حره السباك الله يسامحه حط المكيفات الاسبلت كلها في جدار واحد عرض الجدار 8م وفيه شباكين كل شباك 80سم  وماعجبني 
تمنيت اغير المكان بس يقول مافيه من الاساس تاسيس للمكيف غير في هذه الجهه  

يامرحبا واللله بالغاليات وحشتوني كثير وقفنا شغل وحاليا رجعنا ورجع التفكير والحسابات دحين جالسه اسوي تصميم مبدئ للمطبخ
بس احترت بمساحة غسالة المواعين والثلاجه وعرض الدولاب نفسه كم وافرن الكهرباءي كم عرضه وطوله و بعد ابغي اعرف حلو يكون عيون الغاز على الجزيره او بزاويه او بواجهة المطبخ انا مطبخي مفتوح وبعد سلمكم الله حلو مطبخ مفتوح وجزيرة ولا زحمه مطبخي حجمة3ونص في خمسه بالطول جاي لو وحده اها خبره بالمطابخ تسوي لي تصميم اكون لها من الشاكرين

ام اسومه لاتشلي هم دام الشباكين مو كبار لاتخافي بيطلعون تمام ..

لفلي قيرل ..للاسف ماعندي صور ..
ان شاء الله البنات يساعدوك ..


روح الورد ..
شوفي بخصوص المطبخ ماادري احس مساحة مطبخك ماتساعد تسوي جزيره ..اخاف تضيق عليك مكان الحركة ..؟؟
البوتوجاز ماانصحك تحطيه ع الجزيرة خطر جدا ع الاطفال ..
غسالة الصحون اظن ان ماخانتني الذاكره انها 67 سم ..عمق الدواليب بالمطابخ العادة يكون 60 سم ..

البتوجازات تختلف مساحاتها حسب الشركة اللي راح تركبي منها ..بتوجازي جنرال 76 سم ..وارستون 90 ولقيت 80 من شركة ثانيه نسيت اسمها ..وانتبهي لتوزيع الافياش بالمطبخ انها ماتكون بمنطقة مغطاه بدواليب او تكون بعيده عن الاجهزه المخصصه لها ..الفرن الكهربائي ، البتوجاز الكهربائي ، القلايه ، الشوايه ، الفلتر ، البراده ..غسالة الصحون ..الفريزر ، الثلاجة ،الخ

تصميم المطبخ يعتمد بالاساس ع ميزانيتك ثم الديزاين اللي تبغيه ..
تبغيه مودرن او كلاسيك ؟ ..دواليب علويه وسفليه؟ او اكثره علوي؟ ..او اكثره سفلي ؟
او دواليب كامله متصله بدون رخام ؟ وتسوي منطقة عمل بالوسط من الرخام ؟
وكيف توزيع الشبابيك بمطبخك والشفاط والمغسله ؟
البتوجاز حقك كيف تبغيه الكامل المتصل ؟ او منفصل؟ كم مساحته 90 سم او 60سم او 76 سم؟
تبغي الفرن بزاويه ؟ او المغسله بزاويه ؟ او سطح الغاز بزاويه ؟
هل مطبخك هذا هو الاساسي ببيتك او عندك مطبخ اساسي وهذا تحضيري وحق الدلع ؟ اذا كان مطبخ تحضيري بيكون دواليب بسيطة وتغلب عليه الناحيه الجمالية اكثر من الفعالية ..!
طبعا هالاسئلة هاللي بتخليك تصممي بنفسك احلى ديزاين لمطبخك ..
وبطريقه مختلفه جدا عن المعتاد وبتستفيدي من كل زاوية فيه وخزانه ..
اخر نقطة المحل اللي قررتي تفصلي عنده يحكم كل اختياراتك ويقيدك ..
احيانا تختاري فكرة او تبتكري فكره المحل يعارضك ع تنفيذها لانه امكانياته بالتفصيل ماوصلت للحد اللي يقدر ينفذها لك ..


فأول شيء انصحك تسويه خذي لفة عالمحلات بمنطقتكم..
وشوفي ايش افكارهم بالمعروض فقط مب لازم تطلبي تصميم المهم تعرفي اسعارهم ..؟ وكيف يحسبو عليك المتر ؟؟
لانه مهما درنا ولفينا وصممنا بالاخير السعر بيحكمنا اولا واخيرا ويخلينا نتنازل عن اشياء كثيييييره وقت التفصيل ...وهذا يخرب عليك التأسيس اللي سويتيه بالمطبخ ويخسرك اشياء كثيرة ..!!


وتقدري تدخلي مواقع المطابخ ع الانترنت ..
العليان ، شبكة المطابخ ، وردة الفنون، العيدروس ..
كافكو ، ومحلات كثيرة لهم مواقع عالنت شوفي الصور وع اساسها قرري ..


ولاتعتمدي ع تصميم المحلات ..ولاعلى افكارهم ..
هو مندوب مبيعات بالاول والاخير هدفه يزود نسبة عمولته من المحل ويدخل لهم ارباح ويركب لك اكبر قدر من الخزائن سواء كنتي تحتاجيها او لا ...لها معنى او لا ..

يعطيك العافية كفيتي و وفيتي 


حددت اشياء كثيره 


بسألك عن الاضاءة زوجي مايبغي السبوت لايت اضن اسمها كذا وانا ماابغي القلم حقت الطيبين في حل وسط 

بنااااااات حواء :44:
ساعدوني والله حوووووووسة وتعب وهم وحييييرة


كله من البوياااات وهمها

ودنا احد فاااهم وجرب الأصباغ تنزل تجربتها

وش الأصباغ الجديدة ؟
وش الأحسن جوته او الجزيرة ؟وشو الفرق بينهم ؟
ياليت صوور بالأسماء والارقااام

والله احس نفسي بأصيييح :icon33::icon33: