ملابسي سواء عيد او زواج او مناسبه عاديه

السلام عليكم ورحمة الله وبركاته

انا يااخواتي ماحب المقدمات لاني ماعرف اعبر ولاهنا ذاك الاسلوب لكن ياحبيباتي دائما ادخل هالقسم واتفرج على اللبس الي تنزلونه واشوف كثير من الاخوات اذا نزلت لبسه تكتب في اخر موضوعه بليز الي عندها كلام ماله داعي لاتقوله والي يردون يكتبون للأخت الي منزله الموضوع الله يعينك على المتخلفات او المعقدات ومن هالمسميات طبعا تبي تقولون وين المشكله المشكله ان الي يكتبون هالكلام كلهم لبسهم عااااري نعم عاري اما بنطلون او تنوره قصيره او بلوزه كت او شفافه طيب يااختي يالي نزلتي ملابسك أسألك بالله لبسك حلال ام حرام وليش خفتي على مشاعرك بهالدنيا انها تنجرح ولا خفتي بالاخره من النار ولاخفتي تدخلين بالحديث كاسيات عاريات اسألكم بالله من شافت بالقسم لبس ساتر وعلى السنه والله يااخوات ان الوضع صار يخوف اقسم بالله ان بعض الملابس الي تنزل بهالقسم ان لم يكن كلها قمصان نوم ؟؟؟؟ وشلون الوحده تسمح نفسها تلبسها عند احد وهي منتهي العري ولاتلعب الوحده على نفسه وتقول ابسترها وتسترها بهلاهوب ولابنطلون ولاشراب من قال اصلا ان ذولي يسترن والله يأخوات لو وحده منكم تعرضت لحادث وتشوهت يدها ولارجلها والله ان تلبس ساتر مو عشان الستر لا عشان تخفي العيب الي فيها طيب يوم رب العالمين عطانا هالنعمه الي هي العافيه وحسن الخلق ليش نعصيه الله يستاهل الحمد والثناء وبعدين يااخوات فيه شي اسمه عوره لاالبنطلون ولا البلوزه يغطون العوره ولاشفنا شيخ يحلل هاللبس وبعدين ليش الوحده ماتقبل النصيحه وليش تخاف من النقد وليش الناصحه تعتبرونه متخلفه ومعقده لانها تنصحك لمصلحتك لانها تأمرك بالمعروف وتنهاك عن المنكر ولا ايش بمى معنى الحديث كنتم خير امة اخرجت للناس تأمرون بالمعروف وتنهون عن المنكراو كما قال عليه الصلاة والسلام يعني ترضين بالي يعينك على المنكر وتفرحين بردهم وتشجيعهم على لبسك وتزعلين وتضايقين من الي يريد لك الخير والصلاح الله المستعان لكن مافيه غرابه اخر الزمن يصير الي يتكلم صح غلطان