السلام علييييييكم جميعا ..
ماشاءالله اشوف احتد النقاش والله ما شكل اختلاف الاراء لا يفسد للود قضية .. خخخخ صدق حريم :)

مادام كلن ادلى بدلوه اجل اسمحولي ادلي بدلوي الصغير ..

بس قبل كل شي احيي البنات الجدد ..
والف شكر لك ملبورن على التوضيح مرة حلو .. و*****لله بدخل على هالموقع وبدور في قوقل الله يعطيك العافية

وقبل لا انسى مكتبة اوبرن تسوي فصول لتعليم الانجليزي للي حابة تتعلم وكاتبين انه عبارة عن محادثة ..
وكمان مسوين كلاسات للاطفال كل ثلاثاء مجانا تخيلوا كاتبين في المنشورة من صفر الى سنتين ونص طبعا بس اغاني والعاب .. انا مرررة عجبني والثلاثاء هذا بروح مع وحدة من البنات بتدخل بينتها ..

وام راحيل حياك الله حبيبتي .. والله يعينكم وان شاءالله اني اقدر افيدك بهالروابط وما عليك الا تدخلين عليها وتدورين اللي يعجبك وممكن تتصلين عليهم وتشوفين اذا كانت محجوزة .. وعلى فكرة في فنادق رخيصة بس يكون الحمام فيها شير يعني شراكة مع مسؤجر ثاني انتبهي من هالنقطة اذا حجزتي اساليهم عن الحمام وانتو بكرامة ..
هذي المواقع

http://profile.myspace.com/

وهذا الثاني

http://www.realestate.com.au/

وهذا واحد بعد

http://www.doorone.com.au/xGS-House_...kin_id-8009839

وممكن بعد تدورين في قوقل بالعربي وتطلبين ترجمة الصفحة ووممكن تحطين شقق باسعار رخصية او استديو بسعر رخيص ..
والله يعينكم يارب ويرزقكم باللي يناسبكم ..
تحياتي..

السلام عليكم كيفكم صبايا
انا حابه استفسر من اللي ساكنين باستراليا او اي وحده عندها معلومات هل يوجد مصانع اسمنت باستراليا واين ؟باي مدينه ارجو المساعده ضروري

السلااااااااااااااام عليكم ورحمة الله وبركاااااااااته

بنات عندي استفسار بسيط

انا وزوجي ان شاء الله شهر 7 الجاي بنسافر لأستراليا للدراسه

وحابه اني ما اضيع هالوقت بالجلسه بالبيت

انا معي شهادة ثانويه شرعي من 6 سنوات

وشهادة دبلوم اقتصاد منزلي وتربيه فنيه وتقديري مو ذاك الزود

هل بالامكان اني ادرس هناك بحسابي الخاص

حابه ادرس لغة انجليزيه

زوجي مبتعث من الوزارة يعني راتبه عادي يصرف

مع المساعدة الماليه من الحكومه

فما ادري عن وضعي

هل فيه امل اني ادرس واستفيد من السفر هذا

وعن الشهادات هل اترجمها او لا

وما هي الاجراءات اللي لازم اتبعها وهل تاخذ وقت


الله يجزاكم بكل خير

مرحبا اختي
تجون بالسلامه يارب
انا فهمت من كلامك ان زوجك مبتعث من وزارة التعليم العالي صح ولا
اذا كان كذا تكونين انتي مرافقه لزوجك وتقدرين تدرسين لغه وبعدها تكملين ماجستير او دبلوم باي تخصص لو حبيتي
وتكون على حساب الحكومه
اما اذا مبتعث من عمله او جهه خاصه ماعندي خلفيه صراحه
بس تقدرين باي حال من الاحوال سواء بحسابك او لو مبتعثين من برنامج خادم الحرمين او من الوزاره تقدرين تدرسين وتكملين
وبالتوفيق لك
اتمنى اكون افدتك
تحياتي

