السلام عليكم..كيف الحال
محد سأل عني غير صوت الصحراء ...الله يرضى عليها ..المهم تدرون انا غبت عنكم ليه ؟؟؟ لاني كنت منومه بالمستشفى وطلعت بالسلامه ....
بيلسان لاتبققين عيونك باقي ماولدت ..بس صارتلي قصه كنت بروح فيها انا وجنيني ..اقولكم هي
الحين دورت على حبوب حديد حلال في كل استراليا ولا لقيت
قالت الدكتوره والدم عندك نازل مره لابد اعطيك لو ابره حديد وحده
المهم ..قالوا تعالي الصباح الساعه 8 ..رحت وباوا الكشف والتخطيط لي وللجنين وقياس حراره وضغط وبعدها اطمنوا وقالوا خلاص نحط لابره ويحطونها بمغذي ومدته اربع ساعات ..الى هنا تمام
زوجي حطني وراح دوامه ..وحطولي لابره مرت اول 3 ساعات زي العسل ..وهم كل عشر دقايق قياس حرارة وضغط وتخطيط للقلب والاوكسجين وهكذا ..بعد الثلاث ساعات الا زوجي داخل وجالسه اسولف معاه الا فجأه ...
احس بنار برجلي كانه دايسه على جمر اعوذ بالله ..وفجأه انتفخت رجلي واتغير لونها صارت احمر على اسود
وفجأه قام الم بظهري من جهة الكليه ..وانا خلاص ويدي بعد ورمت وصرت اخوف وجلست اصيح خوف والم ..وقالولي روحي الحمام يمكن يهدا الم ظهرك..رحت ابنات الا طلع البول لونه اسود مو اصفر الله يكرمكم ..وغير كذا اطرافي معد قدرت احركها وصاروا مسكني ممرضتين وزوجي وانا رجولي احسها بتتفجر ..وعلى طول نداء للدكتور
جاء الدكتور وكشف علي وانفجع وقال وقفوا الحديد خلاص لحد ماتجي الدكتوره اللي متابعتها وجات وقالت خلاص وقفوه واعطوني ابر وحبوب وقالوا تنويم الين مانطمن عليك وخلوني لحد ماخفت النفخه وراح الم ظهري زسولي تخطيط للجنين طلع سليم الحمدلله وطلعت امس بالليل ...بس باقي رجلي ويدي منفوخه شوي واليوم استفرغت دم ..الله يستر
القصه الثانيه اللي صارتلي ومأرقتني حيل في الرد الثاني تابعوني

القصه الثانيه ..حشى عم مشقاص صايره
المهم ..شفتوا الدكتور اللي جى كشف علي ..جى وانا بصراحه كنت مفصخه عبايتي بس لابسه السكارف ..ومع الربكة مالبست العبايه ..وكشف علي وصار يمسك يدي ورجولي باسلوب مو حلو وانا كنت اصيح من الالم ..حسيته هو كان يسوي كذا عشان يطمني لاني كنت خايفه مره ..يعني يعملني زي الاطفال ويربت على رجولي ويقولي مافي شي وكذا ..وبعدين راح ورجع مره ثانيه وانا طالعه خلاص وقام جلس جنبي على السرير..زوجي ام من على الكرسي وقاله تعال هنا ورفض وقال لزوجي اجلس انتى على الكرسي ..المهم وهوطالع قام مد يده لي مااعرفت كيف ارده مديت يدي وزوجي زعل مني ..المشكله انه كان مدي زوجي ظهره يعني مافي امكانيه انه زوجي اللي يسلم عليه بدالي ..وبعدها سلم على زوجي
المهم كل مااذكر جلسته جنبي وكشفه لي وسلامه ..الوم نفسي وعيني تدمع وضميري مانبني ..وخايفه ربنا يعاقبني ابي شي اسويه اكفر فيها عن غلطتي ..
والله يابنات نفسيتي من امس زفت بسبب هالموقف وبسبب اللي صارلي الله يكفيكم ..

بنات سوري فيه اغلاط املائيه كثير عدوها عاد مافيني للتعديل

السلام عليكم ورحمة الله وبركاااته
حيالله الجميع وحده وحده
سيقام غدا ببرزبن رالي ومسيرة دعم لاخواننا فلسطيني غزة
والمطالبة بخروج جيش المحتل الاسرائيلي منها

الموعد غدا السبت 10-1-2009
المكان الستي -تقاطع جورج ستريت مع اليزابيث ستريت
الساعه 12:30 ظهرا
لمزيد من المعلومات يمكنكم زيارة الرابط التالي:

http://www.qldmuslims.org.au/index.php

يابنات الله الله كل وحده تقول لزوجها يروووووح وياخذ عياله معه بعد
اناودي اطلع اشارك بس ابو الشباب قال مايحتاج يكفي انا وعيالك
خلونا نسوي لو شي بسيط لاخواننا اللي هناك ,,,ماباليد حيله الله المستعان