ملاحاظاتي الاولية بتجربة ماء الترمس بمنع ظهور الشعر الزائد ..

اول شي الله يسعدها وين ما راحت ووين ما اجت ويرزقها الذرية الصالحة المعافاة ويدخلها الجنة من اوسع ابوابها (ميس قهوة) <<< صاحبة تجربة ماء منقوع الترمس لمنع ظهور الشعر الزائد

طبعا نويت وجبت الترمس ودقيته وبعدين طحنته سبحان الله شديد الصلابة :09:
نقعته بكمية تقريبا ضعفين لتلت اضعاف ماء مغلي وتركته منقوع 6 ساعات
اثنائها قررت اشيل مناطق محددة للتجربة عليها ..
السيقان .. منطقة البكيني .. والابط .. رغم انه ما كان فيه الا كم من شعرة بينعدو على الاصابع

وبعد ما انتهت ال 6 ساعات اخدت كمية من منقوع الترمس وحفظت الباقي بالتلاجة هاد الكلام كان بتاريخ 11-5
المفروض كنت اداوم عليه 3 اسابيع كاملة واقل شي باليوم مرتين لتلت مرات بس انا
ما استعملته الا 5 او 6 ايام فقط لا غير

ملاحاظاتي الاولية والمشجعة جدا جدا كانت كالتالي: ((ما شاء الله لا قوة الا بالله)) :

1. الساق تقريبا 85% من الشعر ما ظهر .. والشعرات اللي ظهروا كانو ضعاف ومتفرقات

2. بما اني شلت بالبراون .. كتير شعر تكسر وما نشال من جذوروه .. المفاجأة انه هاد الشهر كمان لهلاء ما ظهر
منه الا ربعه تقريبا مع انه موجود وحاسة فيه ببعض الاماكن الا انه مو راضي يطول زي العالم :42:.. زهقني صرت بدي شي يطوله !!

3. الابط شلته وهو طبيعته خفيف لكن لونه طبيعي غامق .. الملاحظة الغريبة انه الشعر اللي نبت جديد
كان لونه اشقر جدا جدا .. يعني مو مبين انه فيه شعر اصلا

4. منقطة البكيني خفت اجرب عليها كلها لانه مكان حساس فجربت وركزت على جزء منها
المفاجأءة الحلوة انه ما لحد هاد اليوم ما طلع بهدا الجزء ولا شعره .. ((للعلم من يومين رجعت شلت كل جسمي وكررت التجربة على كل مكان وهاد الجزء مازال خالي تماما من الشعر ))

5. المكان اللي بالنقطة رقم 4 ... لونه صار افتح من بقية المنطقة بدرجتين تقريبا



ذكرت التجربة لوجه الله ومن باب التحديث بنعمة الله .. فما تبخلوا عليي بالدعوات الحلوة


http://forum.hawaaworld.com/showthread.php?t=2276061