~*¤®§(*§ ملتقى المغتربات في استراليا الجزء الثامن §*)§®¤*~

أميرةa • 16 سنة

السلام عليكم

بنات انا محتاسه

ودي اخذ شغالتي معي.........لان بنتي يبيلها رعايه خاصه ومرافق معها للمدرسه

واليوم تنكدت يقولون ماتقدرين تاخذيها

الله يوفقكم وييسر اموركم من عندها خبر تقوووووووووووووووولي

انا رايحه لملبورن باذن الله

1هل اقدر اخذ شغالتي معي؟

2- هل هناك متوفرين شغالات بس تكون دائمه تنام عندي

|| نور نجد || • 16 سنة

صباح الخير بنات

الله يخليلي زوجي منورة التجمع..اها انتي مثلي بتروحين :( مايخالف حاولي انك تفتحين الموضوع.. انا عني ان شاء الله ماراح اقطع راح اصير ادخل النت لأنه مستحيل يمر يومي بدونه.. ادمان بعيد عنكم :(

هوه الله يطمنكم على بنت خالك يارب.. وان شاء الله مايكون فيها الا العافية.. خليهم يركزون على القراءة عليها..

بيلسان هههههههههههه سواليفك تضحكني انتي وهوه اذا اجتمعتوا مع بعض بسالفه وحده ههههههههه الله يهون عليكم.. بالنسبة لمحل العسل دورت موقعهم عالنت مالقيته مدري يمكني غلطانه او ما عرفت له عموماً هو راح تحصلينه بالجهة المقابلة لقهوة coffee clup راح يجيك زي الشارع على يدك اليسار وتلقينه على يسارك واضح لونه اصفر وفيه كل شي.. خليها توريك الكتالوج اللي عندها اذا احترتي بس افضل شي المانوكا..
ومطعم sultan حلو بس مشكلته بعيد شوي لايفوتك الـ mixed grill و mixed dips
ترا طلب واحد يكفيكم ماشالله شغلهم راهي وعلى مستوى..

فلاور ليدي
هههههههههههههههه رقص شرقي اول مرة اسمع عنه صراحة والمطاعم اللي سدحتيها هي أشهر شي فيه مطعم مادو التركي بالساوث بانك قريب من احمد..

مون لايتس
القسم الاداري اللي اعرفه انه للأولاد..الله يوفقك ان شاء الله

أميرة
ماسمعت احد سبق وجاب شغالته معاه..
وراح تتعبين خصوصاً انه لها حقوق ومتطلبات مو مثل السعودية..
يكفيك راتبها لازم يكون على مااعتقد 3 الاف ريال او اكثر.. ويمكن يكلمونها سفارتها ويسالونها اذا هي مرتاحة والا لا..
الله يعينك ماعندي خلفية ان شاء الله البنات يفيودونك او عندهم حلول مناسبة..

ملبورن
حتى انتي بتروحين الرياض :( لاتقطعين عن المنتدى خلينا نشوفك :26:
توصلين وترجعين ملبورن بالسلامة ان شاء الله..

ولاتنسون يابنات الفلم اليوم الساعة 8 ونص على ten ..

حاولت اغطي اغلب الردود ان شاء الله لي رجعة :)

الله يخليلي زوجي • 16 سنة

بيلسان أم بنتها :

ياشيييييينها الحبوب ذي:mad: بغيت انجن منها تخيلي كانت تجيني وساوس واشك باهلي واقرب الناس لي بسببها:44: بس ترا يختلف من شخص لاخر حبيت انبهك عشان ماتمرين باللي مريت فيه كنت اقول البلا فيهم مو فيني:35:

ياشيييييينها الحبوب ذي:mad: بغيت انجن منها تخيلي كانت تجيني وساوس واشك باهلي واقرب الناس لي...

