ملابس ماركات بس من محلات مو ماركه

السلام عليكم ورحمة الله وبركاته
يمكن في كثير منكم ماتقدر تشتري ملابس ماركات بسبب الظروف الماديه او لاي سبب اخر
بس انا باقولكم على طريقه تعرفوا فيها الملابس اللي تشبه الماركات من ناحيه القماش
المميز في ملابس الماركات انه القماش جيد ولا ينفط اي ما بينمش يعني ما بيطلع فيه حبوب صغيره
طبعا المحلات العاديه مليئه من الاقمشه الجيده والغير جيده لكن اللي عنده خبره بيعرف الجيد من غيره
انا قصدي في الاقمشه القطنيه
الطريقه هي
قبل ما تشتري اي قطعه شوفي الورقه اللي بتكون خلف الرقبه او داخل القطعه من الجنب
شوفي نسبه القطن كم اذا كان 100 في 100 فهذا جيد وغالبا تكون في الفلاين والتي شيرت والملابس الداخليه
واذا كان نسبه القطن 90 في100 فهذا ايضا جيد وغالبا تكون في البنطلونات
باختصار اي قطعه تكون نسبة القطن اكثر من 90 فهذا قماشه جيد وما بينمش
حتى في بعض الملابس اللي تكون تقليد للماركات من ناحيه الشكل تلاقي اكثرها قماشها بينمش او بينفط لانه نسبه القطن فيها اقل من الماده الاخرى اللي بتكون داخله في صناعة القماش
وانتوا شوفوا الملابس اللي عندكم وشوفوا الورقه اللي فيها كم نسبة القطن وشوفوا اذا كان كلامي صحيح ولا لا
ترى هذا الموضوع جبته من عندي من خلال التجربه
اتمنى انكم فهمتوني
وان شاء الله يعجبكم موضوعي