يعطيك العافيه اختي فكتوريا افكار راءعه . بالنسبه لي للغداء افضل اطلع اغراضه بدري واجهز الكشنه وانقع الرز واغطي ع كل شيء وانا اجهز الفطور . هالنقطه ريحتني لاني بالعاده اتحمم الظهر واروح اسوي الغداء فتمسك ريحه الطبخ بشعري كذا مافيه ريحه ، ملابس زوجي دايم العصر غسيل وكوي طبعا هذول حقات اليوم الثاني وارتاح ، اللي زوجها مايتعبها تكوي ملابسه كلها وتعلقها بالكبت يصير ترتاح باقي الايام انا لو يحصلهم مكويات كلهم لبسهم بيوم واحد ههههههه فيه فكره وحده من الخوات اعجبتني. تحط مويا وكمفورت ونقط دهن عود وتكوي فيها ملابس زوجها وجاري تطبيقها ان شاء الله ،

تذكرت شغله كرتون الدجاج اول ماتجيبيه طبعا مبرد مو جامد افرزي الدجاج مثلا الي شوي قصيها بالنص ، الكبسه تقطعينها 8 قطع ، للبروست 8 قطع بالجلد كل نص الى اربع قطع، للايدامات والشوربات تقطيع صغير . وتحطيها باكياس اللحم بالفريزر ترتاحين باقي الايام ''' الملوخيه كانت امي تجيبها نغسلها ونقطع الورق حبه حبه بعدين نجففها ونعبيها بعلبه تصير تقعد شهور اذا احتجتيها بس تطحنينها بيدك ، طعمها مايتغير .

الفائدة كل الفائدة في الاستعانه بالله و قومة الصبح
قبل حملي كنت اقوم لصلاة الفجر اصلي و ما ارجع غرفة النوم
امر ع المطبخ ارتب المواعين النظيفه بالدولاب اطلع لحمتي
و اذا فيه غسيل حطيته بالغساله
بعدها افطر و اجهز السلطة للغدا و كل شي اوسخه اغسله
بعدها انزل الغسيل شطف و عصر و انشره
اصلي الضحى و انام للظهر اقوم اصلي و اطبخ الغدا
استحم احمم ولدي و العصر نتغدى ما يكون عندي شغل كثير
الغسيل الاربعاء
الكوي الخميس و الجمعه اجازة من الشغل العميق
بس مع الحمل كسسسسلت و خمول وحم ثقيل الله يعديها على خير
تلخبط كل جدولي الله المستعان

فكتوريا


حبيبتى الجدول باول صفحة هالاسبوع غرفة الاطفال


ماشاء الله عليكى وعالبنات فى افكاركم الحلوة مفيدة ومشجعة وفعلا تختصر الوقت


بالنسبة لى احاول كل شئ اول باول على قد مااقدر
الشغل موزع بينى وبين البنات وابوهم انا غرفتى والمطبخ والحمامات والغسيل
والترتيب الصباحى والعميق للبيت والمواعين
زوجى ممكن يرفع الاطباق ويطلع الزبالة اكرمكم الله ومسئول عن دولابه واغراضه
حاطه بالحمام بخاخة فيها منظف وبخاخة ديتول مع ماء وفرشاة بس كم بخة وفرك
بالفرشاة وكله تمام
تخطيط لاكلات الاسبوع وتجهيز اللازم وشراء الخضار والمونة اسبوعيا وتوضيبهم
مع فرزنت بعضهم مع فرزنته الدجاج واللحم بطرقه المختلفة
اثناء تحضير الغدا انظف الرخامة واجمع المواعين بالحوض وانظف علب البهارات مالخارج
وجز من الدواليب او الثلاجة تنظيف سريع
عندى فوط للتنظيف بالوان مختلفةلون للمطبخ ولون للتلميع ولون للفرن ولون لمسح الارضية
مع استخدام مناديل المطبخ اكثر توفير للوقت والجهد
عندى بخاخة بالمطبخ بها منظف وكلوركس وماء واخرى ماء وخل وقليل من البريل للتلميع
استخدام القفازات عند غسيل المواعين ودهن اليدين بكريم مرطب قبلها
ترتيب ادوات المطبخ والمونة بطريقة تسهل الاستخدام مثلا بجانب الفرن دولاب القدور والصوانى
وخلافه وفوقه علب البهارات والملح والزيت والخل والملاعق الخشب
عندى باسكت صغير استخدمه عند توضيب الخضروات ولبواقى الاكل وبس يتملى ارسله للجيران
عندهم طيور
سطل المسيح اجهزه قبل التنضيف بماء ومطهر مع ادوات التنضيف والمكنسة الكهربائية
لتنظيف المكنسة افضى الكيس مرة كل اسبوع بكيس الزبالة واستخدم فرشاة صغيرة جدا
واغسله مرة بالشهر بطريقة ياشين الغربة الله يسعدها
عندى درج كبير بدولاب الضيوف نسميه درج الطوارئ نجمع فيه اى غرض بطريقنا وقت الاستعجال
فرش مفرش قديم بالصالة بعد التنضيف اليومى وجلستنا وقبل النوم نرفعها وننفضها

انجازاتى الاسبوع الماضى


انتهيت من غرفتى وبطاطينا وجزء من دولاب البنات ودرج الخضار ودولاب المونة بالمطبخ
اليوم غسلت ابواب وارضية البلكونات ونظفت حمامنا والمطبخ تنظيف مميز مع غسيل اخردفعة فى
ملابس الشتا وغيرت شراشف البنات وغسلتهم مع ترتيب غرفتهم لانشغالهم بالامتحانات