اسلام عليكم جميعا..ودي اصبغ بيتي لون واحد الجبس كله ابيض..وش اختار لون الجدران..انا احب لون الترابي وبناخذ من جونتن

أم غلا شوفي ذا ..




أو أطلبي يسوون لك عينات من الالوان اللي عاجبتك ..

والله جربت الزيت يا أم الخمائل اي شي يجي في بالكم سويته مافاد اشتريت من ستي ماكس مفارش صغيره معينات وحطيتها على الرخامه من باب الزينه ولا احد بيركز في بهتان الرخامه
وترى الاضاءه الصفراء تعطي شكل وتقلل من لون الرخام المبهت

سهام عيوني رخامة مطبخي صناعي لو ترجعين شوي للخلف بتحصلين صورة مطبخي وركزي في لون الرخامه لونها حلو بس اللمعان حلو للرخام انا اختفى عندي صار مبهت مشهب

هلابك ياحره على كف صقار نورتي الملف والملف انور بك
انا من المعجبات بمواضيعك في كل مجال بمجرد ما اشوف معرفك لازم ادخله .....
وأنا ادري انك تقصدين الالوان الفاتحه حلو ويعلم الله ما اقصدك بكلامي عندك اهلي دوبهم سكنوا فلتهم الله يجعله سكن هنا وراحه لهم حاولت فيهم يخلونه من درجات البيج واخترت لهم رقم كان نفسي يكون في بيتي لكن اخوي رفض هو المسؤول عن بناءه نفس المقاول ابوي واخوي المسؤول عنهم ورفض اللون واختار للبيت كله الدهان الرخامي السكري معا انه غالي مره والدهانات الساده ارخص منه بكثير
المهم امي رفضت واختي ان غرف نومهم تكون رخاميه خلو دهاناتهم نفس رقم بوية جوتن وصارت غرفة أمي وغرفة اختي وغرفة الشغاله وغرفه خاصه لنا اذا جينا لهم كلها بيج ويا حلاتها والاجباس ابيض والله انها افضل من الرخام وامي تقول نفسي اني لزمت تكون البويه كلها ساده لكن ربي من اول كاتبها لهم
فانا معك شوفي الشقه اللي انا فيها تابعه لعمل زوجي لون بوية غرفتي اورنج والدواليب بني محروق ولاباس وباقي الشقه ترابي
ومجلس الرجال حليبي واعجبتني كلها مافيه تباعد بينها بس غرفتي ضاربه بس عادي تتقفل
وشرفتي منتدى الديكور با أكمله
وماشاءالله عندك خبره في مجال الديكور من ردودك ربي يبارك فيك ويسهل لكم واشوف بيتك وانتي تنزلين صوره....
...--------------.....
وبالنسبه للتنر هو اللي فاتني ما جربته بجربه بعد اسبوع بنسافر لم الجنوب باذن الله واوعدك ارد عليكم بعد التجربه