انا داخلة بيوزر اختي عندكم بعالم حواء:
المهم انا طالبه رياضيات كليه التربيه بالرياض وماسكة ثالث متوسط
:
بقولكم حركه مثلاً العلوم او حتى الرياضيات يسوونها بحصة التمارين قفص طيور وحطي قش فيه من المكتبه تلقينه وحطي بيض كندر (حلاوة) وملصق فيها السؤال واذا جاوبت هالسؤال عطيها الحلاوة الكندر
طبعا القفص فيه طيور لعبة يابنات:
العلوم يقدرون يسوونها بس احنا بحصص الرياضيات
سوي لهم منهي فراشة الفصل اليوم........... منهي نشيطه الفصل......منهي ستار الفصل؟؟
والي جمعت هذا اللقب اكثر من 3 مرات لها جائزة مثلاً..
انا وزعت لهم ورقه وطويتها بشريطه عن حفل زواج للرياضيات الاشكال الرباعيه تزوج ومدري كيفه وحضرت متباينه هانم بلباس فخم من محلات الجبر جاليري يعني شيء طويل انبسطو عليه بعد ماحلو التطبيق قلت انا عازمتكم على زواج فرحو انبسطو يحسبونه حقيقه المهبل
اهم شيء التعزيز قولي لهم من الرائعه الي تجاوب على هالسؤال
من المبدعه من حفيده الخوارزمي من من انفخي رؤؤسهم شوي
سوي لهم اللوحة الضوئيه
حطي لهم مقارنه صلي وحطي دبابيس وخيوط وهم يوصلونها
الجوائز عطيهو ورود انبسطو عليهم يوم عطيتهم
عطيهم شيكات
شيك مصدق
يصرف للطالبة....... من البنك المدرسي( المقصف)
انبسطو على حركه الشيك
الحين ابي فكرة احطي لهم التطبيق عليها طفشت من تصوير الاوراق وطباعتها ابي شيء حلو وغريب
اختكم
والله الموفق
انا داخلة بيوزر اختي عندكم بعالم حواء:
المهم انا طالبه رياضيات كليه التربيه بالرياض وماسكة...
بغيت افيدكم يالحلوات
اولا: التعامل مع الادارة والمدرسات والطالبات
رسمـــــــــــــــــــــــــــــــــــــــــــي جــــــــــــــــــــــدا
وخلي بينك وبينهم حواجز كثيــــــــــــــر
وفي حالة سمعتي مايضايقك من احدى الطالبات..فاسكتي ولاكأنك سمعتي الكلمة..لأن بعض البنات قويات وممكن ترد عليك الكلمة بعشــــــــر!
وبالنسبة لطرق لجذبهــــم فلا يوجـــــــــــــد!!
لأن اغلب الطالبات لاتريد الدراسه وماعندها هدف من دراستها
والاغلبيه يكررون: مافي وظايف اذن ليش ندرس!!!
لكن وصلي لهم فكـــــــرة..انك معلمة مثل بقية المعلمات الاساسيات وان كل مالديك هو مادة علمية تريدين ايصالها لهم وفقـــــط
اذا شفتي تصرف غير لائق من طالبة او سمعتي كلمة غير لائقه من احداهن..فـ غضـــــــي الطرف ماكأن شيء صار
لكن لو زودتها..فذكريها بالله
مثال:
مره احدى طالباتي كانت تصدر صوت مزعج مثل صوت الصراصير:eek:
طبعا كنت اشرح لذلك طنشتها
ومع طناشي..زادت البنت صوتها
حاولت اعرف من هي ومااااقدرت..لأني كنت معهن في المعمل (وليس الفصل)
وبعدها اوقفت الشرح وبدأت احلَف البنات ولاوحدة حلفت!!
في النهاية بعد مايأست وتعبت نفسيتي..قلت لهم: اسمعوا يابنات..أنا مااعرف هالبنت اللي تصدر هذي الاصوات
لكن يكفي ان ربــــــــــــــــي يعرفهــــــــــــا
وانا اشهدكم واشهد الله قبلكم اني ماراح اسامحهـــــــــــا ابدا
وربي يعاقبها في لسانها هذا اللي تزعجنا به بغير وجه حــــــق!!
