هلا بناااااااااات
قولوا امين عسى لله يرزقنا جميعا بالزوج الصالح للي نفتح معاه ملف سعادة مايتسكر ابد ..

انا ملف طبيبة الفقراء وقوتشي كنت اقرا عنوانه بس ما قدرت اتابعه بسبب كثرة الردود ولأن ظروفي ما كانت تسمح لي بس الحين نوعا ما صرت القى وقت فراغ ولو بسيط وما دام الملف جديد قلت خلوني الحق واتابعه من الاول لكن خسارة راح اسافر اسبوعين وانقطع عنكم بس لا تنسوني من دعواتكم

محبتكم : خزومة

سلام يابنات
خساره انقفل موضوع صحبتي .... :(
بعدين يانتكلم في مواضيع فرفشه او تذكير بالدعاء والاستغفار ونبطل نقول اللي مضايقنا طيب فين افضفض انا ( المحل الوحيد اللي اقدر اقول اللي في نفسي هو هنا ) وحتى موضوعي انقفل :(

عزيزتي ملاك...

لو تابعتي ردودي في الفترة الأخيرة من الموضوع كنت أحاول أغير جو الحزن والكآبة ويمكن حتى التفاعل قل لأن كثيرات يفضلون يتكلمون عن همومهم هنا لأن المواضيع اللي تفرح وتونس ممكن يسولفون فيها مع اي حد الا الموضوع هذا صعب تتكلمين فيه مع اهلك ولا صاحباتك خصوصا لو في منهم متزوجات...

اللي فيكم تعتقد أن تفكيرنا ضيق وما فيه غير الزواج فهي غلطانة... اغلبنا درس وتوظف وعنده اهل ومشاريع واشياء ثانية في البال بس تظل مساحة معينة من التفكير مشغولة بهالموضوع تقل احيانا وتكبر احيان ثانية.. والحياة مشاغل ومع المشاغل ينشغل تفكير البني آدم بالشي اللي يسويه بهالوقت..

لكن تظل الرغبة في البوح بمشاعر ومواقف نمر فيها ونعرفها كلنا قوية.. وتتطلب مساحة للخروج والفضفضة... أما العبادات اللي تقربنا من ربنا فأنا أفضل إنها تكون سرية بيني وبين ربي وليست علناً على صفحات المنتدى.. ويبقى التذكير بها من الأمور الضرورية من باب (إن الذكرى تنفع المؤمنين)..

تحياتي لشخصكِ الكريم ولجهودك وزميلاتك للرقي بهذا المنتدى...

بصراحة استغرب من اللي يستغربون من ان الزواج يشغل حيز كبير من تفكيرنا ..
طبعا يشغل حيز ..وهذي مافيها عيب..
خل المتزوجة تشوف نفسها ..شوفوا مواضيعهم في قسم الحياة الاسرية كل وحدة منهم شغلها الشاغل شلون ترضي زوجها ..وكأن مافي دنياها غيره ..واحنا ماانتقدانهم مع ان بعض يبالغووون بصراحة ..
يعني حلال عليهم حرام علينا !!
بعدين من قال ان احنا كل تفكيرنا في الزواج غلطان في منا موظفات ومثل ماقالت مون لوفر في وايد اشياء في حياتنا تشغلنا الحمدلله .
لكن يبقى موضوع الزواج مانقدر نكلم فيه أحد لا امثالنا ..فهذا هو المكان الوحيد اللي نتكلم فيه ونفضفض ..ولا عدا ذلك الحمد لله عايشين حياتنا بالطول والعرض ومستمتعين بنعم الله علينا وحامدينه وشاكرين فضله ..وطمعانين انه سبحانه يتم نعمته علينا ويرزقنا بالزوج الصالح..
ماذلك على الله بعزيز ..

ولا شرايكم ياآنسات ؟؟؟؟؟؟