صوت الصحراء :

صباح الفل كيف الجميع خلاص بنات فقدناكم ملبورن انتي اللي منوره ياقلبي كيفك وكيف ايامك عاد بكثرحكي عليكم بس عاد تحملوني على الاقل نخفف الجمود شوي ماادري كيف لقيت هالموضوع للاخت حرم الدكتور بس انه رائع بمعنى الكلمه لكني وقفت مع نفسي كثير وانا اقرى كلامهم بس هم في بريطانيا اخليكم مع الاقتباسات وتحملوني ... [/QUOTE] طبعا هذا اقتباسات من تجارب البنات ومن كاتبةالموضوع \ عاد نجي لكم وياليت الكل يجاوب هل الفتي الغربه بمعنى هل احببتي شيء او اشياء فيها ؟؟؟ هل كرهتيها من اعماق القلب ولماذا ؟؟؟ سؤال يدور في بالي هل اذاا رجعتي السعوديه بعد الغربه ومرارتها ستشتاقين لاستراليا وماالذي ستشتاقين اليه فيها ؟؟؟؟ هل سيأتي يوم وتحزني على كل دمعه ذرفتيها في استراليا؟؟؟بسبب الغربه ؟؟؟ اكثر شي استفدتيه هنا ؟؟؟ بالنسبه لي افتقد اهلي مره مره مره وهذا الشي اللي مسبب لي ازمه لكن هل بيجي يوم اذا رجعت لهم وتهنيت فيهم اقول ودي ارجع برزبن لا ادري اتمنى ان اجد جواب في راسي ولكني متيقنه في هذه اللحظه اني اريد حضنهم ورؤيتهم فقط وهذا مااتمنى احببت ان افتح النقاش ونتجاذب اطراف الحديث ونتحدث عن استراليا بحلوها ومرها وامل اني لا اثقل عليكم انتظر ما في جعبتكم :26::26::26::):):):)

صباح الفل كيف الجميع خلاص بنات فقدناكم ملبورن انتي اللي منوره...

lifeboat :

كيفك حبيبتي( صوت الصحراء ) وكيف الجميع ؟ان شــاء الله بخير وعافيه اسمحيلي اكون اول واحده ترد عليك والله اول مــااجيت مـا اكذب عليك حسيت باحساس غريب (قلت لنفسي وش جاك ) هذا الكلام اول اسبوع مع اني مو اول مره اسافر برا المملكه بس يمكن لانو حاسه اني بطول عن اهلي !! وبعدها انتقلت من الفندق الى السكن واشوا كاءن الحزن خف ودموع كل ليله خففت بس كنت حاطه امل اني ادرس <<<وانهرت يوم حسيت ان مــافيه امل (الامل في الله كبير ) وبعدهــا انصدمت من الجـارات ولا وحده صادفتهـــ!!!!ــا اااه يا ربي فتحتي جروح يختي انا مممممره اجتمــاعيه <<سقى الله الرياض بس انا مانكر انو فيه اشياء حلوه هنا بس يمكن الحين لما ادرس يتحسن الوضع الحقيقه اي مكان يجمعني انا وزوجي مستحيل اكرهه امممممممممم والله سؤال حيرني بس اتوقع راح اشتاق واذا اشتقت راح اكرر الزياره ان شــاء الله بس مـا راح اطول :22:اكييييد . ههههههه يمكن والله والله لسى بدري علي بس اكثر شي>>>علمتني الحياه هنا ان مــافيه احب وواحن واغلى من السعوديه, ومشكوره ياعسل والله

كيفك حبيبتي( صوت الصحراء ) وكيف الجميع ؟ان شــاء الله بخير وعافيه اسمحيلي اكون اول واحده ترد...