والله العظيم من يوم قلت هذا الكلام كل وجيههم تغيــــــــــــــــرت!!
والكل قام يستغفر وقالوا لي: ابلة مايجوز تدعين على مسلم
قلت لهم: انا مظلومة..ومابين الله ودعوة المظلوم حاجز
وبعدهـــــــــــــــــــــــــــــا ماسمعت ولاصوت مزعج في الحصـــــــة
وفي نهاية الحصة طلعت البنت اللي اصدرت الصوت المزعج وتأسفــــــــت واخذت منها وعد ماعاد تكرر مثل هذي التصرفات..وسامحتها طبعا
وبعدها ماسمعت اي صوت مزعج
والامثله مثل هذي كثير.. بس كنت احاول في كل موقف يزعجني اذكرهم بالله وانهم ظالمات..واذكرهم بأن الظلم ظلمات. او اذكرهم بأني راح ادعي عليهم <<ماعمري دعيت عليهم وبالعكس كنت ادعي لهم بالهداية..بس كنت اقول كذا من باب التخويف
وكنت انهي كل حصة بقصة مفيـــــده او عبارة او حكمه او قصـــــة طريفــــــة او معلومة مفيده او حديث ترغيب او تهديد
وكنت احب اتكلم عن الاعجاز العلمي..خاصة ان قسمي علمي.. وكانوا دائما يسألوني: ابله ايش فايدة ندرس هذي المادة؟؟<<مادتي
وارد عليهم بأن كثير من العلماء اسلموا بسبب الاعجاز العلمي واعطيهم امثله
وكنت اكتب هالاشياء اللي اقولها بالتحضير كهدف وجداني
وفي نفس الوقت احتسب فيها الاجر من الله..لأنها طريقه بسيـــــــــطة جدا من طرق الدعوة
شكلك الخارجي (اللبس - المكياج - التسريحة):
لازم شكلك يكــــــــــــــون عملـــــــي
وابتعدي عن التساريح اللي فيها بهرجه..لأنك قدوة لطالبات في عمر المراهقه وبالتالي ممكن يقتدون بك..
ولأن طالبات الثانوي يستهزأوووووووون بأي شيء ملفت غريب
اما المكياج يكون مكياج صباحي بسيـــــــــــط جدا
وسايل مساعدة:
احسن الوسائل التعليمية المفيده هي عروض البوربوينت..بشرط ان تكون عروض شيقه وجذابة من ناحية الالوان والصور
وفيه مواقع كثير ممكن تفيدكم في هالعروض مثل المواقع التعليميه
وفيه هذا الموقع فيه كم هائـــــــــــــــــل من العروض
http://www.fadhaa.com/vb/showthread.php?t=58410
وبالنسبة للهدايا..فأظن طالبات الثانوي يفضلون شهادات التقدير اكثر من بقية الهدايا
والآ فيه شهادات تقدير تباع في المكتبات بأشكال رائعــــــــــــــــة
وممكن من الهدايا المفيده والجميلة والمناسبة لعمر مثل اعمارهم.. كتب او كتيبات فيها قصص واقعيه
او حكم
او اي شيء نافع علمي ثقافي او ديني
نصيحــــــة اخرى
لاتعتمدين على الادراة او معلمة معينه في تخويف الفصل..حتى لايحسون انك ضعيفـــــة ويستغلون ضعفك
واي كلمة او سؤال مزعج صادر من الطالبات..فاطنشيـــــــــــــها ولاتردين بأي شيء
وفي النهاية فيه موقعين مفيــــــــــــــــد جــــــــــدا لقسم الفيزياء وقسم الانجليزي
(( ملتقى الفيزيائيين العرب ))
(( منتديات سعودي انجليش ))
امممممممممم بس هذا كل ماعندي.. واللي تبغى اي شيء ثاني فأنا في الخدمه
واللي تبغى شيء مستعجل ترسل لي خاص..لأني يمكن ماادخل هنا كثير
ولاتنسونــــــــــــــــــي من دعواتكم
وبالتوفيـــــــــــــق:26: