توصلون بالسلامه ان شاء الله
البهارات< الصحيحه العدله الغيرمطحونه <ماتدخل معاك يرمونها
مياجي وكريماتي مرات اشحنها ومرات اخدها معي ومايدققون عليها
الاشياء الطبيه مالي تجارب البنات ان شاء الله يفيدوك ان لازم تلازمني البندول وخافض الحراره والفاتمينات والجديد وحمض الفوليك وجل التسنين ودخلوها وماقالوا شي .....ز

السلام عليكم جميعا
يابنات مون لايت مختفية وينها ؟؟؟؟ طمنينا عليك

ام يزن الف مبروك الفيزا::::والترم الاول للمدارس تقصدين يبدا شهر 2 والثاني اعتقد 8
ومن عمر 5 سنوات تكون على حساب الملحقية
وبالتوفيق

هوه ويييييييينك من زمان عنك خلينا نشوفك قبل تبدا دراستك :)

السلام عليكم كيفكم جميعا

بائعة التفاح ///// كيفك ياقلبي وشخبارك

سؤال لبنات برزبن
فيه مطعم تكلمتو عنه اسمه بعلبك ومدري من قال انه مو مره بالنظافه

يعني ابغى اسال يعني تتضايقين اذا دخلتيه ولا عادي مقبول نوعا ما يعني ياليت توصفون الديزاين حق المطعم
يستاهل العنوه ولا لا
انتظر اجابتكم
مشكورين مقدما

السلااااام عليكم ..
شخبار كم يا حلوين مع هالبرد القااااااااارص ..
اعذروني يا بنات لاني ما ادخل كثير باذن الله بسافر السعودية الاسبوع الجاي ومرررررة حايسة خبركم الهدايا والخرابيط و امانه عليكم اللي تبي شي من هناك ابد لايردها شي حتى اللي برا سيدني ارسلها بالبوست .. ترسلي على الخاص..
وترى في سلام من مون لايت للجميع وانا كلمتها اطمن عليها لان من زمان ما دخلت بس للاسف بنتها خربت لاب توبها..

ومبروك ام يزن على الفيزا الف مبروك .. تجون بالسلامة يارب ..

وبالنسبة للنقاش انا تعمدت اكتب ليش زعلتي يا صوت الصحراء لاني ابي اشوف ردك .. خخخخخ (حاجة في نفس يعقوب)
انا اؤيد كلامكم في موضوع النقاش والمجادلة بليونة واقسم بالله ما هو افتخار ولا رياء ولاسمعه ولكن ولله الحمد والمنه ..
حصل معي هالموقف واسمحولي اقولكم اياه مع انه طويل شوي :)

تعرضت للسؤال من شخص ملحد وهو في الحقيقة زميل عمل عن الحجاب والدين واقسم بالله لما انتهي من الصلاة كان يضحك علي وعلى حركاتي اقصد السجود والركوع وصار يسالني عن كل صغيرة وكبيرة ولكن بعد فنرة من التعارف مش على طول يعني بعد ماحس اني ماراح اتضايق من اسئلتته عن ديني لانهم للاسف اكثرهم يحسبون اننا مرة متشددين ومعقدين المهم جلس يسالني عن كل صغيرة وكبيرة واستغرب قالي اكثر المسلمات ما يعطونا وجه زيك وانا يمينا بالله كان قصدي اني ادعوه للاسلام لاني حسيت انه وده والحمدلله جملت الاسلام بعينه وكل مايقولي شي صعب اجاوبه بسهولة وافهمه ان ديننا دين سهل ويسر وغير كذا عرفني على صديقته المسيحية والحمدلله كسبت ثقتهم صاروا يسالوني عن كل شي وحتى عن الزواج .. وما تدرون كيف تفاجئوا الاسلام وانه كذا سهل وحلو ومريح .. المهم ماراح اطول عليكم ..
وفي الاخير انا صار لي حادث للاسف وغبت عن الوعي ايام عديدة مايقارب 20 يوم وجا لامي قالها انا وصديقتي دخلنا الاسلام بسبب
بنتك طبعا امي فرحت مرة وهذي موضوع ثاني ... وانا ما عرفت الا لما صحيت وبكيت من الفرحة لما زارني وقالي انا علي وهذي جميلة ..
المهم بعد مارجعت للعمل باركت لهم وقالو لي علمينا الشهادة احنا كنا نستناك تطلعين بالسلامة .. وقالي الرجال ابيك تعلمين صديقتيكيف الحجاب وشريت لها حجابات وطبها فهمتهم انه ماينفع علاقة حرام وهم مسلمين وابشركم تزوجوا والظاهر انها حامل الحين .. والحمدلله انا عندي خال ملتزم وصاحب دعوة ارسلتهم له وعلمهم العمرة وبعد ابشركم اعتمروا وكلموني من هناك .. ومالله يا بنات فرحة ما بعدها فرحة كل ما يكلموني ابكي من الفرح طبعا واسجد لربي شكر ..
اتمنى من قلبي لكم كلكم ولاهاليكم ان يدخل احد على يدكم للاسلام
وان شاءالله ربي يوقفني واقدر اكررها هنا ..

ارجع واقول اللي يبي شي من السعودية ابد لا يرد شي على فكرة انا من اهل الشرقية اذا احد عنده اهل هناك ويبي شي

تحياتي للجميع

شجونة

مااشالله عليك.. اهنيك على اللي سويتيه..
والحمدلله على قومتك بالسلامة ماتشوفين شر يارب..



وانا اقول هالسنع من وين طلعتي شرقاوية :biggrin:
ولايهونون باقي البنات :)