صوت الصحراء :

ياقلبي انا بخير وانتي كيفك الله يحيك ياشيخه سبحان الله كل مايمر يوم يكون افضل وياقلبي الامل بالله كبير وماتدرين اذا مكتوبه لك الدراسه بتدرسين لاتخافين حقك ماراح يضيع موجود عند القدير سبحانه ويمكن الامر فيه خيره انك تتفضين لنفسك ولزوجك ولااولادك والخيره فيما اختاره الله ان شاء الله بتلقين اللي يناسبك وتراك زيي بالضبط بس تعرفت على وحده وياحبيلها هاالانسانه بس ماشفتها الا مره تصدقين يعني لااجتماعات ولا شي وهذا الشي مره يحزني بس الظروف هي اللي تحكم , اخ بس ياحبيلها الشكر لك انت اللي عطيتيني من وقتك والله يخليك من تحبين يار ويردك لهم سالمه مشكور الف ونتنظر البقيه

ياقلبي انا بخير وانتي كيفك الله يحيك ياشيخه سبحان الله كل مايمر يوم يكون افضل...

melbourne-05 :

مساء الخير بنات عزيزتي صوت الصحراءالله يعطيك العافيه على تدفئة الملتقى....كنت برد عليك قبل بس قلت هالاسئله يبغى لها مخمخه... هل الفتي الغربه بمعنى هل احببتي شيء او اشياء فيها ؟؟؟ نعم الفتها واصبحنا اصحاب.....واكثر شي حبيته....هو اعتمادي الكلي على نفسي واكتشاف قدراتي المختبئه اللي لولا الغربه ما عرفت بوجودها. هل كرهتيها من اعماق القلب ولماذا ؟؟؟ لا نهائيا....دائما أردد الخيره فيما اختاره الله...وعلى فكره انا كانت من أمنياتي الابتعاث وتجريب الحياة في احد دول العالم الاول..يمكن تتفاجئين اذا قلت لك ان السنه الاولى كانت احلى سنه....لا بكاء ولا دموع حتى اذا كلمت أهلي عادي جدا ....تعبت في وداع أهلي بعد زيارتي الاولى وفي السنه الثانيه من الغربه مريت بفترات صعبه....أما الان فالوضع عادي. سؤال يدور في بالي هل اذاا رجعتي السعوديه بعد الغربه ومرارتها ستشتاقين لاستراليا وماالذي ستشتاقين اليه فيها ؟؟؟؟ أكيد بلا شك راح اشتاق لها....تدرين السؤال اللي دائما يدور في بالي ....كيف ابرجع أتأقلم على الحياة في الرياض:eek: راح اشتاق للنظام في كل شي....لنمط الحياة والمختلف كليا عن السعوديه.....وللبساطه وعدم التكلف ...واكيد لبيتي ولجيراني و لنهر الياراو للترام والباص والقطار ولموظفين البوست وجلوريا جينز وللفيجيمايت.... هل سيأتي يوم وتحزني على كل دمعه ذرفتيها في استراليا؟؟؟بسبب الغربه ؟؟؟ الله أعلم...ولكن دموعي قليله بسبب الغربه....فالأكثر احس بعصره في قلبي اذا سمعت صوت امي وابوي اكثر شي استفدتيه هنا ؟؟؟ بصراحه كل يوم اتعلم شي جديد... اضافه الى أنه 1.ازداد قربي من الله سبحانه وتعالى. 2.زاد ارتباطي بزوجي وأطفالي. 3.تعلمت مهارات كثيره ومتنوعه سواء داخل المنزل او خارجه . 4.تعرفت على شعوب وحضارات اخرى فأصدقائي هنا من اعراق متعدده . والكثير الكثير...من الصعب حصر ما استفدته ولك من احلى تحيه:26: ***** عزيزتي lifeboat استمتعت بقرأة اجاباتك:39: ***** بنات ملبورن ويمكن باقي المدن ....ما أدري اذا جربتوا الدونات الاسباني خصوصا المحشي بالشوكلاته....والمحل موجود في محطة فلندر واسمه choco churro **** ودمتم بخير:26:

مساء الخير بنات عزيزتي صوت الصحراءالله يعطيك العافيه على تدفئة الملتقى....كنت برد عليك قبل بس...

melbourne-05 :

عزيزاتي بنات ملبورن ....واللي جاي لملبورن الايام القادمه فيه موقع رائع لمعرفة اخبار الثلج والتزلج واختيار الجبل المناسب....ويحوي على تصوير مباشر من قمم الجبال لمشاهدة مستوى الثلج والتفاصيل الاخرى كعدد الممرات المفتوحه للتزلج والتوباجونج ....وغيرها ما عليكم الا الدخول واختيار الجبل المرغوب زيارته www.vicsnowreport.com.au تحياتي

عزيزاتي بنات ملبورن ....واللي جاي لملبورن الايام القادمه فيه موقع رائع لمعرفة اخبار الثلج...