عاسلامة اشنحوالكم, um chaima ماعادش تغيب علينا, سارة اشنحوالك توة لباس؟ اشنوة الصندل عندوش اسم اخر, بالنسبة للمسام شد عندك, كان وجهك مزيت اعمل ماسك طفل (طين اخضر, argile) مرة فالجمعة و داوم على ماسك ابيض لعظم فيه شوية قارص(ابيض بيض+ ليمون) يلم المسام اما داوم عليه يحبلو وقت و ما تكثرش مالتعرض للبخار سوى فالدوش و الا كيف تطيب هذاكة الي يحل المسام, om raed يعطيك الصحة على الوصفات اما قلي منين نجيب حليب غبرة في تونس متاع البيبيات الي في الpharmacie غالي و مايهونش :) علاش ما يجيش بالسائل, حقة فكرتني الباروق بالحق في الخليج اسمو سفيداب و الا حاجة اخرى السفيداب,
كنوزة اشنحوالك,
اسمع عاود ارجعلهم و داوم عليهم راهو اللهوة تحب الدوام و كان عطاوك نتيجة باهية قلي ناخو منهم en + راك خذيتهم بهاك الحسبة, حقة قلي منين جبتو زيت الحية قريت عليه و اش عملك بالضبط,
v-i-p merci pour les conseils presieuses je vai les essayer :26: :26:
امة الله وين غبت؟
بدر البدور يعطيك الصحة على تواصلك و هذي ليك:26:

bnt-tounes : اهلا بيك عزيزتي ......... ما عادش تغيب انت زادا، نقعدوش تجي وحدة تهرب الاخرى

les soins de la peau : j'adore لكن عمري ما نداوم ........ كل مرة نقول المرة هاذي باش نشد صحيح ............ الله غالب فيسع نقلق
زيت الحية : قريت في المنتدى النساء الكل يمدحو فيه ....... جبتو من ليبيا : موش اللي حاطين تصويرتو اما نوع اخر البايع شكرهولي وما قصرش : هذا on dirais sérum وباهي، المرة الجاية ان شاء الله باش نجيب ال dermacol كان لقيتو ........ عامل ضجة في العروض التجارية في برشة منتديات : هذا كريم اساس يقولو عليه عجيب .........

-------------------

بالمناسبة البنات ................. اللي تحب توصي على حاجة من توا : ان شاء الله مسافرة نهار 5 ماي

والله يا بنت تونس انك عسوووولة..أصلا هذا الموضوع بفضل الله وبفضلك..طبعا أنا الطين ما عنديش أما تو نحاول نوصي يجيني من تونس..وبقية النصايح انشالله نطبقها..
كنزة ..تمشي و ترجع بألف سلامة..الله يحفظك في حلك وترحالك..
أم شيما ..نورتي الموضوع..ما لنا غنى عنك يا غالية...هيا ادخل علينا بنصايحك الحلوة..
إيه بالنسبة للصندل وراس أختي أول ما نهبط لتونس أنا و الا راجلي نبعث لك منه..

صباح الخير يا نوارات

سروورة : يعيشك على الدعوة الطيبة ........ ربي يفضلك.

بالنسبة للطين الأخضر : مرة اخت راجلي تحكيلي عندهم جبل في القيروان (بلادهم) الكلو طين اخضر هذاكة اللي يبيعو فيه ......... كي تقرب باش تروح لتونس ............ اعلمني تو نوصيها تجبلك نصيب من الجبل طول يبدا فرشك ........ اهوكة هز عولتك معاك ......... اما انا ما استعملتوش.

عندي صاحبتي خوها يعيش في بلجيكيا ......... جابلها حكة بو كيلو ماسك بالطين الأخضر ........ عطاتني منو شوية ........ كي جربتو ......... صدقني يهبل ......... جلدتي تكبست ونظافة ........ هاكم ذكرتوني فيه ........ كان هكة تو نسالها على اسمو

إيه يا كنوزة الغالية ما أحلاك الي يحب شي انت ديمة حاضرة ربي يعطيك على قد نيتك يارب و يرزقك رزق حلال طيب من حيث لا تحتسبين..بالنسبة للعلبة الي جابها خوك قولي لنا على اسمها دام نفعتك أكيد حلوة مثلك..وكان أنا في القيروان راني نتمرغ في هالجبل متلاع الطين لين يقولوا هبلت..كاني ناقصة هبال(خخخخ)..هيا وينهم الباقي؟؟ tunisienne وينك عزيزة مشتاقين كلامك العسل ..ربي يخلص وحلك في وقته..