بنات انا زوجي جايته بعثه وخيروه بين بريطانيا واستراليا .... ومرررررره محتارين .... يعني بريطانيا حلاتها اقرب للسعوديه بس غااليه نار ... واستراليا سمعت انها افضل باشياء كثير بس بعيده مشكلتها ..


المهم انا سألت بنات بريطانيا في الموضوع حقهم اللي بهالمنتدى وكم وحده نصحتني اني اروح استراليا يقولون ان برطانيا غاليه على غير سنع وغير كذا تطفش ولافيها وناسه وبردها دايم ويذبح ..


انتوا يابنات وش تشيرون علي ؟؟؟ وش افضل الدولتين ...
وش اسهل دراسه اذا تعرفون ؟
الماجستير باستراليا كم سنه ؟ والبكالوريس كم سنه ؟؟

تعرفون ما نبي نقرر الا اذا تأكدنا مره وش افضل الدولتين ؟

الله يعطيهااااااااا العااااافيه اللي تساعدني

مرحبا يالغاليات شخباركم

نجوووووووم الحمد لله على السلامه نورتي التجمع الله لا يحرمنا منك

نوفا حبيبتي الله ييسر اموووووركم تطمني ياقلبي احنا اول ماكملنا شهر بالضبط طلعت الفيزا يعني لاتشيلين هم ماوصيك ياختي كثري من الاستغفاررررر

الله يعين على توديع اهلي قسم بالله شايله هم

:icon33::icon33::icon33:

حبيت اودعكم وان شاء الله ارجعلكم اذا وصلنا بالسلامه

رحلتنا من الرياض يوم الاثنين بعد بكرا ان شاء الله لدبي

ادعولنا يابنات ان الله يوصلني وزوجي وولدي بالسلامه وان الله ييسر امورنا

راح اشتاقلكم:06:

اشوفكم على خيرررررررررررررر

جوري حبيبتي بالنسبه لدراسة الماستر في استراليا يختلف على حسب التخصص فيه ماستر مدته سنه وفيه ماستر مدته سنه ونص وفيه سنتين ..اما البكالريوس يدرسون سنه لغه وسنه فاونديشن و3 سنوات بكالريوس ..اما بالنسبه للبلد حلو ماشاء الله ماعليه وانا اختي بلندن وتمدحها ماشاء الله تقول حلوه ومريحه الحمد لله بس عيبها على قولتك غاليه مره ..وبالنسبه للدراسه انا سمعت ان استراليا اسهل من بريطانيا وامريكا بكثيير..وانتم استخيروا والخيره فيما اختاره الله ..اتمنى اكون افدتك ولو بالقليل ..والله يسهل عليكم ويكتبلكم اللي فيه الخيره ان شاء الله..

جزاك الله خير حبيبتي لؤلؤة على النصائح والله يحفظنا والمسلمين اجمعين..
حبيبتي بنت العيون تاصلون بالسلامه ان شاء الله انتي وزوجك وولدك وطمنينا عنك اذا وصلتي والله يسهل عليكم ويعينكم على فراق اهلكم..سلامي للجميع

نوفا الله يسهل عليك ياقلبي
والله يسهلها ان شاء الله بس انتي انبسطي مع اهلك ووسعي صدرك ولين يحلها ربي باذن الله..