عزيزتي مزن وديم ...
دراسة المنهج السعودي ضروووووري
وترى الوضع عادي كل اللي هنا مسجلين عيالهم أما في مدارس اسلاميه او مدارس استراليه ويدرسوهم المنهج السعودي بالبيت وبنهاية الترم تجي لجنه من السعوديه وتختبرهم ,,,,ملاحظه لااااتشيلين هم ,,,اللجنه حاطه في بالهم انهم يدرسون بالبيت فتكون متساااااهله معهم كثير ....
معنا هنا وحده وضعها نفس وضعك بل يمكن اعقد شوي ,,,السنه اللي فاتت كان عندها بنت ثالث ثانوي ...اختبرت الترم الاول ببرزبن والترم الثاني قالوا لاااازم بجاكرتا (اندونيسيا) لانها شهاده وماشالله عدت والان هي بتبدأ بالجامعه بكالوريوس
ونفس العائله عندهم الان ولد على ماأضن بنفس صف ولدك ثاني ثانوي يدرس بالمدرسه الاسلاميه وبالبيت يدرس المنهج السعودي ,,,وعادي ماشي تمام ,,,,
توكلي على رب العالمين وسهليها...فيها صعوبه شوي لكن بالنهايه بيمشون ...

لؤلؤة استراليا حياك الله ,,
الله يعينك على فراق الاهل وتوصلين بالسلاااااااااااامه


ذابحتهم رموشي,,
كانك جايه سياحه ,,اقولك استراليا حلوووووووووه مرررره وفيها اماكن راااائعه:32:
وكانك عروس أحلى وأحلى وبعد اربع شهور راح يكون جوها خياااالي ان شالله
لكن لازم تعدين خطة تمشي صح !!
والله يحييييييك

عنابية الحجاز...
سؤالك تختلف الاجابه فيه على حسب الزوجه والزوج بعد!!
انا بالنسبه لي ولله الحمد عااادي جدا ولا هموني بالمره وقلما اصلا اشوف وحده تفتح النفس
الا اذا كنت بالقولد كوست :35: صح هناك اجساااام واشكاااال :06:

أم القماااري الله يحفظهم لك ياارب..
احنا جبنا للأولاد قبول من النت دخلنا على موقع المدرسه الاسلاميه وجبنا منهم القبول قعد يمكن اسبوع وردوا علينا بالقبول ,,,طبعناه واعطيناه المكتب وبس ...اذا بتنتظرين قبول من مدرسة الملك فيصل ماراح تتطلع فيزتكم ابدا لان عندهم قوائم انتظار معظم العرب المهاجره اولادهم فيها ....ابحثي بالنت عن اي مدرسه اسلاميه بسدني وادخلي على موقعهم واطلبي القبول ....واذا وصلتوا على خير شوفي اللي قريبه على سكنكم ودخلي بنتك فيها
هذا اجراء سريع علشان الفيزا بس
اتمنى اني افتدك باللي اعرف
ودمتي بخييير

شكلكم يابنات تقولون وش فيها بائعة التفاح ضاربه شوووط
تراي مبسووووووووووطه اليوم اول يوم بالدراسه والبيت فاضي من الصجه وانا ممخمخه على النت .....