كيفكم حوائيات
اليوم جايبالكم يابنات مسحوق رخيص ويعطي نتايج زي الايل واحسن وبلا كلوركس اللي يخرب الملابس البيضاء ويخلي لونها اصفر وحتى الخل جربته مافاد معايا والله يابنات نتيجته اذهلتني
لدرجة اني بعد ماجربته ماصرت راضيه عن بياض ملابسي القديم رجعت طلعت الملابس البيضاء اللي في الدولاب ورجعت غسلتها ثاني
والله انه كان عند زوجي ثوب قماشه كتان وما ادراك ما الكتان وبصراحه غالي من ابو صافي وفصله في المصمك يعني الثوب مره مكلف ويعتبر اغلى ثوب في دولابه بصراحه
المهم لان قماشه كتان وهو مالبسه الا في كم المناسبة وبعدين راح فيه كم مره المدرسه والله لايوريكم الثوب لونه تغير صار باهت واحس اكواعه ماتنظف ولا ياقته رميته في الدولاب وكنت ناويه اوديه اي جمعيه بس يوم شفت نظافه هالمسحوق تجننت وقلت الحمد لله انه موجود مارميته وغسلته يوم راح فيه المدرسه زملائه يباركوله عالثوب الجديد وماصدقو انه لبسه قبل كذا
وكان عندي بنطلون من بنيتون مره حلو يادوب لبستين او ثلاث بالكثير وتغير لونه وبعد ماجبت بونكس غسلته ورجع بفته يلق وحتى يوم طلعته قلت ياريتني صورته قبل وبعد وربي محد يصدق انه نفس البنطلون
المهم احس اني طولت عليكم المسحوق هو
بونكس اكتيف 2 بالليمون
وهذي صورته
وانا اشتريته قبل سنتين او 3 كان حلو بس هذا شكله مطور افضل بكثير من القديم
اخذت 2 كيلو من هايبر بنده اللي في الروشان بـــ10 ريال هذا الكلام قبل شهر ممكن
هذي تجربتي وحبيت اشارككم فيها ولاتحرموني من دعواتكم
نظيفه و ريحه و توفير
:)