ملابس لعيالي؟؟؟؟

بالعكس اختي مفروض تاخذين لبس يكفيكم لو للفترة الأولى
لأن مثل ماقلتي بتنشغلون الفترة الأولى وبتصيرين توك مابعد عرفتي السوق زين

ما أدري عن جو فلادلفيا
بس حددي لبسكم اللي يناسب و يستاهل تاخذينه
يعني لو قرب يصغر على عيالك لا تتعبين نفسك وتجيبينه

وبالنسبة للمواعين
مافيه لا فناجيل ولا بيالات ولا ترامس ولا حوافظ ولو لقيتي ترامس وحوافظ فهي غالية مو زي أسعارنا
واحتمال كبير مايكون فيه بلاستيكات السفرة


بس فيه صحون ومواعين طبعاً :)

بس الشعبيات غالباً ما تلقينها سواء كانت مواعين أو أكل أو لبس

الله يحفظكم ويسهل أمركم :)

السلام
الله يوصلك باالسلامة
باالنسبة للملابس اكيد جيبي معك مويعني كثير مرة
اما باقي الاغراض انا انصحك تجيبين ترامس شاي وقهوة والفناجين وبيالات وطبعا ملحقات القهوة وسفرة للاكل لان ماعندهم هناشي
وشاحن الجوال لاتنسين تراة مهم لاني جايبه واحد وخرب ومتى لقينا وافياش كهرب لان هنا افياشهم غير جيبي الي فتحتها مربعة وش بعد بنادول لان المسكنات عندهم خفيفة مومثل البنادول لاني فاقدته مرة :D
هذا اهم شي ولى الباقي متوفر هنا

وعليــكم الســلام ورحمة الله وبركاته ،،

الحمدلله بخير انتي كيفك ؟؟

شوفي حبيبتي انا عن نفسي مو أول مرة أسافر بس أول مرة اعيش بالغربة على طول وما خليت شي على قلبي الا اخذته يعني

الملابس حق سنة لي ولبنتي طبعا مع ملابس العيد يعني حطي مقاس لعيالك حق بعد كم شهر وكذا قطعة لأن بضايعهم أغلبها غالية يعني السعودية ارخص بكثير وخذي احطياطك للجو ـ صيفي وشتوي ــ وعادي خذي ملابس داخلية لأنه عندهم التكيف الحار ـ الهيتر ـ شراريب كثري منها تنفع بالبرد والبجايم الداخلية

عطور وكريمات وشوي ماكياج

ادوات للمطبخ مثل خلاط البصل مولينكس ــ ترامس للقهوة والشاي ــ ما تحصليها عندهم وحتى لو موجودة تكون أغلى بكثير من قيمتها

حبيبتي حتى البطانية للسرير أخذتها معاي لأنه بطانياتهم مالها داعي ومفارش السرير توصل لألف دولار هذا العادي

أما عند الأدوية حدث وولا حرج أخذت حق سنتين كاملة ولازم يكون عليها الوصفة باسم المريض وتاريخ الانتهاء

وغير الزيوت من المعصرة والعسل الحضرمي والتمر وبعض البهارات استخدمها بشكل مستمر ـ هيل وبن وبهارات الشربة بس أهم شي عليه تاريخ الانتهاء ومغلف تغليف حراري

والحمدلله رغم ان الجمارك باستراليا مشددين وما يدخلو هذي الامور بس انا محصنة الشنط كويس وأي شي ممنوع اقول انه هذا لبنتي وإذا كان شي ضروري للطفل عادي ما يدققو

المهم حبيبتي خذي أي شي يجي على بالك لأن بعض الشغلات تكون جداَ غالية وأضعاف سعرها الحقيقي

أما عن الرجال اغلبهم كذا ما يبغو ياخذو شي عشان الحمولة الزايدة وانتبهي وزعي اغراضك على كذا شنطة و بعد ما تقفلي شنطك اوزنيها عشان ما يصيرلك اللي صار لي

عموماَ سوري اذا طولت عليك وأي استفسار أنا بالخدمة

>>>>>> خبيرة بالمطارات

والله نفس الموضوع كنت بأسال في
الله يعطيك العافيه ربي أشفيني


بس عندي سؤال
يعني الاشياء الي نبغى نشيلها الكثيره معانا في الشنط
او نرسلها بالبريد احسن
ومثلا حبوب منع الحمل اروح للدكتوره تعطيني وصفه او كيف لاني ابغى اخذ حقت سنه تقريبا
وكيف يعني تغليف حراري

انا رابحه لامريكا

اهلين فيك اختي تنظمين لنابالنسبه للملابس خذي ما يكفيك امده اشهر وخصوص لعيالك لانه يستهلكونها وخصوصا مع عدم الاستقرارفي البدايه وجيبي لاولادك البجامات الداخليه للبرد لانها عير موجوده واغراض المطبخ اللي تكلموا فيها الاخوات وتمر لانك مقبله على رمضان فكل شي ضرب بالاسعار ووزعي الاغراض في الشنط وتذكري ان لكل واحد منكم شنطتين في الشحن الداخلي وواحده معه لكن احرصي على معادله الاغراض في الشنط حتى يخف الوزن