ايه ام شيماء عمتي هي حماتي ..هي عمتي وحماتي في نفس الوقت .....نتصور الماكلة التونسية كيف كيف اما ممكن المكونات تختلف شوي ....اني منعرفش انت منين ام شيماء اما حني في قابس الكسكسي نسقوه من الفوق وفي الشمال يخلطوه والخضارة من الفوق ....ام شيماء حني مانجيبوش كسكسي من تونس نشور الصميد هني .......اني مانعرفش شنو معناها نواصر وحلالم اما نسمع باسمهم والهريسة نشروها من هني اما هريسة لبلاد احلي احر اما حني في الماكلة نستعمل لهروس في عوض الفلفل البودر اللي تعملوه في الماكلة .....تعرف لهروس هههه عمتي جابت شوي حلو اما للايام هذي مش لرمضان في رمضان نعمل في الدار ونشرو زلابيا ومخارق وقلب اللوز ةيزيد قريب بحذانا فما تونسي يعمل لحلو .
وفكرتك ان كل يوم في رمضان نقول شنو باش نطيب باهية
تصبح علي خير

السلام عليكم
اهلا بيكم يا نوارات محلاها لمتكم ما تغيبوش عاد
العملية الي عملتها ما نجحتش اما الحمد لله حاسة روحي خير ببارشة وغدوة عندي كونترول اخر ربي يستر
البارح مشيت باحذا صاحبتي جات هي من تونس تفرهدت و بدلت الجو شوية
ما ني نحضر في شي لرمضان ناسيه اصلا انه لازمني نحضر ما فيقتوني كان انتوما تو
قلولي السحور شنو تحظرو فيه انا العادة تكون عندي بسيسة و تمر من تونس اما توا ما عنديش هذوما يمكن التمر نشريووه من هوني اما البسيسة صعيب نلقاها نسيت حتا ما وصيتش عليها من تونس
نخليكم تو لو لقيت وقت نرجعلكم

وعليكم السلام ورحمة الله
اهلا يسورة ربي معاك ويشفيك
كانك علي سحور كيف كنت في لبلاد ناخذ كاس حليب باااااااااااارد هههه والله اني اختي كنا نحط باكو لحليب في بيت الثلج باش يبرد برشة ونشربوه اني بطلت وهي مازالت اما علي محلاه بارد هههه ومعاه ناخد دقلة وواحد براك اما تو تبدل الشي ناخذ ياغورت تقريب وبسكوي حجات خفاف .في درارنا في لبلاد ولا هني كل واحد ياخذ اللي يظهرلا مافمش سحور معين .
بين عليكم لكل تحب لبسيسة اني نحب اللي يعملوها باش يمشو للحج وقبل امي تعملنا وحدة مع اللوز ...اما في دار عمتي تبقي لين تخياب ومايكلوش ....عمتي العام هذا ماجبتش علي خاطر تو تبقي ملوحة نخليكم ان شاء الله نرجع بعد

هاني رجعت اما ماجي حد كنت نقرا في الصفحات الولين قبل مانجي معاكم .......طلع لبنات الكل طار وين الله اعلم ....ام شيماء قداش عندك ذراري ...حتي اني مانا قد بنتك لكبيرة تقريب ....خصارا نسكن مع اهل راجلي وبعيدة عليك باقي راني فدتك بالجيان بحذاك تحبي ولا تقعدي هههههههه كلام وبرا هههههه
نشوف في مواضيعك في الديكور يعطيك الصحة اني نستني امتي نلقي appartement باش تعجبني حاجة نشريها مش نقول مانلقي وين نحطها
ان شاء الله كيف نرجع نلقاكم
بسلامة

ام شيما :26: سامحني اختي مخي موش عليا فيبالي راني كتبت نشكر فيك ياخي توا نقرا نلقى روحي ماكنتبتلك شي ربي يبارك فيك بارشه يكفي اني نلقا عباد تواسيني و حاسة بيا بش نرتاح:)
و ربي يبارك فيكم البنات الكل ما تنساونيش من دعاكم:26:

امي خديجة حتى انا ما نحبهاس البسيسة:09: اما راجلي يحب يتسحر بيها اما انا ما نيش بش نجم نصوم:(

انا في بالي نكمل نلم دبشي قبل رمضان بش نجم نلقا وقت للعبادة على خاتر لازمنا نسلمو دارنا قبل ما نروحو لتونس اما جات هالمرضة في الوسط ربي يعافيكم الكل لتوا ما عملت شي توا ان شاء الله نبدا من غدوه نلم اما ما نظنش بش نجم نكمل كل يوم نقول اليوم نبدا اما نولي نضرب ضربه ونجي في قاع الحانوت هاو مرة الاولاد لازمهم يبدلو الكوش هاو مره لازمهم ياكلوو مره الكبير يضرب خوه:024: نقعد نسكت فيه زيد وليت بوكرش نتحرك بالسيف يوفا النهار وانا ندور في بلاصتي
الي عندها خبرة في اللمان تقلي منين نبدا وكيفاش راني مستصعبه البدو بارشة
يلا نحب تشجيع عاد من و خياتي