السلام عليكم
بنت تونس ربي يبارك فيك:26: انا خايفة نكتب الليستة متع العباد نتصدم :o ما شاء الله العايلة كبيرة و الاحباب و الاصحاب بارشه
راجلي مستحيل يعاوني في الشريان يقلي السنتر كومرسيال فتنة :30: ما ندخللهمش و عندو الحق التصاور يا لطيف كل شي يدخلو فيه مرا عريانه :09:
اانتوما عاونوني لو تنجمو تو نوريكم كل مرة تصويرة مالحاجات الي نخمم فيهم و قولولي رايكم موش تطفيوني عاد :(
انا هالحكاية رديتها قضية اما والله مخي مش يطير:3_3_103: مالتخمام يضهرلي مشكلت كل وحدة مش تروح لبلادها هذه خاصة اول مرة اكثر حاجة خايفة منها لاتصير كلامات و تولي قطيعة رحم و متاهة اخري اذا الكادوات ما تعجبهمش على خاتر صارت حاجات هكا قبل في العيلة وانتوما تعرفو
ربي يسهل و يعافينا من هذا الكل و ما تصيرش مشاكل
حنون ربي يبارك فيك على دعواتك ياربي تكتبلنا حجه و عمره و نمليو عينينا مالكعبة
تواخليني نحلم بروحي قدام الكعبة
يلا تصبحو على خير يابنات :03:
السلام عليكم
الصفحة الأخيرة
اشنحوالكم اش عاملين, حنون يعيشك يا غالية على هالدعوة الغالية آمين ان شاء الله, nannous2005
ان شاء الله ديما فرحانة عزيزة :) بالطبيعة نقبلوك تي الدار دارك غير طل و ما تقطعش,
يسرا ربي معاك اختي و يعينك, ولدك ضحكني ذكرني في خويا لخراني كيف كان صغير كل ما نمشيو لبقعة نقعدو نحاوزو فيه و هو هارب هههه ربي يفضلهولك ان شاء الله, شوف ما تبخلش اكبس روحك خاطرك ماشية و تثقل ربي يتم عليل بالخير donc كان ما تشريش من توة تزيد تبخل اكثر, انتي اعمل ورقة و اكتب اش حاجتك و كان لزم قول لراجلك يعاونك في الشريان, تحياتي :)