المهم بقول لكم قصتي اللي صارت لي امس

قمت من النوم اليوم وانا استرجع ذكريات امس وكأنها حلم مزعج او كابوس

عندنا تذاكر لدخول الاكواريم وبتخلص مدتها قلت لزوجي خل نلحق قبل ماتنتهي بقاي لها يومين بس وكان ودي من زمان اجرب قيطارتهم الله لا يعيدها (ماهما كان الانسان ذكي لابد ويجيه يوم ويصير غبي نفس حالتي خخ)المهم قمنا من الصبح ورحنا محطة القطار قصينا التذاكر على سدني ونركب الا القطار زحمه ونوقف طول الرحله في مكان ضيق عند مدخل القطار (ادري ان القصه مأساويه بس لاتصيحون الا توصلون للنهايه)كانت مدة الرحله ساعه ونص يعني كأنها عقاب وصلنا والا الان انا متماسكه ركبنا الفري اللي هي السفينه عشان تودينا الاكواريم ووصلنا لها وتمشينا فيها طلعنا منها الساعه 2ونص بنروح على ايكيا قالوا لنا في منطقه اسمهاالهومبش ورحنا لها بالقطار وكانت مدة الرحله نص ساعه وصلنا نسأل عن ايكيا ولا احد يدري عنها الين لقينا واحد لبناني قال انها بعيده ماتقدرون توصلون لها برجولكم دقين على التاكسي وننتظر نص ساعه محد جا وندق مره ثانيه قالوا الحين بنرسل لكم وكشتوا فينا ومحد جا قلت خلاص مابقي على ايكيا الا ساعه وتسكر ومايمديني نروح لها خل نروح لالدي دامها جنبنا ونظف منها خرابيط ناكلها في القطار ونرجع بس ورجعنا للسنترال يعني راح يومنا بدون اي فايده وخذنا عشانا وركبنا قطار الساعه 7 واربعين دقيقه ومشا القطار الا يجي مطر قوي ويقولون انها بيوقف بسبب العواصف ونقعد ننتظر ساعه والقطار مليان دشير اشكال والوان وناس يشربون وهبال شي طبيعي عندهم دامه ويك اند ونزلونا قالوا تكملون بالباص وننتظر الباص في هالمطر ويجي ونركبه ونوصل لبيتنا الساعه 12 بالليل

وهذي قصتي بأختصاااار
احس ان الرحله كانت غريبه من اولها لاخرها
بس الشي اللي تعلمته من هالرحله اني ركبيت كل وسائل المواصلات عندهم من قطار لترام لفري لباص
واني ان شاء الله ما اركبها مره ثانيه

كتبت قصتي هذه للعبره والعظه

هلا شجونة عزيزتي كيفك اخبارك؟مثل ماقالتلك نجوم قدمي الوقت ساعه وبالعكس راح يصير فيه كفايه مابين الفجر وشروق الشمس..
منار حبيبتي سوي اللي يريحك بغيتي تتحجبين واذا بغيتي تتنقبين لان الحجاب هنا حرية شخصيه واغلب البنات متحجاب وفيه كثير متنقبات...
دفء البوح تاصلون بالسلامه ياقلبي والله يسهل اموركم ..
سلامي للجميع

حبيبتي نجوم والله صدقتي ياشين قطارهم شيناه انا مره ركبت له اول ماجيت على استراليا وحرمت اركبه ازعاج ووصخين وناس مهبل الحمد لله والشكر.. لاوفوق كذا يعور راسك القطار وتاصلين متاخره ..بس وش رايك بالاكوريوم اعجبتك ولا؟
الله يعافيك انا نفسي اروح لايكيا بس مادليته تعرفين عنوانه كامل ولا بس اسم الشارع ..؟؟
ولك تحياتي

^
^
حبيبتي ايكيااا بمنطقه اسمهااا الرودز rohds
وفيها محطة قطار توصلهااا والمحطه اسمهااا Rohds وتراهاا قريبه من اوبن 10 دقايق بالسياره :)

الله يعطيك العافيه حبيبتي دفاية كهرب ماقصرتي الله يجزاك خير ويوسع عليك ويوفقك يالغاليه..