الله يخليلي زوجي :

اهلين اختي .. العفو الله يعافيك ماسويت الا الواجب بالنسبه للاماكن السياحيه في سدني فيه كثير مره اول شي فيه منطقه اسمها السيركلكي مره روعه فيها الاوبرا هاوس والهاربر برج وجنبها كفيات كثير ومطاعم على البحر كثير حلوه وخصوصا بالليل شكلها مره يجنن وتشوفين عند البحر فيه قوارب وسفينه كبيره لو حبيتي تمشين فيها اوبالسفينه فيه مطعم يمدحونه بس انا بصراحه ماجربته .. ..وبعد قريب منها منطقه اسمها الدارلنق هاربر فيه سوق كبير وفيه ماركات حلوه وتحصلين بالسوق مطعم اسمه زعفران هندي لايفوتك خيال ومطل على البحر لو بغيتي الجلسات الخارجيه ..وبعد في منطقة الدارلنق هاربر سينما اسمها ثري ماكس وهي سينما ثلاثية الابعاد وفيه افلام تنفع للاطفال وفيه افلام للكبار وكثير حلوه وعليها زحمه مره..عموما هالمنطقتين اللي ذكرتها قريبه من بعض وحلوه وتنفع بالمساء اكثر.. وفيه برضوا شارع قريب منمنطقة السيركلكي اسمه جورج ستريت فيه اسواق كثير مره وفخمه عندك سوق اسمه فكتوريا بلدنق هاذا سوق فيه كل الماركات اللي تبين ومبني على الطراز التاريخي ..وبرضوا جنبه في سوق اسمه سدني سنتر كبير وحلو وتحصلين جنب هالسوقين محلات كثير وبوسطها يسوون عروض ايام الويكند ..وجنبه فيه سدني تاور اللي هو برج سدني تطلعين له من فوق وتشوفين سدني كلها هو حلو بس تخوف شوي خخخخخخ:hahaha: وقريبن من جورج ستريت فيه حديقة كبيره اسمها الهايد بارك اغلب الايام يسوون فيها عروض واحتفالات والحديقه حلوه وكبيره مره .. وفيه بعد حديقة حيوان اسمها ترانقو زو مره كبيره وحلوه بس وين مكانها بالضبط ماادري بس هي قريبه من منطقة السيركلكي وقريب من الحديقة الحيوان ملاهي صغيره اسمها لونا بارك .. وفيه حي في ضواحي سدني اسمه بارماتا فيه سوق كبير مره تقريبا سبعه ادوار اسمه ويست فيلد بارماتا مره حلو وكبير وانصحك تتسوقين فيه .. وهاذي اغلب الاماكن السياحيه بسدني وانصحك فيها عن تجربه وان شاء الله اذا تذكرت شي رجعت كتبته وانصحكم تجلسون في سدني 6 ايام بالكثير لان اتوقع خمسه ايام راح تكفيها هاذا رائي والله اعلم وبالنسبه للسواق العربي بصراحه ماعندي خلفيه بس بسالك واذا عرفت احد قلتلك .. ورحله سعيده واي سؤال انا حاضره سلام:27:

اهلين اختي .. العفو الله يعافيك ماسويت الا الواجب بالنسبه للاماكن السياحيه في سدني فيه كثير مره...