السلام عليكم اهليين بنوتات كيفكم

ام نسيبه والله فيه اشياء كثيره عندهم ودي اخذها للسعوديه >> عاد تصدقين اليوم متكلميين عن الاشياء هذي انا وبعلي

اول شي غرف التغيير حقت الاطفال بالسعوديه مافيه الا نادر وتلاقين دورات المياه حقت الحريم ملياانه بامبرز الله يكرمكم

وكمان مكاين صراف هنا مالحظتوا انه مافيه مو مثل السعوديه دلع بالسياره تصرفين >> ماكبر كروشهم الا ذا الشي

والنقطه الاهم والموهم الباصات والقطارات الله يخلف علينا من الزحمه تطلعين قبل الموعد بساعتين

وكمان شوايات الباربكيو في كل مكان بالحدايق تلقينها ياليت عندنا بالسعوديه >>> ولو عندنا ماراح يستفيد منها الا ----

وبعد الخط حق المشاه ماعندنا ممحي من كثر ماتدعس فيه السيارات

والنقطه الاهم من المهم >>> ازعجتكم فيها

التعاااااامل تلاقين اذا حاسبتي لو انك شاريه كيس خبز تجلس تسولف معك وكيف حالك واتمنى لك يوم سعيد اما بالسعوديه يجدع الكيس في وجهك والباقي بعد

وهنا محطات البنزين انتي اللي لازم تعبين مو مثل السعوديه

باختصار هنا كل شي انتي بنفسك تسوينه علشان كذا مافيه احد يشوف نفسه على الثاني

ولكن تبقى السعوديه ارقى من ناحية المباني والبيوت يكفي ان فيها اهلي >>>> خخخخخخخ فرحااانه توها مكلمه امها

ام نسيبه شكلها اخذتني الحميه على قولتك



وش اخبار البنات ماودي اقول اسامي >> اصلا ماحفظتها وتصرف:D

الله يخليلي زوجي شخبارك عساك بخير الله يسهل لك دراستك ويسهلي ياارب

حبيت اطل عليكم واسلم عليكم كلكم فردا فردا ونفرا نفرا

موفقين يااارب

ماتدخل المنتدى واذا دخلت كثرت بربرتها(( حكيها ))

السلام عليكم اخواتي الكريمات
بصراحه عندنا مشورع ابتعاث لزوجي لمدينه ارميدالي في استراليا وابي معلومات عنها لان عندي بنتين بدخلهم مدرسه هل فيه مدارس عربيه وافكر ادور لي وظيفه هناك كان فيه مدارس عربيه وانا تخصص اقتصادمنزلي وتربيه فنيه هل اقدر اتوظف ولا لا وابي معلومات من ناحيه جوها والسكن فيها وهل فيها عرب ولا لا..

هلا الجودي
انا ماعرف هالمدينه

بس حبيت ارحب فيكي
بس عندي سؤال
ليش ماتكملي دراستك مادام انك خريجة بكالوريوس؟؟وبناتك ودك تدخليهم المدرسة!

الله يوفقك يارب