مرحبا اخواتي .... كيفكم ؟؟؟ وايش اخباركم ؟؟ ان شاء الله طيبين :)

انا ابغى استشيركم في موقف حصل لنا امس الليل ...

انا ساكنة في شقة في الدور الارضي وعندي بلكونة كبيرة من ناحية غرفة النوم والجلسة ... المهم ...
امس في الليل واحنا نايمين ... صحينا على صوت تخبيط على قزاز الغرفة ... طلع انه في اتنين سكارى نقزوا عالبلكونة وبيخبطوا على قزازنا ويتكلموا بصوت عالي وحاولوا يفتحوا الباب القزاز بس الحمدلله زوجي كان مقفله كويس .... المهم .. قعدوا شوي وطفشوا ومشيوا ....

المشكله دحين مو هنا ... لاني انا متاكدة ان ربنا رح يحمينا ببركة الصلاة والقران اللي عندنا في البيت وتلاقيه الوحيد في العمارة كمان .. المشكلة في زوجي ...

وقت المشكلة ماقدرنا نعمل شي من الخوف .. لدرجة ما اتصلنا على الشرطة ... وهوا كااان مررة تعبان وماهو مستوعب الموقف صح ... اليوم الصباح لما رجع من الجامعة ... صاير عصبي وهايج ... يقول انا لو اشوفهم قدامي اقطعهم .. وياويلهم مني وكلام كده ...

انا خايفة على الرجال بصراحة .. اظن انه من ناحية نفسية الرجل اعتقد انه يحس ماحماني او انه مقصر معايا .. حاولت اهدي عليه وافهمه اننا طيبين وان الحمدلله ما سار شي بس مافي فايدة... ما ادري كيف افسرها .. ياريت اذا في وحدة خبيرة بسيكولوجية الرجل تفيدني كيف اتصرف في الموضوع ...

معلييييييييش سامحوني طولت عليكم وكلامي كتيييييييييييييير بس من جد اول مرة يحصل معانا الشي دا ..

شكرا حبيباتي .... ومعليش مرة تانية على الاطالة:)

ميس نزار
الحمدلله على سلامتكم
خفت وانا مو معاك وأظن لو كنا مكانكم وصاااحيين مابنسوي شي خخخخخ سكارى مافي عقل الحمدلله الذ عافانا :D
وزوجك يمكن قدامك يقول كذا من باب يحسسك انا معاك ولاتخافين
مثل لما اقول لزوجي لو احد عاكسني طبعا في السعوديه
يقول اضربه وبالعقال وووو لكن ماأظن يسويها أخلاقه ماتسمح لها يصير واطي
انتي قولي لزوجك الحمدلله كنت معاي ولازم ننتبه نقفل الباب ولا تشيلين هم
الظاهر انك عروسه ربي يسعدك ويحفظكم بحفظه

ام نسيبة حبيبتي تسلميلي على ردك .. الله يسلمك يارب ويحفظ الجميع ان شاء الله ...

الحمد لله طمنتيني لاني من جد كنت خايفة عليه ... الله يسلمك ويسعدك يارب .. انا عروسة ليا شهرين بس :)

وعلى فكرة .. انا اسمي مس ناظر مش نزار ... :)

وشكرا ليكي مرة تااااانية .. ما انحرم منك حبيبتي

مساااااااااااء الخير
والله انكم وناسه
غبت عنكم يوم واحد ووحشتني سواليفكم

كيففكم

هلا يارب سهل
ترى القرقرة وناسه وتسليه >>>للناس الفاضيه مثلي
الله يسهلك امورك ومشكورة عالتواصل

هلا نور امل
بعطيك 10 كيلو من وزني ولو تبغي 15 وتراها لحم حلال ههههههه
نفسي ينقص وزني
اول ماجيت استراليا خفت بطني شويه لانه ماكان عندنا سيارة اما دحين استدليت على كريسبي كريم عنده دونات حلال مرة تجنن خصوصا المحشوة بالكرز امممممممممممممم <<<اشتهيتها
<<<<قال بنزل وزني قال ههههههههههه

هلا ام نسيبه وملبورون وبرد الهجير وسمسم اسعد الله ايامكن

كيفك cold
ترى حالي من نفس حالك
لو لقيتي حل بلغيني وينولك الاجر ان شاءالله

حمدلله على سلامتك miss nazer

الله يحفظكم من كل شر


دعواتكن امر في حالة طفش رهيبه ونفسي ارجع لبلدي
تهئ تهئ
الله يهون علينا يااااااااااارب

ام نسيبة عارفة المشي حلو خاصة هنا لكن مين يتحرك يدوب اقوم الحق الدوام في الصباح ولا ارجع الا متأخر بس اليوم طنشته قلت يابنت كبري المخدة واهجدي لو استغليت وقت الصباح ! اخخخخخخ بس
اما سالفة الحلويات مقاطعتها من فترة مثلك اخاف من الخنزير
وبعدين وشو هذي حلاوة بيبسي كولا ؟معليش ماعندي فكرة
مشكورة خيتو على النصيحة بحاول بس في الويكند

نور امل على الاقل اختك عندها حماس ماشاء الله تمشي ساعتين لكن انا يدوب 5 دقائق وبعد الخمس دقائق هذي اللي قطعت نفسي عشانها اخربها بالاكل

مس ناظر الحمد لله على سلامتكم وانتبهوا لاتنسون تقفلون الباب وطريقة تصميم الشقة مرة مو زين خاصة انها دور ارضي اذا فيه امكانية تغيرونها يكون افضل لسلامتكم الله يعينكم

رفال كيفك ان شاء الله بخير عندك مجال تنزلين من وزنك بما انك جالسة ليه ماتشتركين في نادي فيه بنات مشتركين دوري لك نادي نسائي جنبكم والله يبعد عنك الملل والطفش
خذي لك كورس في معهد نسيبة وترا عندهم حضانة يعني تدرسين وعيالك جنبك منها تتسلين ومنها تستفيدين لغة الى ان يفرجها الله