كيفكم بنات ؟؟

مساء الخير اخواتي المبتعثات وارجو قبولي معكن في هذه المنتدى الذي اسأل الله أن نستفيد منه اجمعين .

أنا مبتعثة إن شاء الله إلى سيدني و معي زوجي وطفلي واستفساري هل السكن مناسب في ضواحي سيدني , وهل من الممكن الحصول على دار حضانة لطفلي ابو السنتين :04: أو حاضنة وكم الأسعار ؟

تكفن أنا تحطمت يوم سمعت إن أسعار الحضانات 50% في اليوم :(
تكفن يابنات الله يخليكن جاوبن بالتفصل الممل .

تقبلن احترامي وتقديري لكن ولطموحاتكم .

اختكم / جربت كل الاسماء ( طبعاً هذا الاسم اخترته بعد ماتعبت كل ما حطيت اسم قال موجود ) ماشاء الله .

ملاحظة / هذا الاستفسار كتبته في موضوع مستقل ونصحتني إحدى الأخوات إني أحطه هنا لأني راح ألاقي إجابة شافية إن شاء الله .

هلا حبيبتي جربت كل الاسامي
حياك الله في سدني لاتخافين سدني حلوه كثير ومناسبه للسكن للعوايل لانها مليانه مسلمين وعرب وفيها احياء للعرب
بالنسبه للحضانه الخبر حقيقي انها ب50 دولار باليوم بس تلاقين حضانات ارخص اللي هي في البيوت
في الحقيقه انا مش من سدني بس بنات سدني فيهم الخير والبركه اكيد راح يفيدونك

والله يسهل لك اموركم

السلااااااااااام عليكم يا عرب وشلونكم
اولا مرسي خالص على الطبخات الحلوة وعلى فكرة اسملله علي الرحمن الرحيم خخخخ انا كنت بالسعودية احشي المكرونة الصغار اصفها بصينية واحط صوص وحركات وبارميزان وتطلع مرة لذيذة بس بعد ما تطلع روحي.. :)
جربو الكولونولي احشوه لحم مفروم اااخخ مرررة لذيذ الاحد بسويه على الفطور (ان شاءالله بنصوم)

وام بيلسان .. وش رايك تسوين عرض بور بوينت عن السعودية ومعالها وتقاليدنا لان فيه كثير ناس ما يعرفون عننا شي
او مثلا اسئلة واجوبة ممكن بالبور بوينت او نشرات توزعينها تعلمينهم التقاليد حقتنا والعادات وممكن اهم المعالم وطبعا لالا تنسين تدخلين بين الكلام عن تعاليم الاسلام لانك لو حطيتي كل شي عن الاسلام بيقول جالسة تدعين له .. طبعا كلنا ودنا ندعي للاسلام بس حبة حبة .. ويا بخت اللي يسلم احد على يده ..

اني واي .. اذا تحبين عندي في ايملي اشياء حلوة بالانجليزي عن الاسلام والسعودية ..
خخخخ طبعا لا تنسين تحطين يادار وتسووون العرضة خخخخ
احس اني مرة تحمست .. :)

حبيبتي جربت كل النيييمز
انا اللي دليتك :)
انا واثقة ان البنات بيفيدونك ..
ومثل ما قلت لك السكن في الضواحي رهييب .. وتعالي اسكني عندي مرة هادية منطقتي وفيها كثير بيوت فاضية للايجار .. اسمها Silver Water والحلو فيها انها قريبة من حي اوبرن اللي هو حي عربي تلقين كل اللي تبين فيه ..

الله يحييك وتجين بالسلامة ..