صباح الخييير

شمعة امها ان شاء الله بنات برزبن يفيدونك

ملبورن الله ينور ايامك ..ايه ياعمري هاذا اخر ترم ان شاء الله ..ومااضمن اني ادخل النت كثير اذا وصلت السعوديه والاشراف يبيله التزام على قولتك ..وممكن افتحه ولا ادخله كثيير واكون مقصره معاكم:( ..انا عادي ماعندي مانع اني افتحه بس مثل ماقلت لك اخاف ماانتظم فيه مثل اول ..هاه وش قلتي ؟؟:26:

نور نجد تسلمين ياقلبي ..حتى انتم بتروحون نهائي بعد:( ذكرتيني في سالفة حصلت لي من اسبوع تقريبا ..راح اقولها اذا فضيت ان شاء الله :22:

اميرة ماينفع تاخذين الخدامه معك ..لها شروط وانظمه تهد الحيل ..الله يعينك حاولي تنظمين وقتك وتتسهل ان شاء الله ..

فلاور ليدي :o يؤ يؤ عشان حناء صدق مايستاهل:angry2:

وسلامي للجميع

روح متفائلة • 16 سنة

سلام لكل الاخوات بدون استثاء
واهلا وسهلا بالاخوات الجدد
كيفكم مع تقلبات الجو .......ماشاء الله الصفحات مليانه ان شاء الله دايم
hhohh /ضحكتيني وانتي بتوصفي التغيرات اللي صارتلك مع الحمل بس لاتشيلي هم ان شاء الله تتخف بعد الولادة بس كنت ابغى انبهك لملعلومه انه ممكن بشرتك مايناسبها زيت الزيتون لان بعض انواع البشرة يسمرها لان انا كنت استخدمه وانا حامل ولاحظت تغيرات ماسرتني ابدا فنصحتني الدكتورة استبدله بزيت اللوز وناسبني الحمد لله
بيلسان/الله يعافي بنتك وييسر امورها وامور حملك وماشاء الله عليك ردودك تشرح القلب
الله يخليلي زوجي/الله ييسر امور سفرك ويفرحك بشوفه اهلك بس لاتحرمينا من قصصك الممتعة وكلامك الرائع ماشاء الله عليك
موون لايت/ ان شاء الله تتسهل امور دراستك بس انتي لا تحرقي دمك كل شئ يبغاله صبر بالذات الاجرأت حقت الدراسة ولو عندي اي خلفية كان افدتك وطالما انك في سيدني انتي وهووووه ياريت يكون لنا لقاء ونتعرف على بعض
نور امل/تروحي وترجعي بالسلامة انتي وبنتك
نور نجد/شكرا على التنبيه وان شاء الله اتابعه انا تعاملت مع محل لتاجير الافلام لاني من محبي الافلام الاجنبية واول فلم طلبته كان اسمه The Kingdome اكيد الكل سمع عنه بجد الاعلام بينقل صورة غلط عننا للغرب

الا على فكرة اللي تعرف دكتورة نساء كويسه تدلني عليها ضروري
لي عودة قريبا

هممممممس الششششوق • 16 سنة

صبا ح الخير لكل الحبايب المغتربات بيلسان أم بنتها أشكرك على الرد بس والله جينيرا متعبتني وأحس بألم في الساق شديد بالقوة نمت منه خايفة أقول لزوجي وماعاد يجيبلي متعبتني بأسفل ظهري وساقي مع العلم ان الله أنقذني من جلطة كانت محتملة الحدوث 100%بعد خروجي من غرفة الولادة في ولادتي الأولى لكن رحمت الله وسعت كل شىء وسرعان ماأعادوني الأطباء بسرعة جنونية للعمليات وأعادوا فتح الغرز وأخرجوا الدم المتجلط اللي كان في طريقه للأوردة المغذية للرجل الشاهد ان الألم كان نفس الألم مع العلم ان ولادتي كانت طبيعي وأسـخدمت جينيرا 10 شهور وانقطعت عنها 6شهور وبعد مارجعت أستخدمها من شهر واحد ورتني ليالي سود وعصبية وآلام0000000000000