ماسوينا الا الواجب حبيبتي واي شي او استفسار حنا حاضرين

صباح الخير بنات.....بدري!!!الساعه 11
عزيزتي نور امل ....انتي كيفك وكيف بنتك ****الله احسن؟
عزيزتي نور نجد .....بالنسبه للشبت زي ما قالت lady ...حلو لحشوة السمبوسه والمكرونه ....اي طبخه تستخدمين معها اللحم المفروم....واي شي تحطين معه كزبره ممكن تستبدلينه بالشبت.
عزيزتي اميرة البحار .....اسم الشبت dill ...زي ما قالت lady الله يسعدها.
يا حبيلك يا lady in blak ...ومن سمعك... زيدي عليها الشنطه لازم تكونcross والالوان غامقه صيفا وشتاء....مع ان جيراني يشخصون على الصبح وهم طالعين للدوام ....وحده منهم ودي تعزمني اشوف غرفة ملابسها ....تخيلي شفت عليها الى الان يمكن 3 شنط جيمي تشو .....وعموما الملبورنين ما عليهم يلبسون ...بس انا مع الصغار والصباح صعبه ....يدوب:09:
بنات على طاري موضوع اللبس ودي اقولكم عن منظر شفته الاسبوع اللي فات في السيتي في الويك اند وعطوني رايكم....ام سعوديه ومعها طفلين ومعها على ما يبدو صديقه لها....الصديقه لابسه عادي كاب ولثام مرتبه الالوان ومقبوله اما الام ...طالعه بلبس البيت زي ثوب قطن رايح فيها من كثر الغسيل:06: وفوقه بالطو حتى ياليت مسكر يغطي اللي تحته ...وحجاب ما ادري من كم سنه ما انكوى ....والصغار يا عيني عليهم لا بسين ترنقات البيت ....بصراحه المنظر ضايقني ...طالعين للسيتي تتمشون مو للبارك اللي عند البيت ...وفي ويك اندالدنيا زحمه والكل مرتب ومشخص. ...ما فيه وقت عندك تطالعين نفسك في المرايه قبل ما تطلعين!!!....طبعا هذي ما تمثل السعوديات.... ولكن نصيحه اللبس هو العنوان والانطباع الاول للانسان ...والواحد هنا يعتبر سفير لدينه اولا ولبلده ثانيا ...فالترتيب وتنسيق الالوان ما يتعارض ابدا مع الحجاب ...والا انا غلطانه؟
نرجع لك ثاني يا lady in black ....عزيزتي انا اعرف الحبق الجاف البعض يحبه مع الشاي ...وهو نوع من انواع الاعشاب والخضره ....وله رائحه مميزه .
عزيزتي الله يخليلي زوجي ...تشكرين على جهدك يعطيك العافيه:26:
اختي in home alone .....حياك في ملبورن منوره بك:26:
عزيزتي loli pop ...كيفك .....حياك معنا في الغربه وفي ملبورن:) وشدي حيلك وبشرينا عن اخر اخبار دراستك وبالتوفيق.
عزيزتي لؤلؤة استراليا .....يا هلا بك ...وطمنينا عنك:26:
اختي الورده الهاشميه ....ما عندي علم عن هالحي ....ولكن الاكيد انه مليان مسلمين وبالتحديد الاخوه السعوديين لانه قريب من جامعة لا تروب....وملبورن في انتظارك.

السلام عليكم ورحمة الله ..
وش اخبار الجميع ؟؟ان شاء الله تكونون بخير وصحه ..
مالبورن والله اني كنت بفتح الموضوع معكم من زمااان لكن خايفه ياخد اتجاه ثاني ..
ياشيخه شفت اشياء هينا حتى بالرياض ماشفتها ..والله اني استغرب من جد ..يعني عشانهم بغربه مافيه اهل ولاحموله ماعليهم بالناس ولا كيف ؟؟
واللي يبط السبد ادا جتك تتفلسف وقالت انا البس والبس عيالي وهاتك من هالحكي ودي اقولها خلي الارانب عنك ..يعني تلبسين هناك وهينا لا اجزم اني اللي متعود على شي مستحيل يتخلى عنه ..
بالنسبه لي احب تناسق الالوان في الحجاب ويكون شكلي مرتب مايلفت الانتباه ..ااااخ على العبايه الغير نظيفه او الغير مكويه ..
ولالاطفال هينا لبسهم يفرق عن السعوديه بشي انه سبوورت بشكل كبير ..لانهم يحتاجون ملابس تريحهم في الحدايق والطلعات وحتى بالمدرسه ..البساطه مع النظافه اهم ماعندي بغض النظر عن قيمة اللبس او دوووق الوحده ..
واللي يقهرك ادا شفت هالبزران بدون جزم تكرموون لاتحسبونهم في البارك او رحله ملوا منها وشالوها لا حتى بالسوق ادا مو ام مصبع ولا شبشب حافي وناظري شكلها وشكل اطفالها ..
مع انه المفروض المسلم سفير لدينه ..محب للنظافه ..وجمال المظهر واحترام المكان العام ..وعدم اثارة الفوضى ..
وحده بالسوق مسرررحه اولادها واحد منهم هد جهة ملابس كامله وبهدل اصحاب المحل وسمعتهم يشتمووون فيه وفيها وهي جالسه تناظرهم حتى سوري ماقالتها ..
وادا جيت اودي عيالي للمدارس الاطفال شي واطفال العرب شي ثاني ..حتى المعلمه تشتكي لي ..تقوول مايرسلون اكل لعيالهم ولا مويه وادا ارسلوا ارسلوا شوكلت وسناكس الهيلث فوود شكله جديد عليهم...وحتى الملابس يضطروون يكلمون الاهالي لو احتاجوا للغيار ..طبعا ماعمم لكني اصر انهم النصف ان ماكانوا الاغلبيه ..........
كني طووووولت في الموضوع لكن لامستي الجرح وكتبت اللي بخاطري ..
وكثير من الاحيان مالوم الاسترال او الا جانب لو اخدوا فكره شينه مع الخلفيه الموجوده عندهم ..
دمتم بخيرررر

