مساء الخير ياحوائيات ..
انا في مرحلة تاسيس الكهربا ..عندي سؤال كيف تاسيس السباكة بالنسبة لغسالة الاتوماتيك ماعندي اي خبرة فيها واتمنى تفيدوني ..هل اسوي تصريف ومويا بس ولا لازم اشياء ثانية ضرورية 
لا تبخلون بتجاربكم خاصة اللي عندهم غسالة اتوماتيك كيف صلحوا السباكة تبعها 
وجزاكم الله خير ..

تاهت مساراتي ..
شوفي انا كنت مثلك اسمع مدح ناس بالاتوماتيك
اقول باشتريها اسمع ذم ناس اقول ماتسوى ولاتستاهل قيمتها ..
بالاخير استخرت ربي واشتريتها ولاندمت لحظة عليها الحمدلله ..
غسالتي نوعها LG 15 كيلو ..فتحه علويه ..
والمنظف انا مااستخدم الا اريال ..

لقيت ناس كثير تذمها وتقولك وسخه وماتنظف وبالاخير طلعت تستخدم اردى نوع بالمنظفات ..!

ولقيت ناس تختار نوعية غسيل سريعه وماتناسب درجة الوسخ اللي بملابسهم وتذم الاتوماتيك تقولك ماتنظف !


انا شخصيا نوع الغسيل اختار جينز حتى لو كان للملابس البيضاء لانه نظام كويس بالتنظيف وتدعك فيه الملابس كويس ..واختار احيانا بنقع اذا فيها ملابس وسخه زياده ..اخليها ع 40 دقيقه ..
ونظامها سهل ، نوع التحكم لمس والتعليمات مكتوبه عربي وانجلش ..

والوالده عندها وليرلبول ..بعامود ..النوع القديم موجات ..نظام التحكم بسيط ولافيها انظمه متعدده زي LG
تنظيفها افضل من LG لكن عيبها تبهذل الملابس مررره ..علشان العامود اللي بالوسط ..


وواحده من الاهل عندها سامسونج فتحه علويه ..
تمدحها كمان بالتنظيف ونظامها حلو وموبعيد عن ال LG ...


طبعا الغساله العاديه ماتستغني عنها للاشياء اللي تبين لها غسيل خفيف او غسيل ثقيل مرره زي مناشف المطبخ مثلا ..!


وسلامتك ي الطيبه ..

ام اسومه غسالة الملابس الاتوماتيك
تحتاج تمديد ماء حار وبارد ..وماسوره تصريف مثبته بالجدار بطول 50 سم ..وخط كهرباء 220

وغسالة الصحون تحتاج تمديد ماء عادي مب لازم حار لانها هي تسخن ..وخط كهرباء 220 وماسورة تصريف مثبته بالجدار بمستوى ملائم لها ..

وسلامتك يالطيبه

ام اسومه غسالة الملابس الاتوماتيك
تحتاج تمديد ماء حار وبارد ..وماسوره تصريف مثبته بالجدار بطول 50 سم ..وخط كهرباء 220

وغسالة الصحون تحتاج تمديد ماء عادي مب لازم حار لانها هي تسخن ..وخط كهرباء 220 وماسورة تصريف مثبته بالجدار بمستوى ملائم لها ..

وسلامتك يالطيبه

اسرع من الريح تسلمييين ي قلبي ..