الهام اوافقك بكككككككل كلمة وكل حرف ...صدقيني الي يخالفونك ومسوين ما اقتنعوا هم في الاصل مقتنعين وفاهمين لكن ماعندهم جراة ولا قدرة على التغيير ..تلاقينها معها الدورة وبطنها ماغصها وبزارينها مسوين حفلة حواليها وقايمة تطبخ ماتقدر تقول لا ما اقدر ليش ؟؟؟؟ لانه توه جاي من الدوام ولازم يلقى لقمة ياكلها !!
ونست تعبها مع البزارين !! اللي العن واخس من الدوامات بأنواعها

مجتمعنا بكبره عوق جت على هذي
كل شي في صالحنا مايجوز
وكل شي يخدم الرجال موفر



الله يعيننا بس

طيب عزيزتي نفصفص شوي

هالرز الي يجيبه ما يحتاج بهار لحم دجاج معه ؟ ولا ناكله حاف ؟
الفاكهة ما يحتاجها جسم الانسان ؟
هالامور ماهي كمالية عشان نقول كثر الله خيره جابها وهو مو ملزوم
الامور هذي اساسية ..

الرسول صلى الله عليه وسلم قال : (تطعمها اذا طعمت ) يعني مسؤولية
توفير الطعام مسؤولية الرجال كاملة والطعام ماهو محصور برز ولا دقيق

جاب هو شي يحتاج تحضير او طبخ الزوجة تقوم فيها حسب طاقتها
مو يروح يختار الاشياء الي تحتاج طبخ ويفرض عليها تطبخ كل يوم
واذا ما طبخت فتقوم القيامة عليها ..

بعدين السفريات والتمشيات تتكلمين كانها حاصلة ومتوفرة !
والواقع ان التمشيات ماتحصل الا بمشاكل ونكد من كلام كثير من المتزوجات
ولما تجي الوحدة تناقشه يقول : الشرع ما يلزمني امشيك !!
السفر ايضا من انواع المستحيلات وان حصل حصل مرة كل خمس سنوات او عشر سنوات
وان جت الزوجة تناقش قال لها: الشرع ما يلزمني اسفرك !!

الي اقصده من موضوعي انه ظلم تتحاسب البنت على شي ما يجبرها عليه الشرع
والرجل ما يتحاسب وينقال للبنت : الشرع ما يلزمه يعطيك كذا !! مرة ظلم ..

يعني كم من رجال لمن زوجته ما طبخت بشكل دايم او كل يوم سوا مشاكل وراح علم
اهله واهلها وكم من رجال طلقها عشان شي ما يلزمها شرعا ..

لكن لو هو ما مشاها ولا وداها ولا جابها يا ويلها تحكي لان اول كلمة تنقال : الشرع ما يلزمه !!!
وفعليا ماقد سمعنا عن بنت تطلقت بس لانه ما يوديها ولا يجيبها او مايسفرها !!

الزبدة :(من حق البنت تطبخ حسب فراغها واستعدادها مو على كيف الرجال تطبخ كل يوم )




تشوفينها مشكلة تافهة اتركيها اجل للي يشوفونها مهي تافهة !
وسلامتك



الي ذابحته الاخرة صدق ما تلقينه بالمنتديات :)
ولا مانعرف الاخرة الا يوم ينقال كلام ما يجوز لنا ؟



الحاجة للتمشية والتجديد احتياج طبيعي لاي انسان ، وهذولي يبون يعلقونها على
مزاج الرجال .. اشتهى يمشيك ويدلعك ولا والله الشرع مايلزمه وفكري بالاخرة احسن لك !!

مع كون التمشيات ماهي اساسية لكنها ضرورية وتدخل من باب المعاشرة بالمعروف الواجبة على الرجل

يوم حكيتي عن الطبخ ذكرتيني شيخة بوحدة من قرابتنا زوجها ولد خالتها وساكنة خالتها معهم البيت
البنت ماهي موظفة وعندها اطفال ومقابلة بيتها طول السنة زي أي ست بيت
لا جت الاجازة الصيفية راحت ديرة اهلها جلست معهم شهر كامل ..

لكن الفرق هالسنة راحت لم اهلها برمضان ، وبدت الانتقادات !!
ليش تروح وتخلي رجلها وخالتها برمضان !! مسكينة انا رحمتها لانها طول السنة تكرف وتطبخ
ومقابلة بيتها وما شالله وش زين طبخها نجيهم كل فترة والثانية واشوف اكلها وحركاتها
وواضح انها مدللتهم بالطبخ وتشكل ماهي الي تكرر اصناف معينة وبس ..

ومع كذا مستكثرين عليها تروح شهر عند اهلها ترتاح ، المفروض هم الي يشجعونها على هالشي
ويدورون راحتها زي مادلعتهم لكن مجتمع الله المستعان وش تقولين ان عطيتي واجزلتي العطاء
صابهم الطمع !!

فعلا فرق كبير بين دور الرجل ودور البنت بالحياة الزوجية .. فرق تم التلاعب فيه للاسف لمصلحة الرجال

:26:



أي والله ! ليش مصرين يهمشون تعب الرجال مقابل تعب البنت ؟؟
حتى الشرع عظم قدر الام وخلاه اعظم من قدر الاب ! وهذولا يبون يهمشونه
ويعتبرونه شي ما يسوى ولازم ينزاد عليه الطبخ بعد ! ويسمون اليما تطبخ : وش قاعدة تسوي ..

دنا حقنن :boom:




صح ، لكن الي تكلمت عنه شي منتشر ويعانون بسبته بنات كثير ..

اختي رشة لافندر مايجوز هاذا حديث ومانعترض على كلام الله او كلام رسوله 
والمشكله مو بالتشريع المشكله باللي يازعم انهم زلم  وكذلك  المشكله في القوانين  ولو طبق الشرع بحذافيره كان احنا بخير ولا تنسوا قول الحبيب المصطفى( مااكرمهن الاكريم ولا اهانهن الا لئيم )
والحريم بعد يعطونهم وجه يعني الوحده تسوي اللي تقدر عليه  وماتحمل نفسها  فوق طاقتها. واياااكم وتقديس الرجال لان لو شافك بس تبين رضاه يمصخها...