مساء الخير
كيف حال جميع الاخوات
خلود ..الله يحيك وتوصلي بالسلامه والاخت نورمالين ماقصرت وممكن تسجلين في موقع النادي واي احتفال او تجمعات يرسلونلك على الايميل
نورمالين..كيف الحال وكيف الكتاكيت ..حبيت اقولك ماقد رحتي التجمع اللي يصير كل سبت لبنات السيتي في سنتريال بارك نفسي اروح بس مااعرف احد منهم لانها جنب بيتي واروحلها على رجولي ..وترا جنبها مكان اسمه الفوكس استديو مرة حلو عبارة عن سينما ومجموعة كفيهات وكمان خيم وجلسات مرة حلوة والعاب للاطفال بناتك راح ينبسطوا فيه ..وفية مجموعة بسيطة من محلات الملابس
ملبورن ..وام الحلويين.لاتزعلون نفسكم ولو على النظر طنشي لانك ماراح تقدري تغيري شي ..وعموما للاسف ان في ناس فعلا يبغالهم لفت نظر ..على بالهم انه هنا سوي اللي تبغى والبس اللي تبغى محد بيقولك حاجة
لؤلؤة استراليا ..توي من كم يوم اسئل عنك ..الطيب عن ذكره ..الف سلامه وكيف البنوته عسى انبسطت في المدرسة ..ولاعاد تغيبين.وطمنينا عنك
الله يخليلي زوجي ..والله اني احس اننا تعبناك بموضوع الشجرة الله يقويك ويعطيك الف عافية كفاية عليك الدراسة وزحمتها حطي الاسماء اللي عندك وخلاص واذا تذكرنا احد يصير نضيفة للشجرة على طول..

مرحبا

كيفكم ..


ملبورن وام الحلوين هههههههههههههههههه وربي مت من الضحك وانتو تحكون ..يا حليلكم ..شكلكم قرفانين ..
اما موقفك يا ملبورن :eek: .. بصراحه مره غريبه .. وش دعوه وش هالطريقه ..طيب زوجها عادي يشوفها كذا :eek: ما تستحي منو ؟؟ والاولاد ما يمرضون بدون جزم ؟؟ يعني الارض وسخه وبرد كيف يجيها قلبها ؟؟..الله يهدي الجميع ..
انا ما اشوف سعوديين الا قليل ..واذا شفتهم يكونون بنقابات وعبايات مو واضح شي ..
على العموم انا اعاني من اختي المراهقه كل شهر شهرين لازم شنطه وساعه وسكارف للمدرسه تربطه بالشنطه وخرابيط وكلها لازم ماركات قويه .. تموت بالفاشن وتقدر اللبس بشكل مجنوووووووووووون وابوي يا قلبي ما يقصر عليها ..
واخواني مع انهم شباب بس ما يقصرون بعد :09: ..انا من النوع اللي اشتري بس مو مثلهم خصوصا اختي الصغيره الله يعين اللي بتاخذه ..
:09: وهنا يوم جيت ما شفت بلاسواق شي يسوى ولا الناس تلبس مثل عندنا ..فجاني صدمه عاطفيه ..وصرت احن للشرى واللبس ..
على قولتكم ..الاسلام يعلمنا النظافه والترتيب ..مو المطلوب ماركه او شي ..المطلوب يكونون مرتبين ونظيفين ووجه جميل للاسلام ..
الله يهدي الجميع ..


بنات مين سالت عن الحبق ..انا استخدمه مع التشكن بارمجان بس مو العصار استخدم الورق ..
استخدم العصار حق اللاعشاب الايطاليه ..اذا سويت روست تشكن يريحني او تتبيله لدجاج مشوي او قمبري ...




سلامي للجميع ..