:26: :26: :26: :26: :26: :26: :26:

السلام عليكم ورحمة الله
صباح الخير
اهلا اهلا بكنزة وين هالغيبة خاليتي بلاصة كبيرررررررررة الحمد لله علي رجعتك
ام شيماء شنو حوالك ليوم لباس عليك ان شاء الله نمشي نشوف موضوعك الجديد
يسورة وينك طلي

السلام عليكم
صباح الخير...... اهوكة اليوم قايمة بكري زعمة .......
الحمد لله انا لاباس اما مازلت ما بديت نعمل شي ... اما كان راجلي يقرا في الدار الايام الي فاتو ياخي احتل هو الانترنيت
المهم ام شيما عندي زوز اولاد الكبير اسمه حمزه عمره عام و 10 شهور و الصغير عبد الله عمره 10شهور و مزالولي اسبوعين و نصف و ندخل في شهري ربي يسهل بديت نخاف
الاسم قالت حماتي هي تحب تسميه ياخي ماحبيتش نكسر خاطرها الحمد لله اختارت اسم كنا انا وراجلي مخمين فيه مالاول هو يوسف انا كنت حابه نسميه اسيد عجبني بارشه الاسم كيف قريتو في الانترنيت اما الحمد لله حتى يوسف مزيان الاسم
حيرتلي مواجعي يا ام شيما كنت في رفراف نطلع عالسطح خاصة بعد الفجر نغزر للشمس هي طالعة من جنب الحجرة و الدنيا ساكته تسمع كان حس الموج سبحان الله منظر روعة ولا كعيبة كراب في الليل ناكلوها عالحجر ........قلولي يزي مالرومانسيه متاعك يا يسورة فيق فيق
اما تو حتى كان نمشي لتونس شكون مزال يخليك تتمتع بحاجة في جرتي 3 صغار مزالو بيبيات
نشوفوك ان شاء الله ام شيما في رفراف تجي بحذايا نشربو قهوة عربي عالتيراس متاعنا
امي خديجة صعيب يكون عندي نت في تونس خاصة البريود الاوله نكون نسكن في دار حماتي حتى راجلي يلقا خدمه و نستقرو وقتها يمكن ندخلو نت
تي الله اعلم نقعدو في تونس ولا كل مرة راجلي يطلعلي بطلعة
بنت تونس ما تغيبش عاد بارشة قلنا شنوة الجو في البلاد
نخليكم تو كان نجم نرجعلكم

اهلا يسورة ربي يسهل عليك

ام شيما هذه مو ش التيراس متاعنا اما المنظر هو بنفسه مالتيراس اش قاولك تجي ولا