اعيشك اختي بنت تونس والله ضحكتني بمبروك مانزادنا
اختي تونسية نسكن في clychi sous bois 93

وانت وين تسكن اختي تونسية

مسيكم يا نوارات شنوا أحوالكم

بدر البدورالله يعينك على ضروفك :26:

أهلا سرورة كيف عجبوك الملابس كان عندكم خياطات في عمان وريها الموديل و تخيطلك كيفه
أنا نشري القماش من فرنسا و نخيط في تونس
حتى أن كيفك حبيت نقلد الخمارات و ما نجمتش

knouuuuuuuuuuuuuuuuuuuuuuz
توينك راني توخشتك تشبيك تلهث :09:
آش عملوا فيك الليبية :22:
نستناوا فيك حل الفليجات في عقلك و بعد فرقلنا les cadeaux اللي جبتهملنا

oum raed الجبايب هبال يعطيك الصحة
يلزما نحطوا شوية تصاور لغير المتحجباث ربي يهديهم

bnt-tounes ربي يعينك يا كنتي الغالية

أمي خديجة كيف شفت إسمك ضحكت و تفجعت خسبتك حماتي جات خاطر نعيطلها أمي خديجة
ما تغيبش علينا عاد راني كيفك في الغربة في فرنسا

amatou allah وينك اليوم

tunisienne إمش حوس صحة ليك أنا قالقة و زيد الرويجل مروح للتونس أمه مريضة

صباح الخير بنات
شنو حوالكم لباس .
اختي ام شيماء والله ضحكتني كيف قلتي تفجعتي هههههههه انا امي اسمها خديجة وماحبيتش ندخل باسمي علي خاطر فما في النورات اسمي شي قلت ندخل باسم امي .ماتمشيش وين تدخل تنسي اسمي وتتفجع هههه.ربي يشفي حماتك ويرجع راجلك .انت تسكن في باريس حسب كلامك .لو تسكن في باريس في اي مكان?
الغربة مرات تكون باهية ومرات لا اني سداق اختي كان الاحد اللي فات وماكتبش باش نحضر .
اني طولت في الهدرت هي ان شاء الله نرجع بعد
بسلامة

صباح الخير يا نوارات ........

هيا باهي كي طلعت عندي وحشة عندكم ........... تصدقو وصلت نهار الثلاثاء ال 9 متاع الصباح لتونس وحتى لتوة تاعبة .......... لا منهارة ما عندكمش فكرة قداش.

المهم يا للاواتي الحمد لله جبت الخير والبركة وتبارك الله تقريبا ما عاد عندي شيء خاطر جبت وصايات متاع عايلتي ولوزاتي وصاحباتي في الخدمة ما جبتش الزايد باش نوحل فيه : جبت des ensembles متاع متحجبات lin ومعاهم خماراتهم يهبلو، وجبت quelques sacs soirés و quelques mules et sandales و des jupes à la mode و des ponchos حلوين برشا وزوز فروشات tafeta مطروزين بالعدس وواحد ساتان ............. باهي التفصيل الممل .......... الحاصيلو ملا تنسنيس.

tunisienne : ربي يخلص وحلك اما انا راجلي ما هوش ليبي ....... ضحكتني تي الحكاية الكل مشيت مرتين باش تردوها حكاية توا .......... هيا ادعيو ربي يوفقني.

سرورة : يعيشك وبارك الله فيك على الدعوات وسلملي على صاحبتك الجربية راني عندي ليهم حساسية

بدر البدور : ان شاء الله مبروك الخطوبة وربي يهني.

امي خديجة : انت عاد حكاية خاصة : كي قريت اسمك تذكرت جدتي وشعرة ولا بكيت الله يرحمها توفاة عام 2003 ......... ان شاء الله امك طويلة عمر ............. ومرحبا بيك بين ناسك واماليك.

oum raed : محلاك في التصويرة ................ تي هاك صغرونة ............... برة عاد توا انا و um chaima ترجع تعيطلنا tata والا ................. رد بالك نتغششو عليك.

amatouallah2 : سامحني نسيت اش كتبت باش نعلق .......... اما تذكرتك وحبيت نسللم عليك.

بنت تونس : الله غالب ما سهلش ربي باش نحكيو شوية في البرطابل مرة انت تخدم ومرة انا لاهية تعرف مللي روحت ما ارتحتش بالكل وعربنت على المرا اللي تجيني ياخي خلات بيا رصاتلي انا واختي نقضيو في الدار بغبار الثنية ......... ما هو الناس الكل ما صدقو سمعو بيا جيت ................ عاد جاو هوما حلو الفاليجات وحدهم .......... استحفض على شوية فلوس باش تكللمني بيهم ............ وعلى فكرة محلاهم ال mms متاعك يهبلو ............ امان زيدني منهم ما تنساش.

حويتة يا غالية : انت بالعاني خليتك في الأخر باش نحللي بيك والله توحشتك وتوحشت رسائلنا الخاصة وال msn ان شاء الله نهار الإثنين نعملو قعيدة باهية.......... ( البنات نوصيكم ما تتغششوش .... الكلكم وخياتي ونعزكم يعلم ربي قداش ) اما حويتة وبنت تونس حالات خاصة قربنا برشة لبعضنا وتلفونات ودوالب ........ وهذا هدفنا ان شاء الله نزيدو نتعرفو على بعضنا ونقربو لبعضنا اكثر.

------------------------------------

جربة متاعي انا ................. حتى وحدة ما تكتب عليها حتى كلمة .............. تفاهمنا ؟