بعد قلت قصة حياتي
اكو مزيلات العرق خصوصا الو فيرا رهيييييييييييبة
هذي كل معلوماتي
و ما انسى ادوات تعطير المنزل هذي بعد رهيبة
وعندهم مناديل مزيلة للمكياج مو ذاك الزوود
الكونسيلر عندهم مو شي كلش
جنط المكياج من عندهم لا يعلى عليها
وووووو مرطبات الشفايف عندهم خيال
و امشاط الشعر و الشامبو و حنة الشعر رهيبة كله اشتريها حق امي الله يخليها لي
و بس
اي استفسار ثاني انا جاهزة

جربت كريم زيت اللوز لليدين رووووووووووووووووعه
وكمان عطر tobacco جنااااااااااان
اما المكياج ما استخدمت منه شىء لان الكل ما يمدحه

كل شي ببودي شوب خيال لو معي قلوس كافي شريت الشركة !!!

طبعا في حاجات مو حلوة

بس الاساس فعلا اوقات حلو و اوقات لاء

بس عموما حلو

اللوز باودر بشتريه ان شاء الله

العطور اوشينوس

الظلال حلوة جربت الذهبي

كريمات مجموعه فيتامين هـ

كريمات اللي بفيتامين سي شريت حق العيون خسارة فلوس بس

مقشر الكاكاو حلو بس مو ذاك الزود يمكن ما اعرف له

زبده الكاكاو حلوة بس اخوي امتحن ديني كل شوي يقول : اوووووووف وش ذا الريحه؟؟
ترا هو كذا يكرة الروائح بشكل عام عطور او اكل او اي شي !!! لو يشتري كمامه اصرف له!!

ارواج +قلوسات حلوة بعد

وانتم يابنات سولفوا وش شريتوا

عندي مكياجهم ما استخدمه لاني احس انه وايد هادي ونا احب الالوان القويه
جربت القلوس الشفاف وايد عجبني
وجربت البودر هم حلو لونه طبيعي وناعم مخملي
جربت غسول الوجه بالاناناس
وقناع نسيت اسمه لكن ماعجبني لونه ازرق
جربت عطر الفراوله حلوووووووووو
جربت عطر همسات يهبل
جربت عطر الانانيا رووعه
جربت الليفه وللحين استخدمها وايد حلوه
وعطر المسك ماشي الحال احس ريحته تنفع للاطفال اكثر
مرطب شفايف برائحه الفراوله
وهم احب اشتري هدايا مجموعات الحمام لان شكلهم انيق ومرتب
وفي مجموعه الحمام الرجاليه حلوه اذا بتقدميها لزوجك

هلا و الله ... انا عن نفسي ما جربت غير
1) الكحل و اللي صار لي كذا سنه مداومه عليه وكل ما يخلص أرد أشتري منه ...
2) الصابونه
3) العطر
4) أدوات البديكير
5) سكراب الفراوله و هذه حلو كثير
6) لب قلوس
7) مشط شعر
8) الليفه مالت الجسم
9) فرشاة الميك اب