بيسو ،، ترى انا مو من سيدني :p

ابشري يالغاليه ،، اشوفلك هو ليش لا ،، بس اذا تعرفي فين اماكنهم ياليت تخبريني
لانه مالي خلق حق اللفه والحوسه ،، انا بـ ليفربوول يعني لو يطلع لهم بوتيك هنا
ياسلاااااام ،، بروح اشوفه واخبرك واشريه لعنونك ..
بس تبينه تعالي خذيه :p:42:

سلام بنات ،،والله احس مالي خلق شي ،، في حالة اكتئاب :44: لي عوده ان شاء الله ..

مرحبا بنات....كيفكم؟؟؟؟
انا حساسية الربيع ذابحتني.....ولا مية عطسه بالدقيقه....حتى كلارتين احسه ما عاد يفيد :06:

الله يخليلي زوجي...ياحبي لك يا اختي....اذا خلاص بتستقرون بالرياض وفتحتيه لازم يصير اسمه ملتقى بنات الرياض:22: والا؟؟؟....الموضوع ما يتطلب مشاركه مستمره ....لكن لازم اشراف يومي واطلاع على المشاركات ومراجعتها....مو اقولك التزام وارتباط....والواحد مع الاهل غير المغترب....الله يسعدك ردي علينا قبل ما يقفل الملف عشان ارتاح اني سلمت الرايه .

بيلسان....ماقصرتي الله يعافيك على هالخلطات وعلى الحلى اللي حطيته في رمضان ....كنت محتاره ودي بشي للفطور عشان :arb: واتذكرت حلاك وركض ادوره....طلع مره حلو ....شكل وطعم.
وطمنينا عن الاموره الصغيره وش صار عليها....ضاق صدري عليها....على فكره انا لما اطعم عيالي ....ادهن الوخزه بشوي فيكس وعلى طول بنادول ....حتى لو مافيه حراره....بس تسكين....وما تشوف شر.
كمان مشكوره على مواقع الوكالات يمكن الواحد يحتاجها مستقبلا.
وبالنسبه لعطر شانيل....حليو بس شاهدتي فيه مجروحه لا تاخذينها بالاعتبار....لاني من عشاق N.5.
وعلى فكره اذا انتي من سكان الرياض او جده ممكن تحصلينه عند شانيل هناك....وبالتوفيق

اميره...حياك في ملبورن....ماقصرت بيلسان....وبالنسبه للمرافقين يكونون بالساعه واقل شي 20 دولار للساعه حسب علمي ....والله يسهل اموركم.

نور نجد....الله يسلمك....نحن السابقون وانتم اللاحقون....ولا تنسين تطلين تراك وعدتينا ما تخلينا.....وبالمره تعطينا اخبار الرياض.
واما الفيلم ....انا شايفته من زمان....وعلى قولتك فيلم مفلس من جميع النواحي....حتى بالنسبه للمشاهد الغير عربي...فيلم غير مقنع او حتى يشد.

flower lady ....يا كافي ماعاد فيه رجال هالوقت.....والله يسهل امر عزيمتك....وهذا هو وقت الدش واشر....يازينها في العزايم تفك أزمه.

همس الشوق....ماتشوفين شر....جربي حبوب ياسمين....اسمع الكل مرتاح عليها
وعلى الاستهبال ....خذي راحتك....هنا الكل يسوي اللي يبي :)

ليالي نجد....ياحليله ذا الشايب مب سهل .....الله يكافينا لكاعة الشياب :42:

ام يزن ...هلا بك....وينك مالك شوفه....اتمنى استقريتوا ومشى الحال......والبطاقات انا استخدم وحده حلوه للرياض وسيئه جدا للشرقيه.....وما ادري عن باقي المناطق ....اسمها today middle east .

****************

بنات ابي اسالكم احد يعطي اطفاله حبوب fish oil .....وحده شفتها تمدحهم بالمره ....قلت ابسال اذا احد جربهم؟؟؟

ودمتم بخير:26:

بيلسان صح يمكن الموقع مو مضمون.. فـ توصين احد من سيدني افضل..

فلاور ليدي الله يعينك.. مالك الا تنظفينه زين الشكوى لله..

ملبورن ايه ان شاء الله ماراح أقطع..وباعطيكم اخبار الرياض بعد :p شفتي الفلم مو بس مفلس الا يفشل لااخراج ولا اداء مقنع :mad: والا فيه احد يدخل سكين لطيارة!!!

مون لايتس حتى انا بعد مالي خلق اليوم شي :( الله يعين

بنات وانا اشوف منتدى السعوديين ببرزبن لقيتهم حاطين 61 صورة من احتفال العيد اللي سووه الطلاب السعوديين بحي الـ كالفن كروف..

عجبني مرررة ماتوقعته كذا.. باين انه مرتب ومنظم وكويس ماكان مرة زحمة.. الله يعطيهم العافية.. وهذا اللنك:

http://sscbrisbane.com/vb/showpost.php?p=26727&postcount=12

السلام عليكم

بيلسان ابشري ياقلبي غالي والطلب رخيص لو تعرفين وين موجود بالضبط خبريني :)

ابكاني ذنبي ماعليك حبيبتي ..الحجاب هنا حرية شخصيه كلن يلبس اللي يريحه والله يثبتك ان شاء الله ..وبالنسبه لموضوعك انصحك ياقلبي تستخيرين اكثر من مره واذا وجدتي راحه توكلي ع الله وخلي دائما في بالك (قل لن يصيبنا الا ماكتب الله لنا ) اتمنى لك حياة سعيده :)

فلاور ليدي الله يكون بعونك عزيزتي:27:

ملبورن خلاص ياقلبي ماعندي مانع وان شاء الله اكون عند حسن ظن الجميع ..وشكرا لك حبيبتي تعبتك معي:27:
وراح اتواصل معك لان عندي كم سؤال <<<<<<< الله يعينك نشبتلك :mad:

نور نجد ماشاء الله تبارك الله االتنظيم اكثر من رائع :26:

تحياتي لكم جميعا