السلام عليكم :26:
صباح الفل و الياسمين:26: للنوارات الكل (ميسالش تواالساعة1 اما انا تو قمت مالنوم هذه ميزات الغربة نقوم وقت نحب راجلي يقلي كان كنا في تونس راهي امي طردتك من هاك العام:10_1_103v كان تقوملها 12 )
اشنوة احوالكم اليوم ان شاء الله تكونو ديما لاباس :)
ام شيما مانيش عارفة بش نمشي difinitif لتونس ولا على خاتر راجلي ان شاء الله يكمل يتخرج اخر الشهر هذا و كان ما يلقاش خدمة ميعطيوناش visa اما الي متاكدة منه انو ان شاء الله بعد ما نولد بجمعة نروحو اما نرجع ولا نقعد على طول الله اعلم اما هكا ولا هكا الدار كريتها توفا كيف انا في تونس هذاكا علاش لازمني نلمها و نسلموها قبل ما نمشيو
و femme de menageماعندناش الحق فيها علي خاتر راجلي ما يخدمش
اما الحمد لله انا حاسة روحي لاباس و ربي يبارك في الوقت و كيما قلت انت الشدة في ربي:)
انا حكيتلك قصة حياتي ان شاء الله تكون معرفة طيبة:)
حقا انا راني عشت في تونس العاصمة و نصيفوو نمشيو كلweekend للرفراف تعرفها هي تابعة بنزرت انا روحي وعقلي في هاك البلاصة ولاو يقولولي بنت رفراف موش بنت تونس اما بابا اصلو من صفاقس اما ما نمشيولها كان في العيد الكبير والصغير ولا في عرس قريب

امي خديجة اشنوة بنتك العباد الكل عربنت عليها كان انا حتا انا نعربن عليها ما نيش بش نلقا حما لولدي ناس ملاح كيفك :)
نحبك تستدعانا :7_2_103v: علي مطبقة راهي الطريقة الي عطيتهالي ما فهمتهاش كيفاش تحشيو الخبز
كان تجم صور الطريقة و حطهالنا ---ندلل عليك --- :42: و المقطر تعملوه في قابس ولا انا يعجبني بااااارشة و حتا امي ماتعرفش تعملو
ايا نخليكم توا
السلام عليكم :26:

اهلا يسورة والله ضحكتيني كيف قلتي حتا انا نعربن هههههههههههههههههه ملا زهر عندها وبعد كانا كتبلي ربي ورزقني بالذرية يطلع الكل اولاد خخخخخخخخخخخخخخخ لا هو اختي عربنت كان ولد ولا بنت واختي مازالت كيف عرسة هههههه وعربنت من قبل مانعرس اني .
كيف نكون في تونس تعالي بحذايا نهزك لامي وتعملنا لمطبقة اني ماعمري ماجربتها وعمتي اول مرة تجربها العام هذا .هي الطريقة كيف تعملي لعجينة وتفرديها تعملي في نصفها السوس وترجعي عليها النصف الثاني وهزها بشوي باش ماتتهلكش وتنجمي تفردي لعجينة دائرة وتحطي فوقها السوس وبعد تحطي فوقها دايرة اخري .انت ادعيلي اول مانلقي دار امس راجلي بعث الاوراق وان شاء الله تكتبنا تو نجربها ونبعثلك التصوير .وراني لمقطر منعرفش شنو ...اصفيهولي هههه
صحاليك تنوضي وقت لتحبي اني نوض 9 ونحب نزيد اما لو كان نزيد تقولي عمتي ليوم نذتي مخر ولا وخرتي واني مانحبش نسمعها ههه عندي 3 ايام تقريب نذت 9 و11دقيقة قتلي ليوم وخرتي في نوم هذا الكل و11 دقيقة زايدة خخخخخخخخخخ
يسورة مش البيبي جمعة يكون صغير علي السفر .
بنات تو عربنت تمشوش تشوفوني تبدل رايكم وتو هي بعد ان شاء الله تختار اللي يعجبها خخخخخخخخخخ يسورة انه منهم اولادك هههههههههههه

امي خديجة انا الي يكفيني تكون اخلاق كنتي كيفك الباقي الكل موش مهم الاولاد الزوز كاينهم توامة يشبهو لبعظهم حتى الطبيعة كيفكيف الي جاي الله اعلم كيفاش مش يكون خليها هي تختار شكون كيفها بنتك
سالت الطبيبه قالت موش مشكل السفر ان شاء الله يكون معافى
المقطر كيف الكسكسي اما هو شايح و بالخضرة مقطعة طروف يضهرلي بالبسباس زادة كانت جارتها الله يرحمها تعملو بارشة و تبعثلنا عرفتوشي
ربي يسهللكم وتلقاو دار في اقرب وقت بش تعملي المطبقة راني شاهيتها عالاخر

ان شاء الله يايسورة .........عندنا كسكسي بالبسباس ونسموه كسكسي محكك يكون حار ....شهتيني فيه خخخ وكيف يبدا مع اللبن ....اما اني منعرفش نعملا اما ان شاء الله اول مانعمل دار نسئل امي كيفاش اجي ونعملا ونصورهولك
ماهو انت باش تعملي نت ان شاء الله لو كان بقيتي في تونس باش ماتمشيش وتنسينا

مسيكم بالخير البنات سروره و بنت خدوجة هاكم عاملين عشوية تبارك الله عليكم ناقص كان كويس تاي بالبندق خسارة وصلت في اللآخر
المهم كيف انتم لاباس
نتشرفوا بيك سرورتي و بصفاقس و تونس و رفراف يا رفرافية
شنوة سرورة شبيك تفكلي في كنتي اللطف يا ربي, قداش اعمارهم اولادك ربي يحفضهم ولدي فارس عمره 5 سنين
المطبقة نشريها من عند العرب جزايريين يسميوها المحاجب بنتي تموت عليها
اما رفراف في الصيف نمشيلها ديمة ياسر تعجبني القعدة في العشية مع قهيوة عربي بالزهر نودك و لا نشهيك
اما المقطر يضهرلي الكسكسي بالشبت مش البسباس جارتي من جرجيس تعمله
يسورتي وقتاش تولد ربي يخلص وحلك و يوصله بالسالم من كلامك عرفت وليد خممتش في الاسم
بنت خدوجة حتى انا كيف عرست ما نعرفش نطيب بعد تعلمت ان شاء الله تلقى دار خاطر العيشة مع الحمى القسم على ربي تعس عليك حتى في النوم ربي يهديها توة وقت نومك تتسمى مازلت عروسة