ملتزم .....تكفون ساعدوني..

بنات حواء مالي بعد الله الا انتم..ان حكيت لأهلي راح تكون مشكله وراح أشغل امي علي .. وان سكت احس بموت من الحسره..
قصتي اني متزوجه من انسان احبه ويحبني..كان له ماضي في الصياعه ومع البنات والمكالمات..الله هداه على زواجنا والحمد لله انسان ملتزم ويخاف الله..لنا كم سنه عايشين سعيدين فيه مشاكل بس عاديه تنحل بوقتها والحمد لله.. من سنه زوجي تغير كثير وأنا أعرفه زين لاحظت التغير مع انه معاي يحاول يكون احسن من قبل.. اللي عرفته انه رجع للمكالمات .. ويكلم بنات..لما واجهته زعل وقال انتي شكاكه وانا مستحيل اسوي شي زي كذا أنا أخاف الله .. ولو ابغى أكلم حطيتك قدام الأمر الواقع..اش راح تسوين يعني.. زوجي عنيد وما يهمه أحد..يعني ممكن يسويها وبعدين صار يهددني يكون لجواله رقم سري ولا أقدر اعرف عنه اي شي..أنا هديت الوضع من ناحيتي حسسته اني ما اعرف شي حتى لما افتح جواله يكون ماسح كل المكالمات من الصادر والوارد والرسايل بس انا اعرف من السجل..ومحسسته اني ما اعرف شي ..
انا الحين اكتم كل شي في نفسي ولا أواجهه ..هل تصرفي صحيح؟؟ هو كذا مستغفلني ويحاول يرضيني علشان ما احس بشي..
اخاف اناقشه وأخسره ويصير يسوي هاشي بالعلن.. أنا عندي عيال.. ولا ودي أحكي لأحد لأنه في نظر الجميع ملتزم .. وكذا راح يستحقرونه وأنا ما أرضى عليه
أحبه وأخاف يضيع ويضيعني .. أحسه حن للماضي والعلاقات.. حتى الأغاني حن لها
اللي عندها حل تساعدني.. او تدعيلي ان الله يسخره لي ويثبته ..أهمل دينه ومسجده وكل شي ..