تعبت اكابر :

الله يكون بعونك بس اظن فكره الصناديق فكره حلوه يعني مثلا الشراريب والهلاهوبات كل طفل بصندوق لحاله اسهل واسررع او تشترين من الارفف البلاستيكه وتحطي فيها الملابس الصغيره او ملابس البيت وتخلي ملابس الخروج بالدولاب

الله يكون بعونك بس اظن فكره الصناديق فكره حلوه يعني مثلا الشراريب والهلاهوبات كل طفل...

معلمة وأم :

يب في حلول بسيطة يمكن تساعدك روحي ايكيا او ساكو حتلاقي عندهم علب بلاستيك بأغطية ياحجام ومساحات مختلفة .. في منها المسطح الي تحطيه تحت السرير وفي المربع .. انا عندي نفس المشكلة .. ايش سويت ؟ جبت صندوقين كبار من ايكيا بلاستيك وحطيت فيهم الاشياء الي ماستخدمها يوميا ورفعتهم فوق دولاب الملابس .. شكلهم حلو ومرتب وجبت طقم سلات من ساكو .. السلات القش .. الخيزران مدري ايش اسمها بالضبط .. المهم رف من رفوف الدولاب خليته لها وحطيت جوتهم الملابس .. بس عشان ماتعب من تخريج الصناديق كل شوي وكمان مانتسى محتوياتها ..رتبت المحتويات حسب احتياجي .. يعني الصندوق الي بالاسفل فيه الاشياء الي اعرف اني ماحتاجها الا بالشهر مرتين ثلاث .. الوسطاني لفيت فيه املابس اليومية على شكل رول .. اصغر واحد للشراريب .. وانت والي عندك نسقي .. كمان للبنات ممكن تاخدي الصناديق البمبة الي في لايف ستايل ( سنتر بوينت ) اشكالها حلوة وتشجع انهم يحافظو عليها مرتبة .. وعلى شكل رولات برضو كمان في طريقة امي الله يحفظها متبعتها وما شالله على دولابها مرتب ..كيف ؟ جايبة شراشف او قطع قماش .. مقاس متر .. وفي كل قطعة لافة مجموعة ملابس بداخلياتهم وطرحهم .. يعني حق كل يومين ملفوف مع بعض ومثبتتهم بمشابك , غير عن انها اصلا تصفتهم بشكل مسطح عشان ماتتكركب الدنيا .. انت ميزيها باللون ,.. مثلا في قطعة تحطي غيارين مع داخلياتهم مع لبس واحد للخروج واذا حابة هيلا هوب او شراب .. جاكيت .. الي عندك حق اليوم تلفيه سوا .. نفس الفكرة الان تلاقيها في محلات التخزين جايبلك جيوب على شكل ارفف قماش ومكتوب على كل جيب ايام الاسبوع فيصير من الجمعة مثلا تحطي ملابس كل يوم بجيب .. لكن مانصحك بيها لان البزورة الله يحفظهم لنا حيقلبوها قلب بما انها مكشوفة لهم مو زي الصناديق او لفات القماش ( البقشة اذا تعرفيها ) >>>> قدييييييييييييييييمة شوفي الي يناسبك .. كمان لما تشتري شراشف او بطاطين لا ترمي الاكياس اذا كانت بسوست تساعدك في التصفيت اتمنى اكون افدتك تقبلي مروري

يب في حلول بسيطة يمكن تساعدك روحي ايكيا او ساكو حتلاقي عندهم علب بلاستيك بأغطية ياحجام ومساحات...

ذات العفاف :

شوفي ملابس البيت والنوم صفيها مع ملابسك حقت النوم والبيت مثلا ان كل واحد يلبس لبس كل يوم تشيلي لكل واحد قطعه وفوقها حقت التاني وتصير 5 قطع دي حقت يوم ولابغيتي تخرجيها دفعه وحدة كل واحد بلبسه ولا انك تحوسي وتدوري عالبس حق الصغير والكبير خلاص نتي عارفه ايش رتبتي نفس الشي لملابس الخروج رتبيها كانكم خارجين كل واحد بلبسه وخليها فوق بعض فدولابهم بطتطبيق المحلات طبعا احسها ترتب شوي بس افضل من لاشي او اشتري لهم دولاب جانبي ب350 او 400 من سيتي بلازا الدانوب وقسمي اللبس حقهم هذا راي

شوفي ملابس البيت والنوم صفيها مع ملابسك حقت النوم والبيت مثلا ان كل واحد يلبس لبس كل يوم تشيلي...

لا مناص :

اخ يا قلب العنا نفس المعاناة شوفي انا عاد مو خمسة الله يحفظ لك عيالك بس حليت مسألة الضيق و الدولاب الصغير رحت شريت من ايكيا زي اللوح القماشية اللي تجي بجيوب وعلقت ع جنب الدالوب بحيث هذي تكون للهيلهوبات والشراريب والملابس الداخلية وممكن تستفيدين من جدار الغرفة تطقين فيه علاقات تحطين فيها الدواليب القماشية بحيث تكوون لملابس النوم الله يعينك ويفرج لك وويوسع علينا وعليك

اخ يا قلب العنا نفس المعاناة شوفي انا عاد مو خمسة الله يحفظ لك عيالك بس حليت مسألة الضيق و...