ملابس مذركير

والله حبيبتى صادقه ... مذركير القطن عندهم مو شى ...

لكن الاقمشه الباقيه الكتان والجنزات والجاكيتات كلها حلوه .. ..

عموما انا لاحظت ان بجايم ولدى الصغير 9 شهور قماشها دمار اما بنتى 5 سنوات بالعكس بجايمها روعه مع انهم كلهم من مذركير .. يمكن بلد الصنع يفرق .. تعرفين انهم يستعمولن ايدى رخيصه بالهند وبنجلادش .. اعتقد حتى القطن يستوردونه من اماكن ثانيه .. او يصنعونه .. مدرى والله

بالنسبه لى كنت مثلك ما اشترى لبنتى الا من اوكايدي .. ليش ما ادرى .. لكن الحين لا ...
صرت اشترى من كل مكان .. اوكايدي .. سيرجنت ميجور .. مذركير .. تاب الويا .. ( بس عيبه مقاساته منتفه صغيره مره ) سيتى ماكس ( احيان اطيح على شغلات عجيبه يعنى اطلع بقطعه انا اشوف انها مكسب ) نكست لحاله مسكت ..
وكثير اعرفهم يمدحون سيتى بلازا مع انى ما قد شفت عنده شى حلو .. بس اشوف على الناس ولما اسالهم يقولون سيتى بلازا .. يمكن انا ما اعرف افتش ..

وقبل فتره رحت مبارك ( زى الهرم ) ولقيت عنده فستان لبنتى كنت شاريته من مذركير .. ما كنت اصدق اختى لما تقول شفت فستان بنتك بمبارك .. اقول لها يمكن يشبه له .. بالاخير اقتنعت ..
واشتريت لها فستان يجنن كروهات ابيض مع اصفر تحلفين انه ماركه .. مرتب وقصته مو طبيعيه ومافيه خرابيط .. يجنن وب 39 ريال بس
لكن عيبه يبى لك تفتيش لحد ما تطيح يدك ..
وخذيت لولدى بدله تجنن .. تي شرت قطن رمادي .. وبرموده كروهات ابيض باحمر .. فخمه مره ب 29 ريال ..

اتمنى انى اكون قدرت افيدك .. موفقه يا غلا

والله شئ وشئ

:)

ام محمد بسألك وين مبارك هذا اللي قلتي عنه مااعرفه

الملابس الكشخه بصراحه في نكست وزارا أما الطلعات الخفيفه سيتي بلازا وزي ماقالت الأخت أم محمد سيتي ماكس تطيحين فيه على تيشيرتات وبجامات حلوة
انا عن نفسي مايعجبني مذركير الا نادرا مو دايم ملابسهم حلوه بس فعلا اختي تاخذ من بجاماتهم تقول شييينه مره وتخرب مع الغسل

انـا مـثـلـكـ دائـمـا بـيـجـامـاتـ بـنـتـي الـلـي مـنـ مـذركـيـر
تـتـمـطـطـ.. صـرتـ اخـذ لـهـا مـنـ سـيـتـي بـلازا بـيـجـامـاتـ
وربـي قـمـاشـهـا احـلـى مـنـ مـذركـيـر