ملاحظة بخصوص التخصصي الطبي..توني والدة عندهم..وبغيت اسولف لكم عنهم

هلا بنات..

مأدري انا صار لي والدة حول الأسبوعين..وقي بالي افيدكم عن تجربتي بالولادة في التخصصي الطبي..
كل مرة اقول بكتب موضوع..بعدين اقول لنفس ماعندي سالفة ولا فيه شي يستاهل..

فيه اكثر من عضوة سألتني عن المستشفى وقلت لها بالضبط الي صار معي...

لكن شي ما قد قلته...

ان إذا ربي كتب لي عمر وكتب لي حمل مرة ثانية ..ولادتي ماراح تتكرر مرة ثانية في المستشفى هاذي..

المستشفى والحق يقال ..كثير مهتمين بالنظافة ، غرفهم حلوة ، ممرضاتهم تعاملهم حلو ،،تحسين بلأريحية بعد ولادتك وانتي في غرفتك..
هادي ، مافيه صجة ولجة مثل المستشفيات الثانية...

لكن العيب اكتشفت بعد المدة هاذي بولادتي..
في الدكتورة حقتهم..
صحيح انها بشوشة مع الواحد بالعيادة وحبوبة ..وعمليتها كويسة..حرام اضلمها..

لكن ماتهتم بالوحدة وقت الولادة..!!
يعني احنا نروح مستشفيات خاصة وندفع فلوس على اساس تختارين طبيبة معينة تولدك..
ماهوب لما تروحين غرفة الولادة تمسكك الطبيبة المناوبة وتقولك انا الي اولدك إذا ماعندك مشكلة..وبعدين تروح الطبيبة المناوبة هاذي وتجيك الثانية وتلعب فيه وماهي دارية وين ربي حاطها فيه..
وبعدين دكتورتك تلاقينها في بيتها نااااايمة بسابع نومة ..ولاتصحى الا على موتك..

وشي ثاني..

يفترض انهم يركبون جهاز الطلق فيك طول مدة الطلق ويفترض انهم يراقبون نبض البيبي طول الوقت ..
مو يذبونك في الغرفة حقتك ويقولون لك إذا خلاص تعبتي وحسيتي في ولادة قولي لنا..

والله هذا الي صار معي..
جلست في غرفتي ساعات محد طل علي..وانا فيني طبع شين..الي هو اني استحمل الألم ..وقعدت انطقيت لحد مابغيت اموت وبعدين ناديتهم..وهاذا طبعا غطلتي..
بعد ماناديتهم ركبوا الجهاز يشوفون الطلق ونبض البيبي ويلاقونه ضعف..

ايه وش بعد..

دكتورتي الي ولدتي ماجت تشوفني بعد الولادة الا قبل مأطلع من المستشفى بيوم وتحت طلبي انا بعد..!!


مأدري بس فيهم عيوب..بجد اتعبت لي نفسيتي لحد هالحين..
كل ما اتذكر الفلم حق ولادتي..اقول ماراح اولد عندهم بعد كذا...
انا عارفه كل الي صار لي بكتبة الله...
لكن ...
حبيت اقولكم..عشان تنبهون طبيباتكم المسؤلات عن ولادتكم...