الحمدالله انا مرتاحه مع ماكينتي وربي يديمها معي ويطول بعمرها ويفكني من خراباتها
وصايره كل يوم اسوي لي شي فيها بدل قعده التلفزيون

جبت لي علبه من كارفور كبيره خبيت فيها اغراض الكروشيه والخياطه بدل الاكياس
فالبدايه خيطت ثوب عادي لاختي الصغيره وكان زوين ما عليه

واليوم اللي بعده اعتقد جهزت لي طاوله وكرسي ظهري تكسر من قعده الارض من اول ثوب
وسويت فستان لاختي الصغيره بعد التعب وطلعه الروح طلع الفستان ما يدخل وكان اول فستان لي بحياتي
كانه قياس بيبي حق سنه او شهور حتى امي ربي يحفظها قالت خبيه لبنتج << لين وقتها بتتغير الموضه
ع العموم امممن وبعدها خلوني اذكر شو سويت ....
ايه سويت غطاء للمكينه جربت اسويها بقماش استرج طلعت مهدله وشكلها دمااار مابلعتها قمت رجعت وسويت ثانيه بقماش ثاني طلع شكله جنااااااان ولله الحمد

واخر اعمالي كان عندي جلابيه بديت اقصقصها واصغرها لاختي وبعد التعب طلع ضيق للاسف
قمت صغرته زايده وخليته لاختي الصغيرونه وسويت لها بعد منه شباصه

والحمدالله احاول كل يوم اسوي شي جديد ويكفيني شي واحد باليوم

اكثر غلطه ارتكبها للاسف اني اخيط القماش بالمقلوب
او اركب قطعتين صح ووحده مقلوبه اكثر من مره هذا اللي يجنني وافكهاوارجع اركبها غلط


نقاط ضعفي القياس وتطبيقه اغلب الاوقات يصير ضيق
وغير كذا الثوب من برى مرتب بس من داخل حالته حاله لاني ماعرفت اسوي اوفر لك بالزقزاق وطقته

بس هذي قصتي
 

مين من مكة وتقدر تعلمني

انا احب الخياطه كثيير وقريب ان شاء الله انز لكم موديل بسييط بصور من بداية رسم الموديل الى خياطته ..

السلام عليكم اخواتي انا نفسي اعلمكم بس دخولي للنت قليل عندي مسؤليات البيت والعيال يعني ما اقدر لكن فيالبيت اعلم دورات لو حبيتم راسلوني انا في جده

انا احب الخياطة والتصميم من صغري بس ماتنفع الموهبة من غير دراسةضروري تنموا موهبتكم وتدرسوا انا معي دبلوم تصميم وخياطة بس فيه مواقع استفدت منها اكثر من إلي درست واسم المواقع أكاديمية بنت مفيد ومنتدى ساكنة الجبل هذي الموقعين روعة لاتنسوني من دعواتكم