انا ماجربته.. ممكن يكون ينزل وزنك بوقت اسرع.. بس مادري. حارقات الدهون الا مايكون لها اضرار جانبيه .. انا ما افكر استخدمها
balanced diet and a good workout
:7_5_127:
وتوصلين للوزن المثالي

أختي لجونة ..
ألف شكر لك أختي... سررت بردك وتجاوبك لتساؤلاتي....ربي يوفقك ويكتب لك التوفيق والنجاح في كل أمورك...اسعد الله حياتك.

أختي لهلوبة7..
جزاك الله خير ..الله يعطيك الف عافية ..من جد ماقصرتوا معايا بتجاوبكم لكل استفساراتي...
وردك طمني وريحني كثير خاصة انك من نفس المدينة ملبورن..قد يكتب الله لنا اللقاء معك فهناك المغتربات كالأخوات والأهل..:)

تسلمين والله ياام العصبيه ماقصرتي حبيبتي
دخلت على الموقع بس انا ماني مبتعثه انا مرافقه للزوجي وابغى ادرس لغه فقط وودي اعرف ايش الاجراءات الي اتبعها علشان اقدم على معهد
تكفون يابنات الي عندها اي معلومه تسدحها هنا الله يجزاكم كل خير
الحمد لله علىالسلامه لجونه ونجوم والله فقدنا سواليفكم
صادقه والله ياام العصبيه البنزين مره غالي وبالنسبه للمشروب اذا جربته ونفع معاك خبرينا لاننا والله محتاجين
بــــــــــــــــــــــــــاي

السلام عليكم ياحلوين
شوفي حبيبتي سن فلور مايحتا شي التقديم على المعهد بس تجين ويختبرونك ويحددون المستوى وهم يرسلون اوراقك للملحقيه حتى مايحتاج اي شهادات وتسلمين حبيبتي على كلامك اللطيف

الله ياحظك يا ام سعود شفتي الشلالات الصدق انا رحت لمنطقه عندنا اسمها جيرفس بي قالوا فيها شلالات يوم شفناناها لقيناه مويه تجري عاديه مافيها اي فكره (يعني غريب)بس ان شاء الله نشوفك المكان اللي قلت عنه في اقرب اجازه ههههههههه

حلوه فكرة هالمشروب اختي ام العصبيه وفيه نفس فكرته في السعوديه البنات جربو(اللي في السعوديه)يقولون حلو مره يخليك ماتشتهين الاكل كل اليوم شبعانه ودي به من يوم جيت لاستراليا وانا دب في الحلويات مدري من الاحباط والزهق ولا عشان انى اهلي

الا على طاري اهلي اليوم شفت انشوده فيها اولاد لابسين ثياب انشودة بسم الله اللي في المجد يوم شفتهم على طول دموعي تباذرت ذكرت اخواني الله يحفظهم مشكله ان زوجي يضيق صدره اذا قلت له اني اشتقت لهلي صرت معد اقوله يحس بتأنيب الضميرخخخخخخ

صحيح اختي ليدي احسن شي الرياضه بس ودنا بعد نقلل الاكل وقاعده ادور لي جهاز رياضه حلوه يقولون احسن شي السير انت شرايك ايش احسن جهاز

زهوقه حبيبتي وينك فيه احس اني اشتقت لك هاليومين يوم قطعت اقول مدري شخبار زهوقه وشصار عليها دايما على بالي بشريني عنك كيفكن وكيف الولاد معليش عادي دايما تقلب اللهجه عندي بس عاد شنسوي كل يوم قالبه راس زوجي بلهجه شكل لا وقبل اسبوعين جلست مع بنات حجازيات يهبل كلامهم طبعا لازم القط اللهجه وتشوفين بس اتكلم حجازي من النوع اللي يتأثر بسرعه شكلي تياونيه منيب اصليه ههههههههههههههههههه

ايه نسيت اعلق على البنزين اكثر شي قاهرني هنا كل كمن يوم ب70دولار وينا فيه اعوذ بالله في ديرتنا نعبس فل ب30 ريال الله المستعان ماتحس بالنعمه اللي ا فيها لين تشوف غيرها بس الحمدلله على كل حال