:( محد سأل عني !!!

السيدة ماما ان شاء الله رايحين على غالفيستون "galveston"

بتعرفي حدا هنيك ؟؟


دريمنيق والله الكمبيوتر عطلان له يومين وانا مشغولة بالنقلة وما عم افتح الا نااااااااادرا ..... على كل حال كويس انك بخير وان شاء الله كل شي عندك يكون تمام

الله يوفقك ويساعدك ويبعتلك ملائكة تعينك يا رب

النقلة صعبة وأصعب منها التغيير في كل شيء .....

يمكن انتو تنقلوا بالطيارة لأن تكسااس بعيدة .....

الله يكون بعونك

ودعواتي إلك

شلونكم بنات
وحشتوني حيل كووووووووووووووولكم
واختي الحمد لله وصلت بالسلامه ومشغوله معها
طمنونا عن اخباركم

عزيزي شام الله يجزيك الخير

ااااااااه لو تعرفوا شو عم يصير معنا ...... بنات بدي انصحكم نصيحة اتذكروها دائما وانصحوها لاي وحدة جاي تسكن بامريكا

النصيحة هي ابدا ابدا لا تستأجروا بيت صاحبه محامي

الي صار معنا ان هذا البيت صاحبه محامي ونحن ما كنا متاكدين ان بدنا ننقل فجدد زوجي معه العقد 6 شهرو هذا الكلام من شهرين ..الان بهذا الشهر لما عرفنا ان لازم ننقل اول شي عمله زوجي ان خبر صاحب البيت وقال له .. طبعا صاحب البيت انقهر وعصب وقال له بدك تجيب لي مستأجر زوجي قال له بحاول اشوف مين جاي جديد وبدلهم على البيت وبعد يومين اتصل صاحب البيت بزوجي وقال بعد 3 ساعات بدي اجي اشوف البيت ... فقال له زوجي اوكي

انا من اول ما عرفت ان اكيد النقلة وزعت شغلي بين تجهيز البيت تمام للانتقال وما بين تجهيز اغرضنا .... المهم اتصل زوجي وقال ان المحامي جاي يشوف البيت وانا وقتها كنت برا البيت وما قدرت ارجع على طول المهم اول ما رجعت جلست اشتغل اكثر بالبيت .." انا كنت غسلت الموكيت بالبيت وبقي لي غرف النوم ومسحت الجدار بالبيت كله بس بقي لي اثنين بغرفة الاولاد عليهم شخابيط والاولاد كانو مكسرين اطراف البرادي ونحن غيرناها بيجي ثلاث مرات وكل مرة الاولاد يكسروها فقلنا قبل لا نطلع بنشتري جداد وبنركبهم وبعدين بنطلع على طول علشان الاولاد ما يكسروهم .... المهم جا المحامي

طبعا لما شاف البيت وشاف الجدار بغرفة نوم الاولاد انقهر اكثر وشاف البرادي مع ان شرحت له الموضوع وقلت له بنغيرها قبل ما نمشي علشان الاولاد ما يخربوها بس هو مافهم

وكمان كان الاولاد كابين الوان على الموكيت بغرفتهم بمنطقة وحدة على طرف الباب المهم جن جنونه وصار يكلمني باسلوب مو منيح وصار يدقق على كل شي كان نحن عم نسلمه البيت هلا ... صار يقول ليش هذا الشباك مو ممسوح منيح وليش في صحون في المجلى وليش وليش المهم طلع خلقه علي وقال لي خلي زوجك يتصل علي وراح

بعدين لما جا زوجي جا هذا المحامي ودق الباب وسالني زوجك بالبيت قلت له ايوه وطلع زوجي يتكلم معه واكيد المحامي كلمه باسلوب ابدا ابدا مو كويس وقال له انه بيرفع علينا دعوى بالمحكمة ومن هذا الكلام
زوجي قال له نحن مو ناس وسخين ولا بناكل حق حدا ولا سلمناك البيت الان نحن قلنا لك اتفضل على اساس رح تفهم ان نحن مالنا يومن عرفنا ان بنترك البيت وعم نشتغل لسا فيه ..طبعا المحامي مافهم شي وقال له مافي غير تدفع لي علشان ادهن الجدار واغير الموكيت و3 اشهر اضافي لانك مددت 6 اشهر وتطلع باخر شهر 6 او بيننا المحكمة ... فقال زوجي مابدي وجع راس حدد المبلغ وانا بعطيك اياه ... واتفقوا على كذا

تاني يوم المحامي جاب واحد مدهن علشان يشوف كم بكلف الدهان وقال لعمر مارح اغير الموكيت رح اجيب شركة تغسله منيح وانت الي حتدفع واذا ماراحت هذي الاوان رح اغير الموكيت كله وانت الي حتدفع قال له زوجي بيصير خير ان شاء الله

تاني يوم جات لنا ورقة من المحكمة طالبين زوجي يروح الشهر الجاي لان هذا المحامي رفع عليه دعوى ... وبالاوراق الي جات كان مشوه صورتنا ومبالغ بكثير اشياء وكذب ببعض الاشياء يالله ما تتصوروا كيف صورنا على اننا ناس وسخين وقذرين .... المهم زوجي كلمه وقال له ايش معنى هذي الاوراق نحن مو اتفقنا قال له المحامي احتياطا اذا ما دفعت البلغ المطلوب وما طلعت اخر هذا الشهر حتروح على المحكمة وتدفع الضعف

والله انقهرنا كتير وسم بدنا وانا باكثر درجات القهر من الكلام الي كتبوه والي قالوه عنا رحت اقرأ سورة يس علشان ربي ييسر لنا ونطلع من البيت باسرع وقت وقرأت باخر صفحة اية" فلا يحزنك قولهم انا نعلم ما يسرون وما يعلنون " الحمد لله ارتحت كثير وخليت زوجي يقرأها وهدينا

وان شاء الله رح نطلع باخر هذا الشهر والله يعين وييسر

هذي هي القصة معلش طولت عليكم

ادعولنا ربي ييسر لنا وانا حبيت اكتبها لكم لان كان نفسي احكي لحدا واكيد ماعندي غيركم .... الله لا يحرمني منكم