ملاابس الحمل يبنات جده في اية اسواق

روحي مجمع الشرق في رصه محلات للحمل يمكن5 او6 محلات حمل

جنب بعض واشيئهم حلوة لكم مو ماركه عندهم بلايز وبناطيل وملابس كامله

حتى تلاقي عندهم لبس للبيت حلو ومدلع انا لما كنت حامل اخذ من عندهم

وترى مو دايم تلاقي عندهم اشياء حلوة لكن انتي روحي وشوفي

وفي محل اسمه مراحل في عصام ناس اشيائهم حلوة بس غالي شوي

وانا في الشهر التاسع اذا كبرت بطني وابغى اخذ شيء حلو لمناسبه

عندي اروح ايفانز حق المقاسات الكبيرة واخذ منهم

الله يعينك ويقومك بالسلامه

جزاك الله خير اختي ندونه:24:

تبين ملابس حمل ممييييزة .. وحللللللوة بس معليش تكون غالية؟ روحي أم المستقبل في التحلية جنب المكتبة الراقية ملابسهم ماكنها ملابس حمل كشخة وعلى الموضة بس قولي له يطلع لك من اللي جوا ويفرجك على الكتالوجات اللي عنده ..
عندك كمان مذركير .. بينيتون .. ناتاليز كلها تجيب أشياء حلوة وعلى الموضة بس سبورات .. :27:

جزاك الله خير ام سعود هذا اللي كنت ابغاه ابغى ملابس حمل بس ماتكون ثياب وجلابيات لانها ماتعجبنى:26:

في البدء أشكرك عاشقة بناتي على إدراج موضوعك
بجد من قبل ما أتزوج كنت أشوف أختي تبحث عن ملابس للحمل غير شكل وكانت تكتفي بملابس مذركير

بعد زواجي احترت .. مذركير مقاطعة ولايمكن أتنازل عن المقااااطعة أبدا بإذن الله - إن شاء الله ألبس خيشة -

بس بصراحة أم سعود أسعدتني .. بذكرها لهذا المحل - إن شاء الله ما يكون أمريكي بس - ..
إن شاء الله أزور المحل بس أنزل جدة لزوجي في الإجازة - بإذن الله - ( أنا في مدينة الخبر الصغنوونة الحلوة وزوجي في جدة ، ادعووووا لي أنقل عند زوجي :06: )

بس لو سمحت أم سعود .. ألاقي تنانير طويلة - للعمل - ؟
والمقاسات تبدا كيف : 6 - 8 - 10 - 12 وهكذا
أم : S- M - L ؟
وبعدين الأسعار غالية بأي حدود ؟ تتجاوز 300 ريال مثلاً للقطعة؟؟

أرجو أن أجد الإجابة حبيبتي
مع خالص شكري :)