ملابس الزوجة عند حمولتهااااااا ... نقاش جاد

السلام عليكم ورحمة الله




حابه اتكلم بملابس الزوجة عند اهل زوجها


اذا كانت الزوجة ببداية حياتها الزوجية ( عروسة ) وتلبس الملابس الشفافه والعارية الصدر والقصيرة والكات وتطلع قدام خوات الزوج بحجة انهم بس بنات وقدام امه بملابس فوق الركبة واحيانا ببجامات النوم وقمصان النوم الحريرية .. هل فيها شي ؟؟

خاصة اذا الزوج كان من النوع اللي مايرضى حتى ببنطلون طويل في البيت لاخواته ولا يرضى ببجامات ولا يلبسون قصير

المشكلة انه الاخوات بدأوا يتأثرون فيها وصاروا يشوفون الاخ سامح لزوجته وصاروا يلبسوا زيها بس طبعا مو بالمستوى اللي هي عليه لا يعني صاروا يلبسون بجامات وينطلونات لكن هي رغم انها ماشافت حد من اهله يلبس قصير وهي مستمرة بلبس القصير

والفشيلة لو فيه زيارات لناس من برا وتطلع قدامهم بالمشخلع والعاري والقصير بحجة انه حريم وعادي وللاسف الحريم مايسكتون يتكلمون من وراها في لبسها

وتم التلميح لها بأن هذا اللبس مو مقبول و زعلت ماعجبها الكلام وتعتقد انه غيره وحسد !!

وزوجها الي كان محافظ ومايرضى باللبس مدلعها ومايبي يقولها تستري خايف يزعلها ( عريس جديد طاير بعروسته ) وهي تتحجج انها تلبس كذا عشانه