ما شاء الله التجمع السادس
الله يجمعنا عالخير دائما
هذي اول مشاركه لي في الموضوع و محتاجه ردكم يا بنات بليز
وحده من قريباتي وصلت جديد في الجولد كوست تدرس يعني
محتاجه تعرف

1- فين الاحياء السكنيه المناسبه و الي تكون قريبه من جامعة قريفث و جامعة بوند ؟؟
يعني عادة الطلاب او السعوديين في يسكنو ؟؟ يفضل شقه في عماره و سيكوريتي ما تبغى تسكن في hometown و كده

و اش هي المواقع الي تبحث من خلالها ؟؟

2- فين تلاقي المنتجات العربيه ؟؟ يعني مثلا طحينه ، بهارات لو نقص عليها ، حلويات عربيه و كده يعني

3-بالنسبه للمواصلات في الجولد كوست عندهم باصات زي في برزبن و لا كيف التنقل ؟؟

و هل يوجد موقع خاص لمعرفة مواعيد الباصات ، يعني تعتمد على هذا http://transinfo.com.au/
و لا في غيره

بس و الله هذا الي شاغل بالها الان و شكرا جزيلا مقدما
الله يخليكم لا تطنشوني ، الي تعرف تجاوبني و الله يجزاها خير

-----------------------------
اختي زهق
ما اعرف اش حكم الدين في موضوعك ، بس اذكر مره ايام الدراسه كانت مدرستنا تقول لو رحتو فندق و لقيتو فيه انجيل
لا تقرأوه حتى من باب حب الاطلاع

شي ثاني لازم يكون عندك ثقافه قويه عشان تردي عليهم ، لأنهم رح يبدءو يشككو في دينك و معتقداتك و هذا امر خطير

و ايضا اهم شي نظهر لهم التعامل الاسلامي الحسن ، بمعنى لو حسيتيهم زودوها و تبغي توقفي مجيئهم باسلوب كده
اتهربي منهم

انا مره برضه اعطوني ورقه كنت في السوق ، استغربت يعني شايفيني محجبه ليش يعطوني
اخذتها و قرأتها بس استغفر الله كلام ما يدخل العقل

انصحك لو مره ثانيه جو و لزمو عليكي أو بدءو يزودوها، انك ببساطه تقولي لهم انا مقتنعه بديني لهذه الاسباب( حطي اسباب انو ديني شامل لكل شي ما احتاج غيره و انا مرتاحه ، ليش اغير ديني الا اذا كنت مني مرتاحه و كنت مني مقتنعه فيه )


الحمدلله عقيدتنا قويه محنا مثلهم نتأثر بهذا الكلام ، يعني محد يقدر يشككني في ديني باذن الله، فهم يحسبو ان الموضوع سهل
لكن خسئو انهم يقدرو يبدلو ديننا
مسلمين و الحمدلله على نعمة الاسلام

و قوليلهم فرصه سعيده اني اتعرفت عليكم و ديني ما يمنع اني اعاملكم معامله طيبه
انتو قدمتو عرضكم ما ناسبني خلاص يروحو في حالهم و ما رح يعملو شي

اقصد الي لازم يفهموه انك قويييييه و ما رح تتأثري يعني لا تتعبو حالكم

و الله هذا الي اقدر اقوله ، كلامي يحتمل الصواب و يحتمل الخطأ ، و أسأل الله انو يصرف شرهم عنك

بنات الله يعافيكم ابغى اسال بحكم خبرتكم وين احصل مجموعه كامله للبشره تتكون من(صابون وتونك وكريم) للبشره المختلطه ابغى نوع زين لان بشرتي من جيت هنا وهي مره تعبانه و لا لقيت شي يناسب بشرتي........

حبيبتي اميرة البحار تلاقين في ماير على ماعتقد انا مره رحت لماير ولقيت جنب قسم المكياج والعطورات ماركة كلينك وفيها مستحضرات وكريمات بشره..وترى هالماركه انا مجربتها بالسعوديه كانت بشرتي تعبانه ورحت لدكتوره ووصفتها لي فتره وبعدها تركتها والحمد لله الحين بشرتي متحسنه.وتلاقين منها غسول للوجه وكريم ليلي ونهاري وبرضوا كريم للهالات السوداء تحت العين وصابونه للوجه..انتي استخدميها وشوفي اذا ناسبتك استمري عليها ..وانا اخذت اللون الوردي للبشره الحساسه ..والله يوفقك واتمنى اكون افدتك

حبيبتي سوسو عقبال ماتخلص اوراقكم وتجون بالسلامه والله يجمعك بزوجك ان شاء الله ..والله يسهل اموركم ..

حبيبتي زهق انا رايي من راي لحن الروح كلامها صحيح واتوقع هو اللي بينفع معهم ..

عزيزتي لحن الروح ان شاء الله يفيدونك بنات القولد كوست استراليا فير ..شمس الضحى ..والله يسهل عليكم