ملاهي منتزهات بالرياض ومدري ايش بعد ووووو ين بالضبط ؟؟<< هلب مي

حنا دايما نحب نروح قرية الواحه الترفيهيه

مميزاتها:

اول شي مافيها ملاهي كثيره جزء صغير العاب بسيطه جدا يعني مافيه ازعاج

هي كبيره مرررره وكلها مزروعه ثيل وفيها بخاخات مويا مدري ايش اسمها خخخخخ يعني ترش مويا زي البخار ع الثيل يجيك بارد يجنن خخخخ ابوك يالتوصيف

هاااديه جدا الناس مايكونن كثير <= اهم شي عندي

الدخول للشخص 10

اممممممم فيها كباين يعني زي الغرف صغيره للي يبغى ياخذ راحته

حنا دايما مسنترين فيها

هي بالثمامه وانتم رايحين ع اليمين واضحه بس مااعرف اوصف زين

اتمنى اكون افدتك

فيه منتزهات غير رحنالها بس مشكلتها الإزعاج من الالعاب الكهربائيه


ايوه نسيت فيه عندك العثيم مول على طريق خريص الدورين الاول والثاني اسواق الثالث ملاهي اذا معكم اطفال روعه بس برضو ازعاج خخخخخخخخ اكره اصوات الالعاب

اختي (((قلب سلطان ))


الله يوفقك ويرزقك كل خير

تم حفظ الاسم بارك الله فيك ان شاء الله بروح لها وبسال الموزين لانهم يعرفون الوصف اكثرر

الثمامه مليانه منتزهات وافضلها فانتزي لاند الدخول 20 ريال للشخص ومنتزه الديره بعد حلو

هلا اختي
الرياض فيه منتزهات كثيييييييييره

النسائية :
فيه عندك ملاهي البرجون العاب نسائية ومحلات بسيطه للبيع ومغلق .. على بداية طريق الملك فهد جهت طريق الملك عبدالله
عندك ستار ستي عند مخرج 9 ومفتوح يعني فيه العاب وسوق بسيط وفيه جلسه ثيل والدخول اظن بـ 40وعلى مااذكر قبل سنتين وقت الصيفيه كان فيه مسرح عندهم وفيه طقاقات ورقص:icon28: وفلللللللللللله وعاد ماادري يمكن إلا الأن يسوونها
عندك برضه مجمع بشرى النسائي مغلق وفيه سوق وجلسة بالوسط حولها كوفي ومشروبات
وعنك الحكير لاند بس من زمااااااان مادخلته واغلبه العاب واظن في ايام للعوائل (يمكن)

هذا اللي اعرفه عن المجمعات النسائيه واللي رحت لها


اما العائلـــيه :
عندك طريق الثمامه اظن هذ اسمه والله ناسيه
فيه منتزهات بالهبببببل كلها عائليه بعضها العابها كثيرة وإزعاج وبعضها لا
واغلبها فيها زرع ثيل ومطاعم ورشاش ماء خفيف وسوق بسيط واللي تبين واظن الخول بـ 15 او 20 (اظن)
وعندك منتزه السلام داخل بالرياض اظن قريب من قصر الحكم واسواق مكه(والله ناسيه من زمان مارحت)
فيه اكبر بحيره صناعيه بالرياض وعليها جسر وكلها زرع ثيل ومحلات لبيع الإيسكريم والفشار والذره وكل شي
روعه احسها هاديه مع إنها زحمه
عندك المرسى قريب من الحكير لاند على الدائري الشرقي مخرج 9 ماقد دخلته
اما اسعار الدخول مااعرفها إلا اللي كتبته


وإجازه سعيده حبيبتي
دعواتك:26:

طرق الثمامه كله منتزهات الواحه والياسمين وقرية الثمامه وفانتزي لاند والساحل والديره كلها حلووووه
وفيه المرسى بجنب ستار سيتي والحكير لاند ورا مخرج عشره
وفيه مارينا مول فوق العاب اطفال ومطاعم وحياة مول بعد فوق ملاهي اطفال ومطاعم
وفيه حدايق مفتوحه حلوووه يجي مراجيح اطفال وجلسات
ودعواتك لي حبيبتي