صوت الصحراء حبيبتي اولا واضح من ردرودك انك زعلتي وهذا مشكلة العرب يحولون النقاش الى مشكلة ولا ليش يقولون (اتفق العرب على الا يتفقوا) عموما انا احترم رايك وراي كلللللللل البنات بلا استثناء وفي ردود مررة اعجبتني وفيه ردرود العكس وكل هذا طبعا يعكس جانب من الشخصية ..
ان ما اقولك اني انسانة متحررة واحب الاختلاط.. بس انا من مؤيدين دراسة الانجليزي وبشده .. يعني لما تقولين ماراح توقف حياتي اذا مادرست انجليزي اولا الحياة تمشي ماراح توقف بس يمكن تتعطل لان مثلك عارف ان الانجليزي اصبحت لغة ثانية في بلدنا ومهمة جدا .. ماتروحين مكان في بلدنا تقدمين على وظيفة الا ويطلبون انجليزي وحاسب..
ومن ناحية انك تقولين (اتوقع اذا وجدنا حل ويكون اخير واحسن وافضل بعد ليش مانستخدمه صح ولا لا ياشجونتي ويابنوتات)
صح كلامك صحيح وماعليه اعتراض والحمدلله انك لقيتي سبيشل كلاس وبس مو كل مرة تسلم الجرة يمكن في معاهد ثانية ما ترضى او مثل ماقالت ناي يمكن ما تقلينه انتي او غيرك في الجامعه.. ارجع واقول ماني من اللي يؤيدون الاختلاط بس احنا جينا في بلد لازم نحترم انظمتهم اذا حبوا غيرونها لما نطلب منهم الله يعطيهم العافية لكن ما نجبرهم ..
(وحل بعد اني اقدر ادرس بالسعوديه واستفيد وحده من صديقاتي بببببببلبل انجلش ودارسه بالسعوديه باكاديمية الفيصل)
لا تروحين بعيد ان دراستي كانت بالسعودية ولكن ما يرجع الفضل كله للكلية اللي كنت ادرس فيها لا كنت اضغط على نفسي بالممارسة والقراءة والحمدلله فضل من رب العالمين اتكلم الانجليزي بطلاقة لدرجة ان معلمة زوجي طلبت مني اقدم على الجنسية ؟؟!!

واسمحيلي انا زعلت منك لما ذكرتي عن اسمى التخصصات وسؤالك هل تخصصات البنات ضرورة ؟؟؟؟؟؟؟؟
اولا كل واحد حر باختيار تخصصه وهي في الاخير ميول .. ثانيا ما تبين يصير تنوع عندنا في البلد ولا تبينهم كلهم دكاترة ومهندسات .. وحدة من خواتي تعشق الديكور والرسم وفنانه من يومها وناوية بحول الله تكمل برا نحطمها ونقولها ماراح ينفع البلد وهذا غير اختي الكبيرة عندها بكالورييس فيزياء بس عندها ميول فاشن وازياء ومكياج واخذت كم دورة بالبحرين ودبي والحين ان شاءالله بتاخذ دبلوم بالفاشن والازياء بلبنان نقولها لا ما ينفع البلد ؟؟!!!! عفوا حبيبتي صححي هذه المعلومة :)
لازم الدولة الناجحة يكون شعبها يملك مختلف التخصصات سواء اخذوها من نفس البلد او من خارج هالبلد .. واذا اخذوها من الخارج مافيها اي حرج .. يمكن تجدد ثقافتهم ويتغير منظورهم ويمكن يبدعون اكثر ولا ايش رايكم؟؟
وانا اؤيد كلام نااي ونور نجد عن جامعاتنا الموقرة ولا ابي ازيد لاني اخاف يزعلون مني :)

اخيرا وليس اخرا نروح للقناعات :)
هلا بك سعوديا كول والله البرد عامل عمايله خاصة في هالنقاش خخخخ ..
(وما اقدر اقول لوحده ما تبي الاختلاط انتي جايه البلد وتعرفين فا بالتالي اختلطي وارمي قناعاتك بالزباله تكرمون ..
ومقدر اقول للي عادي عندها الاختلاط لا تختلطين ولا تدرسين واقعدي ببيتك باسم ان ديننا يحرم الاختلاط )
اممممم ... انا لما قلت لها انتي جاية هالبلد وعارفة انه بلد متحرر وفيه اختلاط ما قلت لها ارمي قناعاتك بال....
بالعكس قلت لها تحترم انظمتهم مثل ما هم يحترمون انظمتنا اذا جوا ديرتنا .. ماقد شفتي اجانب يلبسون عباية في بلدنا تحسبينهم يبلبسونها حبا فيها لا والله .. محترمين انظمتنا واللي هو اصلا دين .. مافي ولا اجنبي في السعودية خالف انظمتها بالعكس محترمينها واحتفظوا بقناعاتهم ما رموها بال.... وهذا اللي لازم نسويه هنا نحترم انظمتهم ولا نرمي بقناعاتنا اللي احنا مقتنعين فيها فكيف نرميها!!! وتراني اتكلم بصفة عامة ولا ا اقصد الاختلاط اللي هو موجود في بلدنا..
وعجبتيني لما قلتي ..(ما عندي مشكله ادرس بجو مختلط دام اني محتشمه )
هذا الكلام .. وازيد عليك مو بس محتشمة وواثقة من نفسي بعد ولا علي من اللي يطالعوني ان شاءالله يطالعون الى الصبح هم اللي بيتعبون ..
بس عندي سؤال لك يا سعوديا كول يا عسل وش معنى هالكلام
(انا مع صوت الصحراء قلبا وقالبا لانها طبقت قناعتها ..رغم ان قناعتها عكس قناعتي تماما >>> )

وارجع واقول اختلاف الااراء لا يفسد للود قضية ..
واحنا حباييب وحلوين :)
تصبحون على خير